Wêreldwyd lê ou goed rondgestrooi.Vir die kritiese oog is dit ‘n steen des aanstoots,maar vir my is daar altyd ‘n storie verbonde aan die wrak van ‘n eertydse ou motor,windpomp,plaasimplement en stuk draad.’n Mens ken nie altyd die verhale nie,maar kan maar net raai watter pad hierdie ou ding in ‘n leeftyd in mensehande gestap het.Die misterieuse agter die mense wat hierdie ou goed eens op ‘n tyd hanteer het,hou altyd vir my ‘n stukkie mistiek in en voer my mee na ‘n vervloeë tyd.
Hierdie ou waterpomp staan iewers op ‘n plaas in die suide van Namibië.
Dalk het die water opgedroog,of die einaars het uitgeboer en alles net daar gelos!
‘n Donkiekar in die dorre Kaokoland.Dalk was die wiele afkomstig van ‘n motorwrak.
Die bakwerk is van ou sinkplate aanmekaar getimmer.Dit is duidelik nog in werkende toestand,
die geheimsinnige eienaar was nêrens te siene nie.
Sink,hout en flenter kardeure is ingespan om hierdie huisie te skep.Die vertoiingde geraamte van ‘n
gevalle ou windpomp,beklemtoon die mistroostige toneel van swaarkry.
Miskien het hierdie Landrover duisende kilometer op vêr paaie afgelê,voordat
dit finaal hier tot ruste gekom het.
‘n Haasbek,skewetand windpomp..vir ewig tot stilstand geknars!
Waar sou dié lorrietjie orals gery het,voordat dit ook finaal op hierdie moedverloor
se droë vlakte gaan staan het?Dalk nou net ‘n speelplek vir maer,kaalvoet kindertjies..
Die oorblyfsels van ‘n eens deftige Singernaaimasjien.Hoeveel elegante kledingstukke is onder sy
naald geskep,voordat dit op ‘n hartseer ashoop tussen rolle doringdraad beland het?
Op sy dag,was hierdie die trotse,statige motor,van iemand met ‘n goeie inkomste
en status..gereduseer tot ‘n houer vir vuurmaakhout.
Nog ‘n nuttelose waterpomp,geroes en geskroei deur jare se genadelose son.
‘n Plaasimplement lê en vergaan in die wye ooptes.
As ou goed kon praat….
Ai dis hartseer… hartseer maak egter die beste foto’s
LikeLike
Wens ook die goed kon vertel waar hulle was en aan wie het hulle behoort.
LikeLike
Puik pos, Perdebytjie!
LikeLike
Willie Bester sal vir elkeen van die ou goed ‘n lekker nuwe storie kon gee.
LikeLike
Nice foties – die plekke lyk so leeg – mens wonder hoe mense daar oorleef.
LikeLike
Goeie vraag.Dankie vir inloer.
LikeLike
Dis die gevolge van ‘n weggooikultuur,wat die voedingsbron vir kapitalisme is!
LikeLike
Ek klink dom..wie is Willie Bester?
LikeLike
Dankie Lou.Ek waardeer altyd jou positiewe kommentaar..op die ander blogs ook.
LikeLike
Dankie Modderkoekie.Ek hoop maar my oog hou nog lank,want dis nou ‘n soort van ‘n stokperdjie.
LikeLike
Gelukkig kan mens jou verbeelding laat gaan!
LikeLike
Ja,aftakeling deur mot en roes,is deel van die nie-lewendige wêreld.
LikeLike
Ek sal betaal om van daai scrap te koop vir ons antieke winkel.
LikeLike
Niemand is dom nie, as mens nie vra nie sal mens nie weet nie 🙂 Kunstenaar van die Weskus wat materiale wat herwin is gebruik vir kunswerke. Hy het ‘n ongewone huis, ontsettend kunstig, alles van ander se afval gemaak.
LikeLike
Dit klink interessant.Kan mens sy plek besoek en waar is dit presies?
LikeLike
Ongelukkig is dit alles in Namibië.Maar ek is seker dat jy op baie plase sulke ou goed sal kan kry.Julle het seker maniere om ou goed in die hande te kry.
LikeLike
Ek het van sy uitstallings al in die Goodman galery gesien en sy huis al dikwels in tydskrifte gesien. Kan nie onthou waar hy bly nie. Dis sy privaat huis ek weet nie of dit oop is vir die publiek nie.http://www.williebester.co.za/entercvbester.htm
LikeLike
Dankie,Vega.Ek het gaan loer.Sjoe die man het omtrent sy huis met ou “scrap” versier.Ek sal nou nie sê dis mooi vir my nie,maar voorwaar kreatief!
LikeLike
Jy openbaar diep emosies. Kunstena(a)r? 😉
LikeLike
Miskien wel.Ek merk op dat ek anders kyk na die lewe om my,as meeste mense wat ek ken.Musieklik ook.
LikeLike
eks mal oor jou fotos!
LikeLike
Ek lees n stukkie nostalgie raak. Ek kan erg nostalgies raak, soms sommer n pyn in my eie gai. Mooi foto’s!
LikeLike
Antieke winkel? Waar as ek mag vra, Blikskottel?
LikeLike
Baie dankie.
LikeLike
Nostalgie is ‘n lekker menslike emosie!Dankie vir inloer.
LikeLike
uitstekende fotos
LikeLike
Dankie vir die inloer.
LikeLike
Hulle sou jou ‘n paar stories kon vertel.
LikeLike
Mmmmm, miskien moet jy hulle stories begin vertel. En die stories van die hande wat hulle hanteer het…
LikeLike
Mmmmmm.
LikeLike
Indrukwekkend, die foto’s. Ik zou echt wel eens het verhaal willen weten achter die voorwerpen. Achtergelaten door blanken? Defect en geen onderdelen meer te krijgen?
LikeLiked by 1 person
Dankie dat jy by hierdie horingoue blog kom loer het.Al hierdie ou goed het ek in Namibië raakgeloop.Dis so ‘n wye,massiewe land,dat dit niks snaaks is om veral ou motorwrakke te sien nie.Soms is die afstande net te groot en vêr van die beskawing,om goed te laat herstel.Dan lê dit maar en oproes.
LikeLike
Een gat in de markt voor de Namibische economie 🙂 !
LikeLiked by 1 person