‘n Geoloog se droom

Wanneer ‘n mens in die Ugabrivier se sandbedding ry,begroet hierdie wondertonele jou.Die rivier is een van verskeie riviere in Damaraland in Noord-Wes Namibië.Hierdie riviere loop onder die sand en kan in die reënseisoen gevaarlik afkom en het alreeds verskeie kampeerders onkant gevang!

Dis ook die wandelbane van die Woestynolifante en verskeie ander droëveld diere.Dis egter ‘n lus vir die geologiese oog en het my miljoene jare teruggevoer.In my verbeelding kon ek seebeddings vol vreemde kreature sien en toe weer gletsers wat diep kepe in die landskap sny.Dan was daar weer ‘n groot binnelandse meer en ‘n aardskudding,wat alles omkeer.

Die twee ou kraters (Messum en Doros) in die omgewing het ook gesorg vir skouspelagtige uitbastings en lawaneerslae wat honderde kilometers verder nog waargeneem kan word.

Zebrastrepe in die Ugab,in die Brandbergomgewing

Wat het alles hier gebeur om sulke mooi bruin- en wit- sjokolade formasies te vorm?

Lyk soos ‘n marmerkoek..opgebou uit verskillende lae.

Ons kon hier nie verder,want hier was baie water en plantegroei.

En die aarde het opgerys,gekantel,afgesak en weer opgestoot..

Elke lagie vertel ‘n storie van katastrofes van  vervloeë tydperke, eeue voor Homo Sapiens.

Dis Moeder Natuur op haar rouste!