Ore

Ek sit nou die dag op ‘n lughawe en doen die gewone ding wat ‘n mens op lughawens doen..WAG!Om die tyd om te kry,sit ek in ‘n lekker posisie waar ek die mensdom kan dophou.Wat ‘n interessante spulletjie!

Dikkes,graatjies,langes,kortes,selfversekerdes,skames..almal loop en tik met vingertjies op elektroniese ware.Jissie,die moderne mens is só gekonnekteerd,dat hy eintlik gediskonnekteerd is.

Nietemin,naderhand begin ek die klomp om my dissekteer in kleiner stukkies.Ek begin by die ore.Ek kyk net na almal se ore.Wat ‘n openbaring!Skielik besef ek dat ‘n oor eintlik ‘n vreeslike eienaardige ding is,veral as jy hom losmaak van die lyf waarop hy vasgeplak is.

Sommige lyk soos netjiese pienk klein skulpies.Dan is daar die piepkleintjies,wat soos moesietjies langs die kop sit.Die groot,vlesiges met sulke lang harde hare wat soos Medusa-slange uitkrul,is die grillerigstes.Verskeie ore is dun en deurskynend,met blou are wat soos padkaarte daarop uitgedruk is.

Hier en daar doen ek ‘n meting met die oog saam en sien dat sommige gehoorskulpe van die kakebeen tot by die bokant van die draer se kop strek..verstommend!Dan is daar nog die assimetriese ore,waar elke oor aan dieselfde kop,totaal verskil.

Ek het heerlike binnepret en is maar te bly dat niemand besig is om ‘n studie van my twee bakoortjies te maak nie.

Volgende keer kyk ek net na neuse!

Advertisements

35 thoughts on “Ore”

  1. My kind sê party mense se ore lyk soos gedroogde pere en dis nogal waar. Dis maar goed party mense het hare oor hul ore. Daar was ‘n skoolhoof by ‘n sekere skool wat H2O genoem is – Helse Twee Ore. Jy kan dink hoe hy aange”vlieg” gekom het in die oggende.

    Like

  2. Ek kan my ook verkyk aan mense, ek is mal daaroor! Sien gewoonlik die hare raak of mal om op ‘n dansbaan mense dop te hou… entlik oral, self in ‘n mall, ‘n restaurant, ag enige plek ek vergaap my behoorlik

    Like

  3. Ore is baie belangrik…jy kan basies alles van mens se toekoms aflei uit hul ore uit…ek het bv groot ore…bietjie soos Boeddha bv gehad het…maak maar jul afleidings…

    Like

  4. oë —- dis die eerste waarna ek kyk, maar net na meisies se oë, stel regtig nie belang in mans se anatomie nie, nie eintlik ook in my eie nie, ek is darem al lankal daaraan gewoond …

    Like

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s