Woestelinge

Hierdie leeugesinnetjie was regtig agressief en het hul lippies afgelek vir lekker taai Goodrich bande. Eers het die wyfie ons gejaag en daarna rustig gaan lê.Die mannetjie was snaaks genoeg nie so geïnteresseerd in ons as in die”skoner geslag” nie.Net ‘n entjie verder was hul vier amper uitgegroeide telge. Die drie mannetjies was al goed opgegroei en het tekens van maanhare gewys.Toe ons wou stop om foto’s te neem,het hulle ook ons voertuig se bande probeer byt.Ons moes jaag om weg te kom..tweespoor paadjie in dik sand teen ‘n bloedrooi duin uit!Ek kon nie eers my kamera regkry nie en het toe maar deur die agterruit gekyk en vir manlief kommentaar gelewer oor hoe hy moet jaag om voor te bly!Hulle het ons maklik honderd meter ver gejaag,voordat hulle omgedraai het.Mense na ons,het dieselfde ervaring gehad.

Pasop vir die Leeus van Gharagab,hulle is bekend vir hul bande bytery!