Ek plaas ‘n paar foto’s van die kampe waar ons gebly het,om ‘n idee te kry hoe dit daar lyk.
Shumbakamp waar ons drie dae gekamp het.Let op hoe lendelam die draad is.Wanneer die hekke toe is,kan ‘n leeu regop onderdeur loop!
Grasafdakkie en piekniektafels waar dagbesoekers kan uitspan.Agter die reuse wurgvy,is die toilette.
Oom Olifant het juis in die nag oor die lae draad geklim en heerlik gesmul aan die vyeboom.
Dit was angswekkend,want ons was bang hy stoot sommer die boom om.Gelukkig het hy na ‘n angsvolle
uur of wat,sy lyf weer oor die draad gelig!
Ons tent met kombuisie en stort agter.Gelukkig was daar ‘n donkie waarin David,
die kampopsigter, vir ons vuur gemaak het.Die stort was heerlik warm.
Ons volgende kampplek was Kennedy 1.Hier is ons reg langs die oulike kombuisie geparkeer.
Die opsigter,Simon, en sy vrou,hou die plek tip-top met die minimum geriewe soos skoonmaakmiddels,
ens.tot hul beskikking.Horingou, deurgewaste,dun handdoeke uit ‘n vervloeë kolonialistiese era,hang silwerskoon
langs die buitelug wasbakke.
Ngweshla Piekniekplek.Ons het nie hier oornag nie,maar twee keer hier aangery vir middagete.
Die mense wat die kamp gehuur het,was vreeslik beïndruk met die opsigter,Vincent.
Hy het sommer hul klere ook gegryp en gewas sonder dat hulle gevra het!Wat ‘n skatlike omie,
oud al,maar so hardwerkend en hulpvaardig..het ons skottelgoed ook gegryp en gewas!
Die ingang tot Ngweshla.Vincent is baie trots op sy versierings en hark en vee heeldag!
Stunning – jy besoek darem lekker plekke!
LikeLike
Ek kamp nie en nog minder daar waar olifante oor drade klim is nie ‘n moontlikheid nie Ek slaap ook nie tussen dooie gebeendere nie! Jou foto’s is pragtig soos gewoonlik
LikeLike
Dankie!Ek geniet die lewe verskriklik!
LikeLike
Ag nee,Tina!Ek wou jou juis saamvra op ons volgende wilde ekskursie!
LikeLike
Lyk so lekker rustig ! XXX
LikeLike
Weer nice!
LikeLike
Was baie stil,wonderlike plek om jouself te vind!
LikeLike
Dankie!:-)
LikeLike
is dit so moeilik om toe te gee?Kry kop asb..dit sal jou ‘n VEEL beter mens maak…
LikeLike
Tsk,tsk,Fransie..lyk my jy sit op ‘n doring,skattebolletjie!
LikeLike
Heerlikheid, bytjie!Ek dink julle is soortvan permanent met vakansie.Ek hou so baie van jou blog.
LikeLike
Dankie Lou!Manlief is afgetree en ons gebruik elke oomblik om weg te gaan en nuwe plekke te verken.Ons deel beide die fotografie-stokperdjie.
LikeLike
ek sal maar vir Tina geselskap hou!Dis pragtige wĂªreld en ek gee nie om vir die ongerief van kampeerdery nie, dis net min beskerming teen die natuur wat my maag permanent op ‘n knop sal jaag
LikeLike
Mens moet nogal drade op jou tande hĂª vir die soort ding!
LikeLike
Dit lyk soooo lekker!
LikeLike