Wens ek dat ek net in ‘n grot kan bly…
Dan hoef ek nie bed op te maak nie..ek skud net die velle reg en vee met ‘n grasbesempie die grotkamer skoon.
Die dak sal ook nie lek nie en ek sal ook nie nodig hê om die badkamerteëls te vervang nie.Omdat ek die minimum veluitrustings sal besit,sal dit nie ure neem om die enkele kliprakkie agter in die grot te ontruim nie.Die paar goedjies stoor ek sommer buite onder ‘n klip en ek hoef nie twee ander slaapkamers tjok en blok vol te stop met meubels en veertig jaar se opgaarsels wat uit die hoofslaapkamer moes skuif nie!
Verder sal ek nie verf en stofdampe hoef in te asem nie en ook nie die aanslag van ‘n gillende “angle grinder” op my reeds sensitiewe oortrommels,hoef te verduur nie.
Dit sal ook salig wees om te weet geen elektroniese goed soos hekke wat met knoppies werk,mikrogolfoonde waarvan die liggies geblaas het,TV’s wat skielik sneeu,swembadpomp wat rukkerig die gees gee,internet wat verdwyn omdat koperdrade voete gekry het,verstopte dreins en lekkende toilette,sal my rustige grotwonerbestaan versuur nie.
Maar as ek so loer na die vlieswolkies wat ysige koue voorspel,besef ek dat ek nooit my lastige huis vir ‘n grot sal verruil nie!
Perdebytjie se nes 
As dit eers klaar is gaan jy baie gelukkig wees.
Ek dink terug aan twee badkamers wat ons oorgeteel het,en een kombuis en dan voel ek nog die witsement so aan my hande! Ek dink nie ek sien weer kans daarvoor om dit self te doen nie.
En toe die kombuis nou laas oorgedoen is moes ek vir 2 maande lank in die eetkamer met die mikrogolfoond kosmaak. Maar nou is ek meer as tevrede met die ‘nuwe’ kombuis en het al van die pyn vergeet
🙂
LikeLike
Ja dis die lekkerte om na uit te sien!
LikeLike
as ek ‘n grotbewonder was… sou ek seker menig oggend aan my lokke uit die kooi/velle gesleep moes word, of dink jy hul rugge was nooit stram nie, eers op die kniekoppe dan die boude lig dan die rug reguit/er dan met die hande druk op die grondvloer… nee wat sealie porstepedic klink beter opsie= geniet al die vebeteringe !
LikeLike
Haha!Ek dink hulle het meestal hande-viervoet geloop,dus geen rugprobleme nie.Dis vandat die mens regop loop dat soveel probleme met die skelet ontstaan het! 😆
LikeLike
nee o bloed en trane . daardie perd sal nie hier trek nie, sien myselwers met myyyy anatomie so hande-viervoet !!!
LikeLike
Die grot bewoners het gegaan vir maklike style….simplicity
LikeLike
Ja,daar is krag in eenvoud.Ons maak ons lewens vir onsself so ingewikkeld.Ek wonder of grotbewoners aan stres en depressie gely het?
LikeLike
Ja-nee, wanneer die koue so naderkruip is daar geen beter plek as mens se eie huis nie.
LikeLike
Niks kom by ‘n lekker sagte warm bed nie.My rug sal dit nie op ‘n koue rotsvloer hou nie.
LikeLike
Nee wat, ek sal te veel dinge in daai grot mis!
LikeLike
Eintlik stem ek saam!Ek wens net partykeer dat die lewe eenvoudiger kan wees.
LikeLike
Ja, dat mens minder goed kan hê, maar hoe om te besluit waarsonder jy kan klaarkom?
LikeLike
Ek wil nie teruggaan grot toe nie, maar ek wens nou en dan daar is net aan en af knoppies. Nie meer lus vir al die geleerdery net sodat ek iets kan laat werk nie. .
LikeLike
Jy kan dit wéér sê.Deesdae moet mens omtrent geniaal wees om al die knoppies te verstaan!
LikeLike
Helaas – so ploeter ons maar voort. PS. Dink jy mens kan wi-fi doen in daai grot? 🙂
LikeLike
Die enigste wi-fi in daai grot,is hope vars lug!
LikeLike
Ek kan jou kommentaar sien maar as ek op jou naam tik dan kom ek by die WP bloghhofblad uit m a w daar is iets verkeerd met jou verstellings. Ek kan sien jy follow my en ek follow jou. Maar kry jy my antwoord op jou kommentaar?
LikeLike
‘d*******k521625133.wordpress.com’ is no longer available.is wat ek sien as ek op jou naam klik. Almal wat jou soek gaan die boodskap kry! Hoop dit help.(ek het die sterretjies oor jou naam getik, ek dink nie jy wil dit adverteer nie?
LikeLike
Ek kry wel jou boodskappe en het nou gaan kyk by my stellings.Dis vreemd,want daardie lang ding met my naam en syfers is my wordpress adres.Kry jy kennis van my kommentaar?
LikeLike
Ja ek kry kennis van jou kommentaar en as jy blog sien ek dit op my reader (onder die wp logo).
LikeLike
Wonderlik,dan is daar nie ‘n probleem nie!
LikeLike
Mens moet so een keer elke veertig jaar ‘n massa goed weggooi. Of jou huis gemeubileerd verkoop. Net om weer ‘n nuwe uitdaging te beleef?
LikeLike
Niks kom by ‘n lekker skoonmaak nie.
LikeLike