Liefste Dylan…

Vrydag ‘n jaar gelede,is jy en my kleinseuntjie op dieselfde dag gebore.Ek en jou ouma was saam verheug oor ons pragtige babatjies.Ons het uitgesien daarna om julle vordering dop te hou,soos wat julle groei en ontwikkel.Ons wou julle saam parkie toe stoot in jul waentjies en julle onder die bome laat lê om te kyk vir die voëltjies en die blou lug,saam met julle uitsien na eerste dae op kleuterskool,skool en al die dingetjies wat ‘n ouma saam met haar kleinkind doen.

Dinge het egter anders uitgewerk.Drie dae na jou geboorte het jy meningitis opgedoen.Dae van louter hel het op jou en jou ouers gewag.Party dae het jy tot dertig stuiptrekkings gekry.Jy was heeltyd op sterk medikasie en soms net ‘n verwese stil bondeltjie in jou hospitaalbed.Die beste neuroloë en pediaters het alles probeer.Vir omtrent vier maande het dit goed gegaan en dit het gelyk of jy vordering maak.

Toe loop alles weer verkeerd,liefste seuntjie.Daar was die een terugslag na die ander en eindelik moes ‘n ventilator jou help asemhaal.Vanoggend is die masjiene afgeskakel en jou moeë liggaampie het die stryd gewonne gegee.

My kleinseuntjie sal na die voëltjies en die blou lug kyk en weet daar was ‘n  ander seuntjie wat dolgraag dieselfde sou wou doen.

Rus sag,liewe Dylan…..

Advertisements

20 thoughts on “Liefste Dylan…”

    1. Dit was aaklig vir die arme ouers.Hulle het ‘n klein tweejarige dogtertjie,wat ook deur alles moes gaan en seker nie veel verstaan nie.

      Like

      1. Weet jy, die meisie wat saam my werk se seuntjie is ook so 2 of 3 jaar gelede oorlede aan breinvliesontsteking, hy was 4 maande oud. Hy het bo-op dit een of ander super bug ook gehad, en is binne 10 ure oorlede. Ek sien elke dag hoe sy en haar man sukkel met dit, en my hart breek. Ek kan niks doen of sê nie, want ek weet nie wat dit is waardeer hulle gaan nie.

        Dis tye soos dit wat ek ‘n vinnige fluistergebedjie opsê en net weereens dankie sê vir my gesonde kinders.

        Mens kan net bid.

        Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s