Monthly Archives: March 2015

Liefie,liefie..

30 Comments

Hartediefie!

IMG_1341b
Daar was dertien kameelperde rondom hierdie bos.
IMG_1345
Die liefde loop dik!
IMG_1308b
Dit is bekkies vryf en nekkies swaai…
IMG_1324b
Ai die lekkerte van aanraking…
IMG_1319b
Dit was omtrent ‘n gekafoefel!
IMG_1332b
Pappie is nou sommer op sy agterpote!
IMG_1334b
Een hegte familie.

Ietsie vir

23 Comments

Sophia…

Dis vreeslik moeilik om ‘n naaldekoker in vlug af te neem.Hierdie insek hang soos ‘n helikopter in die lug voor jou.Net as jy dink jy sien sy gedaante in die lens en jy wil fokus,skiet hy weg!Dis interessant om hom dop te hou,want hy kom weer terug na min of meer dieselfde plek,hang rond,jy probeer fokus en weg is hy weer!

Na ongeveer dertig probeerslae en ‘n goeie uur se gespook,het ek een ou foto’tjie gekry,wat min of meer bruikbaar is.

IMG_8987
Hierdie een is nie heeltemal in fokus nie…afgeneem by die Kwang watergat in die Kgalagadi.
IMG_8987b
Dieselfde foto..bietjie gespeel met effekte van Photoshop.

Daar is ‘n lief ou…

27 Comments

hartbeeshuisie,op ‘n plek so wyd en vry..

Vyf-en-dertig kilometer vanaf die ingangshek van die Kgalagadi Oorgrenspark,staan hierdie dierbare ou huisie.Dit staan bekend as die Auchterloniemuseum.Dis piepklein,het drie vertrekkies en inligting oor die destydse lewenswyse in die Kalaharie,is teen die muur aangebring.

Tydens die Eerste Wereldoorlog,is watergate met die hand langs die Auobrivier gegrawe.Dit sou sorg vir water vir die SA troepe indien die destydse Suidwes-Afrika van daar af binnegeval moes word.

Tussen 1913 en 1919 het ‘n Skotse opmeter,Roger “Malkop”(blykbaar was hy bietjie van ‘n woestaard)Duke Jackson,die area opgemeet en verdeel in plase.Vandaar die baie Galliese name,wat steeds vandag vir baie watergate in die park,gebruik word.Daar is name soos Strathmore,Craig Lockhart,Dalkeith,Montrose,Monro en Auchterlonie.

Na die wereldoorlog is blankes en later kleurlinge op die plase gevestig.Die boorgate is onderhou en opgepas deur hulle,maar mettertyd het die plase verlate geraak.Dis ‘n harde plek om te oorleef.

In 1931 het die Minister van Lande,Mnr. Piet Grobler,die area tot nasionale park verklaar.Die boorgatoppassers is uitgeskuif na ‘n area suid van die park,langs die Kurumanrivier.

Vandag is die park oorgelaat aan sy regmatige inwoners en die mens is net daar om die watergate in stand te hou en die wonder van die pragdiere in hul eie omgewing te geniet!

IMG_1564
Gerestoureerde kraalmuur…op ‘n hoogte langs die Auobrivier.
027
Hierdie put is met die hand gegrawe.
038
Die put van bo af.Dis geweldig diep en ‘n mens staan verwonderd dat iemand dit met die hand uitgegrawe het!Moderne mense het natuurlik dit goed gedink om klippe daarin te gooi!Tsk,tsk!
IMG_1553
Hoog op ‘n bult staan hierdie huisie, bokant die vlakte van die Auobrivier.Daar kort net ‘n rokie uit die skoorsteen.
IMG_1113
Die voorkant.Klein venstertjies en dik mure hou die hitte en koue buite.