hartbeeshuisie,op ‘n plek so wyd en vry..
Vyf-en-dertig kilometer vanaf die ingangshek van die Kgalagadi Oorgrenspark,staan hierdie dierbare ou huisie.Dit staan bekend as die Auchterloniemuseum.Dis piepklein,het drie vertrekkies en inligting oor die destydse lewenswyse in die Kalaharie,is teen die muur aangebring.
Tydens die Eerste Wereldoorlog,is watergate met die hand langs die Auobrivier gegrawe.Dit sou sorg vir water vir die SA troepe indien die destydse Suidwes-Afrika van daar af binnegeval moes word.
Tussen 1913 en 1919 het ‘n Skotse opmeter,Roger “Malkop”(blykbaar was hy bietjie van ‘n woestaard)Duke Jackson,die area opgemeet en verdeel in plase.Vandaar die baie Galliese name,wat steeds vandag vir baie watergate in die park,gebruik word.Daar is name soos Strathmore,Craig Lockhart,Dalkeith,Montrose,Monro en Auchterlonie.
Na die wereldoorlog is blankes en later kleurlinge op die plase gevestig.Die boorgate is onderhou en opgepas deur hulle,maar mettertyd het die plase verlate geraak.Dis ‘n harde plek om te oorleef.
In 1931 het die Minister van Lande,Mnr. Piet Grobler,die area tot nasionale park verklaar.Die boorgatoppassers is uitgeskuif na ‘n area suid van die park,langs die Kurumanrivier.
Vandag is die park oorgelaat aan sy regmatige inwoners en die mens is net daar om die watergate in stand te hou en die wonder van die pragdiere in hul eie omgewing te geniet!
Dis nou baie interessant. N skuilplek teen die hitte en die koue ook. Stunning fotos!
LikeLiked by 1 person
Dankie.Toe ek die eerste keer daar kom,was dit vir my so verrassend om hierdie huisie te sien.Dis natuurlik gerestoureer,want daar was net klipmurasies oral.
LikeLiked by 1 person
Baie mooi fotos en interessante stukkie geskiedenis.
LikeLike
Mens kan amper nie dink dat mense daar kon bly nie.Dis uiterste omstandighede.
LikeLiked by 1 person
Sjoe, dankie die visuele toer. Mens wonder hoe dit moes gevoel het om daar te woon? Lyk so asof daar niks in die omgewing is nie. Jou voorlaaste foto is vir my pragtig met die plat koppies aan agterkant.
Interessante feite.
LikeLike
Daar is net duine en bossies en verder kameeldoringbome in die rivierbedding.
LikeLiked by 1 person
Dis nou spesiaal … so ietsie mens in die wye groot natuur
LikeLiked by 1 person
Dis heel verrassend as mens so om ‘n draai kom en dáár staan die huisie op ‘n hoogte!
LikeLiked by 1 person
Soos ‘n Sprokie
LikeLiked by 1 person
Ag, is dit nie die mooiste ou huisie nie? Ek sal hou van so huisie daar doer bo in die berge, ver weg van mense af, net omring met diere. 😀
Ek is bly die plekkie word nou mooi onderhou sodat diere-en-natuurliefhebbers soos jy dit vir ons kan wys Dina. Dankie vir die deel. 😀
LikeLike
En daar verdwyn my kommentaar sommer net so! Wonder wat gaan aan?
In elk geval, laat ek maar weer sê dis ‘n pragtige hartbeeshuisie en ek is bly hulle hou als so mooi in stand sodat jy jou pragfoto’s met ons kan deel Dina. Baie dankie. 😀
LikeLike
Ek sien darem nou wat jy geskryf het.Die ou huisie is so ‘n klompie jare gelede gerestoureer en al is dit stowwerig binne,gee dit ‘n goeie idee van hoe dit moes voel om daarin te bly.Dis nogal donker binnekant,maar daar is ‘n lig wat aangaan en met sonenergie werk.
LikeLiked by 1 person
Jou fotos trek my sommer sterk Kalahari toe Dina!
Mens moet maar mooi rondkyk voor jy by Auchterlonie uitklim; vriende het verlede jaar vir my n foto gewys van n luiperd wat om die huisie se klipmuur vir hulle geloer het, maar so goed gekamoefleer!
LikeLiked by 1 person
Dit sal nogal erg wees as die luiperd binne in die huisie vasgekeer is en mens kom per ongeluk op hom af.Gelukkig luister mense en maak die deur toe as hulle uitgaan.Daar was ‘n geval by een van die ander piekniekplekke waar ‘n hiena in die damestoilet beland het.Dit was glo chaos!
LikeLiked by 1 person
Ek kan my net voorstel!
LikeLiked by 1 person
Jou vertelling laat my aan die atmosfeer in die pioniershuisie in Silverton dink, wat my dae lank na die besoek nog bygebly het.
LikeLike
Ek kon so lekker in die huisie staan en my verbeel wie daar gewoon het.
LikeLiked by 2 people
Baie interessant. Die moderne mense wie die klippe ingegooi het, sal sekerlik nie daaraan dink om dit uit te haal nie? Of hoe dit uitkom nie?
LikeLike
Ek dink hulle wou hoor hoe diep is die put,maar toe val die klippe op die yster,wat moet keer dat gekke nie daar inval nie.Dit kan seker uitgehaal word,maar die muurtjie om die put,is bietjie hoog
LikeLike
Dankie vir die mooi beskrywing en ook pragtige fotos. Mens kan sommer die huisie skilder so mooi is dit. Een van my wense was nog altyd om daardie park te besoek. Ongelukkig het dit nooit gebeur nie. Nogal spyt daaroor noudat ek jou vertelling gelees het.
LikeLike
Dis ‘n baie besondere plek en heeltemal anders as enige ander wildtuin in SA.
LikeLike
Het so gehoor, dis hoekom ek van lankal die Park as een van my wense gehad het. Nog voordat dit selfs die oorgrens geword het.
LikeLiked by 1 person
Jy sit altyd die interessantste foto’s en inligting op. Baie dankie vir die deel hiervan!
LikeLike
Dit lyk asof daardie huisie goed in Skotland ook sal pas. Die “oumense” het darm maar baie met min reggekry.
LikeLiked by 1 person
Hulle was voorwaar pioniers.Ons is vandag te saf om sulke dinge te doen.
LikeLike
Perdebytjie ek het dit baie geniet, dankie vir die mooi artikel!
LikeLike
Plesier Wolfie!
LikeLike
Dor en verlate… en MOOI!
LikeLike