Daar is niks….

wat kom by die roep van die Visarend nie…dis eie aan Afrika!

Ek het onlangs ‘n foto vir Wolfie,van ‘n jong visarend geplaas en dit lyk allesbehalwe na ‘n visarend.Dis wat die uitkenning van roofvoëls soms baie moeilik maak.Die jonges en semi-volwassenes verskil so van volwassenes,dat mens soms dink dis ‘n ander spesie!

Ek plaas ‘n paar foto’s van verskillende stadia van visarende se ontwikkeling tot volwassenheid.

Jong visarende se washuid(gedeelte om die bek) is grys en hulle vere is nog erg gespikkeld voor volwassenheid.Hierdie is ‘n voorbeeld van een wat amper wasdom bereik het.

Nog ‘n jongetjie met redelik baie vlekke.Let op die veertjie in sy bek.Kyk die verskriklike skerp naels..enige vis se nagmerrie!

Van vooraf,kan mens duidelik die gryser gesig sien wat hom onderskei van die volwassene.

Vergelyk die vowassene met die vorige voorbeeld..goudgeel washuid,spierwit en bruin vleklose vere.

Ek plaas weer die jonge in vlug,om dit te vergelyk met die volwassene in die volgende foto.

Volwassene in vlug..onmiskenbaar die gevleuelde koning bokant die waters van Afrika!

Beste plek vir ‘n visarend!Nog nie heeltemal volwasse nie.