Op eensame geheime paaie deel 6

Op die vierde dag ry ons na die dorpie Sesfontein.Dit is die hoofdorpie in die Kunene Distrik en het ‘n inwonertal van 7,358 mense.Daar is ses fonteine wat in die omgewing ontspring,vandaar die naam.

Dis ‘n baie klein dorpie en die hoofstraat lewer ‘n paar interessante plekke op:

Haarkapper …Ys word oral verkoop,maar die gesoute toeris sal liewer nie hiervan gebruik maak nie.Katteskiet en hardloop is ‘n gegewe!

Wrak van ‘n bakkie wat gerol het!

Dit was op die middaghitte en die winkeltjie was gesluit.

Die Sjinese is oral,maar in hierdie geval is dit ‘n plaaslike inwoner wat gedink het ,dat die naam aanloklik klink.

Die kroeg was oop,maar nie ‘n enkele siel was in sig nie.Hopelik sink dit nie die besigheid nie!

Die welbekende Fort Sesfontein is die spoggerigste gebou in die dorpie.Dis in 1896 deur die Duitsers gebou en het gedien as ‘n blyplek vir soldate wat veesiektes,onwettige jag en wapensmokkelary moes monitor.In 1914 het dit heeltemal verval,maar na honderd jaar is dit gerestoureer en dien dit as blyplek vir besoekers.

Warmquelle is net ‘n entjie van Sesfontein af en hier draai mens af na een van die fonteine in die omgewing.

Oppad na die fontein kom ons op hierdie Himbakindertjies af.Klippe  skrik geen kaalvoet- kindjie af nie!

Langs die pad is hierdie opelug kindertuin.Onder die boom is klippe om te sit en dis DIT!

Bokke drink water uit een van die fonteine wat sommer so uit die berg borrel.

Nog steeds oppad na die fontein…Herero- vrouens met hul kleurvolle drag.Hereros en Himbas is dieselfde bevolkingsgroep.Die Hereros is verwesters terwyl die Himbas nog baie tradisioneel leef.

Uiteindelik..die Ongongofontein!Teen hierdie tyd is ons moeg en warm en regtig vuil na vier dae sonder ‘n behoorlike was!

Wat ‘n verrassing…helder water borrel uit die berg en dis so skoon,mens kan tot op die bodem sien.Daar is bietjie alge,maar niks gaan ons afskrik nie!

Perdeby maak lyf nat..klere en al!Die water is heerlik warm en dis die saligste gevoel om daar rond te dryf.Die klere was natuurlik binne ‘n halfuur droog.want dit was versengend warm.