Dis die klein dingetjies..

wat ons soms ontglip.As jy egter stil sit en rondkyk om jou,gebeur daar nogal baie.Ek het een middag net op die houtplatvormpie voor ons huisie gesit en die volgende waargeneem,sonder om ‘n voet te versit:

Laaste blommetjies voor die ysige winterkoue.

Wie sou kon dink dat ‘n nare plantjie soos ‘n dubbeltjie,so ‘n mooi blommetjie het.Toevallig was daar ‘n veertjie ook verstrengel in die ruwe blare.(Tribulis zeyheri).

Met uitgerafelde toiingrige vlerkies,geniet sy die laaste strale van die skraal middagsonnetjie.

Nog ‘n klein besoekertjie op my stoep,is liewe klein baardmannetjie.Dis ‘n piepklein voëltjie,slegs 10cm en weeg 9-13g.(Scaly-feathered Finch).

Baardmannetjie se nes.Duidelik nie deur hom gebou nie…soms trek hulle in ander voëls se neste in.Hierdie lyk soos ‘n koringvoël se nes,maar die paartjie het dit oorgeneem!Hul eie nessies is rond met ‘n klein tonneluitgang.

Sommer net verras deur hierdie pragtige wesentjie.

Gemsbok Komkommer(Acanthosicyos naudinianus)

Nog ‘n besoekie van die pragtige dame.

Gemsbokkomkommer van naby.

Hierdie mooi outjie was die toppunt van ‘n heerlike middag op ‘n stoepie in die Kgalagadi!