Vir die lesers wat nie weet nie,SAPS staan vir South African Police Service.
Gister gaan die uwe en Gogo,my huishulp,polisiestasie toe om net twee ID-afskrifte te laat waarmerk vir haar polis wat nou gaan uitkeer.Daar gekom,staan daar ‘n plaat polisievoertuie…die klein VW-Gholfies…die wêreld vol geparkeer.Lyk of daar ‘n groot byeenkoms is.Nietemin parkeer ek my karretjie styf tussen ‘n vangwa en ‘n Gholfie.
Gogo gaan sit in die ry en ek hang buite rond…gril my dood vir die stoele waarop duisende sitvlakke daagliks van een kant na die ander,voortskuif in die ry!Daar is net drie mense wat saam met haar wag.By die toonbank is ‘n sersant besig om ‘n verklaring af te neem.’n Ander ou sit en skryf stadig in ‘n groot boek met sulke vuilgevatte haasore.’n Derde een sit en staar in die niet met ‘n stapel goed voor hom.Die stempel waarvoor die drie in die ry gekom het,lê op ‘n onbemande toonbank!
Buite hang ‘n polisievrou met dik grimering en ‘n volronde agterstewe,doelloos rond.Sy vra waarvoor ons daar is en ek beduie ons missie.Later kyk sy op haar horlosie en sien …oh,lunch break is over…skommel stadig die vertrek binne en gaan sit by die stempeltoonbank.Ek sug van verligting,want die ry het nog nie ‘n aks beweeg nie en die een ou voor Gogo,sit al meer as ‘n uur en wag en hy begin al kook onder die kraag!
Polisiemama vind egter ‘n leêr wat sy moet teken,belangriker as diens aan die publiek..en skommel weer uit die vertrek buitentoe.Die stempel lê steeds onbeman!Sy kom verby my en ek vra haar vreeslik mooi of sy nie net gou die drie mensies wat wag,kan help nie.”Just now” is die antwoord en sy verdwyn by ‘n deur in,om nooit weer tevoorskyn te kom nie.
Intussen het een van die drie wat saam met Gogo wag,buitentoe gekom vir vars lug en ons tweetjies leun teen die muur en ontleed die situasie van die flinke dienslewering.’n Konstabel kom verby en vra aan my geselsmaat waarvoor hy daar is.Die uniformman beduie daar is ‘n karavaan twee meter van ons af,weggesteek agter ‘n groot wit kontrepsie,wat lyk soos ‘n ou watertenk.Wragtag,daar sit ‘n tante en sy tjap tjop-tjop almal se papiere wat gewaarmerk moet word…daar was toe nie eers iemand in die ry nie.Handig as niemand die plek kan sien nie né!
Ek stoom die kantoor binne en vertel vir Gogo en die ander ou wat nou al amper twee ure wag,van my “vonds”!Ek vra toe die tannie in die karavaantjie,waarom daar nie eers ‘n papiertjie geplak is teen die wit kontrepsie om die plek aan te dui nie…haar ontwykende antwoord: “Elkeen kry ‘n uur op ‘n dag ‘n beurt om hier te stempel en dis nou my uur”.
Ek kan nie glo dat die fris polisiemama nie vir my gesê het van die karavaantjie nie.Ek en sy het tien minute lank ‘n vriendelike gesprek gehad reg by die wit kontrepsie,wat lyk soos ‘n ou watertenk.Gemeenheid,of oor ek haar tyd opgeneem het in “lunch hour”?
Ek slaan my hande saam en rol my oë…SAPS minus die S!
Dalk wis sy nie van die karavaantjie nie 😥
LikeLiked by 1 person
Twee meter van haar af…😝
LikeLiked by 2 people
Met my reise vir die reunie is ons darem 1 keer gestop en daar is gera vir bestuurslisensie en die registrasie skyfie op die motor is nagegaan .Ons is gevra om versigtig te ry en weer laat gaan toe die elekroniese stelsel motor en ons papierwerk bevestig het.
LikeLiked by 1 person
Alles is nie sleg nie,maar gister was net iets ysliks!Weet hierdie dame nie eers wat op eie werf aangaan nie?
LikeLike
Eish! Swak diens is deesdae die reël eerder as die uitsondering.
LikeLiked by 1 person
In my storie het ek nie eers vertel nie,dat my en die polisiedame se gesprek gegaan het oor dienslewering!Ek het gesê ek hoor daardie polisiestasie is bekend vir goeie diens,toe stem sy saam en verwyt dat “they don’t want to commend us”…ek weet nou nog nie wie “they” is nie en wat de hoenders sy bedoel het nie!Wel…”I shall not recommend them to anybody”!
LikeLiked by 3 people
haha, dit vat die koek!
LikeLiked by 1 person
Ek is nou nog verstom oor die gebeure!
LikeLiked by 1 person
Wünsche ein schönes Weekend Grüße lieb Gislinde
LikeLiked by 1 person
Danke schön,Gislinde!
LikeLike
Wat een onvoorstelbaar verhaal …..
Zonnige groet,
LikeLiked by 1 person
Lagwekkend as dit nie so frustrerend was nie!
LikeLiked by 1 person
Ik had ergens gehoopt dat men je in de gevangenis zou hebben gestopt, maar neen :(.
Bij dit verhaal passen eigenlijk foto’s. Jammer dat die er niet zijn… Zeer grappig, dat wel.
LikeLiked by 1 person
Haha..as ek in die gevangenis beland het,sou dit nag wees om daar te probeer uitkom,met sulke diens!😂😂
Hierdie laat my dink aan jou storie met die bankdiens en jou ervaring in een of ander Afrikaland.
LikeLiked by 2 people
Jij kunt zeker ontsnappen uit die gevangenis – misschien wel enkel en alleen met je charmes…
Senegal was het – volgend jaar hoogstwaarschijnlijk Zuid Afrika, ik kijk er echt naar uit!
LikeLiked by 1 person
O ja ek onthou nou dit was Senegal!
Ek dink nie my sjarme sal my kan red nie…te oud en lelik!😜😜
Ek is bly julle gaan SA besoek.Dis ‘n wonderlike land met wonderlike mense,maar ongelukkig ook met groot seerplekke en baie hartseer.Hopelik sal julle net die mooi beleef.
LikeLiked by 1 person
Mijn schat heeft je reactie gelezen, en is net als ik onder de indruk van je taal
LikeLiked by 1 person
Ek is bly om dit te hoor…julle taal is die moeder van ons s’n.Interessant om te sien hoe ‘n taal kan verander in slegs ‘n paar eeue.
LikeLiked by 1 person
As ek foto’s geneem het was ek dalk regtig agter tralies!
LikeLiked by 1 person
Wat een verhaal daar gaat je bloed toch van koken.
LikeLiked by 1 person
Jy kan dit weer sê.Ons bly egter positief en lag maar daaroor,anders sal die lewe hier mens onderkry.
LikeLike
Ooooo jy moes vir my gevra het Hier het ons sulke polisie waens wat by groot inkopieplekke staan en as jy baie ongelukkig is, is daar een voor jou. Dit werk baie goed Tog as jy vir iets anders stasie toe moet is dit nag!
LikeLiked by 1 person
Suggg..jy wil ook nie weet hoe verwaarloos is die twee kantore hier in ons omgewing nie.Ek weet nie hoe hulle kan funksioneer in so ‘n omgewing nie!
LikeLiked by 1 person
Mens moet liewer nie intens daaroor dink nie!
LikeLiked by 1 person
😞😞
LikeLiked by 1 person
maak daar maar SAPD van:
South African Police Disservice! 😉
LikeLiked by 1 person
In Afrikaans is die afkorting juis SAPD(Suid-Afrikaanse Polisie Diens)Jy laat my nou lekker lag!
LikeLike
Die “S” is in soveel van ons departemente al lankal op “extended leave”…
LikeLiked by 1 person
Dis so hartseer,Dries!
LikeLike
Oooo hoe verlang ek nou na die wagtende rye by polisiestasie! Voor my vertrek was daar duisende goed wat afgehandel moes word. Die een dame wat my opn stadium gehelp het het aanbeveel dat ek die papiere self in Pretoria moet gaan aflewer en weer haal anders gaan dit nooit daar uitkom nie! Dis nou haar eie posvervoer van belangrike dokumente wat net nie Pta bereik nie! Hier by SA ambassade gaan dit nie baie flinker nie! Tragies!
LikeLiked by 1 person
Ai die ratte van burokrasie knars stadig!
LikeLike
Dis nie rerig ongewoon nie. Hul sien ook wie dit is en dan maak hul eers stadig en tydsaam.
LikeLiked by 1 person
Of magsug…al die mense in die ry was swart,die polisiedame en almal agter die toonbank ook….dus was dit nie ‘n rassistiese ding nie,maar “ek sal julle laat wag,want ek kan”!
LikeLike
Ek stem saam hul buit die eenvoudiges van hul eie uit om te wys hul kan. Dis rerig onregverdig teenoor daardie arme huiswerkers en arbeiders!
LikeLiked by 1 person
T.I.A. 😉
LikeLike
Vat maar volgende keer ‘n boek saam, en ‘n voetstoeltjie. Ek grap nou…. maar “what shall we do?”
LikeLiked by 1 person
Ja,geen stoel dáár waarop ek graag sal sit nie😝
LikeLiked by 1 person
Pure bureaucratie. Ik wist niet dat zoiets nog bestond.
LikeLiked by 1 person
Dit staan nog sterk hier in SA!
LikeLiked by 1 person
Toemaar, gister moes ons ‘n beampte by die verkeersafdeling ‘n bribe gee sodat ons ‘n rybewys wettiglik kon kry. R300. Anders het sy gesê sy kon nie ons papier ‘kry’ nie.
LikeLiked by 1 person
Sjoe,jy moes haar aangegee het!
LikeLiked by 1 person
Met watter bewyse?…
LikeLike
Sulke stories laat my ons SAPS stasie meer en meer waardeer.
LikeLiked by 1 person
Dis eintlik onaanvaarbaar,maar as jy kla,is jy ‘n rassis!
LikeLike
Ek dink iemand het op ‘n dag ‘n boek geskry met die tilel … “Cry the Beloved Country!” Van ons bure geskryf maar so van toepassing! Yes… I cry for my beloved country! 😦
LikeLiked by 1 person
Hier is darem baie dinge wat ook goed en reg is.
LikeLike
Gelukkig is dit so. 😉
LikeLiked by 1 person