Elke oggend stap hy hier verby,somer en winter…die ou geboë grys man.Langs hom stap sy getroue metgesel aan ‘n leiband…’n pragtige Welsh Terrier,jonk en lewendig,maar rustig-gehoorsaam.
Soms stop die man en gesels met verbygangers,meestal onbekendes,wat oor sy pragdier uitvra.’n Hond is altyd ‘n aanknopingspunt,maar dis waar die gesprekke bly,kort,leeg en betekenisloos.
Gewoonlik stap hy afgemete.Soms stap hy stadig.Soms tuur hy oor die oseaan.Soms staan hy sommer net stil.Die hond is altyd getrou langs hom.
Smiddae kom hy weer verby,stap weer afgemete,stap weer stadig,tuur weer oor die oseaan en staan sommer net stil,die hond steeds getrou langs hom.
Wat is die mens tog?’n Vlietende asem wat vir ‘n kort tydjie die aarde bewandel,jonk en vol bravade van die jeug,met ‘n gewaande idee van onsterflikheid.Soos die tyd aanstap,die ontnugtering van ideale wat nie verwesenlik word nie en die harde werklikheid van die lewe met sy volle aanslag,wat mens soms asemloos op die knieë dwing…net platgeslaan!
Die goeie en slegte tye snel verby en voor jy wis,is dit net ‘n herinnering van wat was en al wat oorbly is ‘n verlangende teruggryp na die verlede,soos in die gedagtewêreld van ‘n eensame ou man.
NS.Ek voel sommer vanaand nostalgies,na al die lelike gebeure van die afgelope week.Dit laat my opnuut besef hoe broos en onvoorspelbaar die lewe is.
Net waarhede. Veral, as mens ouer word.
LikeLiked by 1 person
Ongelukkig word mens bietjie sinies ook,né Danie.
LikeLike
Miskien is hy nie eensaam nie en verkies om alleen te wees. Dink aan Greta Garbo I want to be alone…
LikeLiked by 1 person
Ek hoop dis die geval…lekker lag ek vir die Greta Garbo sêding.My ma het dit altyd vir ons gesê in ‘n regte Greta stem…dan het ons geweet ons moet nou skoert en haar uitlos!
LikeLike
Gesels bietjie met hom dan kom vertel jy vir ons wat hy alles sê. 🙂
LikeLiked by 1 person
Ons het al bietjie gesels,maar hy is baie stroef en teruggetrokke.
LikeLiked by 1 person
Ik heb een beetje medelijden met de hond.
Zou hij niet graag eens rennen?
Heerlijk met zijn snoet in het schuimende water.
Of muisjes uitgraven ,welke terriër zou dat niet willen?
Een hondenleven is ook maar kort als je het over tijd hebt.
Tijd is een heel raar begrip.
Het heeft vleugels.
LikeLiked by 1 person
Ja,die hond sou seker graag wil los hardloop,maar ek dink sy baas is te oud om dit te beheer.Hy lyk egter baie gelukkig,want hy stap twee keer op ‘n dag.
LikeLike
Soggens op pad werk toe het ek dikwels ‘n waardige oom met sy boelterriër sien stap. Deesdae sien ek hom selde en hy stap nou alleen…
LikeLiked by 1 person
Siestog,sy hond is seker dood.
LikeLike
Seker beter so as dat die hond alleen agterbly. Die twee was so in harmonie.
LikeLiked by 1 person
Ja,as die hond agterbly,is dit altyd hartseer,want wie gaan soos sy baas vir hom liefhê en sorg?
LikeLiked by 1 person
Ja sug , dit is wat dit is…. nostalgies. As jy nog meer nostalgies wil voel gaan kyk na Emma MCEVOY se fotos getiteld Sand Castles
LikeLiked by 1 person
Dis wat ‘n Saterdagaand aan mens doen…bring al die nostalgie en verlangens na wat was,weer tevoorskyn.Ek sal bietjie gaan google vir hierdie vrou se foto’s,dankie Monica.
LikeLike
Het gou gaan kyk…fantastiese foto’s wat sy geneem het!
LikeLike
In Kimberley by die vis en skyfie kafee wat ons meeste van die maandelikse inkopetogte ondersteun het daar altyd ‘n oorlogsveteraan en sy Basset hond aangekom vir middagete. Die oubaas pynlik netjies in sy step outs en die hond in ‘n tipe kakie onderbaadjie met sy bord, waterbak en bottel in die sysakke. Altyd is ‘n allegaartjie bestel, netjies tussen die twee verdeel en geniet. Die oubaas kry dan ‘n potjie tee en die hond ‘n glas melk in sy waterbak.
LikeLiked by 4 people
Dis ‘n pragtige storie!Snaaks hoe verhale oor mens en hond,die hartsnare roer.
LikeLike
Oud word is erg, maar alleen oud word moet n verskriklike ding wees…
LikeLiked by 1 person
Beslis,maar as mens mooi herinneringe het,kan dit dalk draagliker wees,né Dries.
LikeLiked by 1 person
Ek weet nie, want hoe meer herinneringe jy het, hoe groter is die gemis van dit wat jy gehad het? Dis wat my ma gesê het. Op 96-jarige leeftyd het sy al haar tydgenote oorleef en niemand wat saam met haar kon onthou van vervloeë dae nie. Sorrie, dit klink nou negatief.
LikeLiked by 1 person
Dis waar.My skoonma is 91 en het presies dieselfde gevoelens.Oumense is permanent depressief,juis hieroor.Mens is eintlik nie bedoel om so oud te word nie.
LikeLiked by 1 person
Miskien, hoop nie ek hoef ooit uit te vind nie.
LikeLiked by 1 person
Dis my wens ook😀
LikeLiked by 1 person
Ik zou mezelf prima vinden in die eenzaamheid.
De laatste dagen zijn inderdaad weer dingen gebeurd in de wereld die onbegrijpelijk zijn voor een normaal denkende mens.
LikeLiked by 1 person
Paul,ek hou ook van alleen wees,maar ek dink eensaamheid is erg.
LikeLike
Er is een verschil tussen ‘eenzaamheid’ en ‘alleen zijn’. Eenzaamheid is als je echt niemand hebt die om je geeft (zou ik ook geen fan van zijn). Bij het ‘alleen zijn’ kun je echt je gedachten eens ordenen, en daar hou ik wel van.
LikeLiked by 1 person
Juis!
LikeLike
Daaioomblik van waarhed–ek is wat ek is, niks anders nie, tenspyte van al die drome en gejaag na wind. Maar die aanvaarding is’n bevryding van die gees.
LikeLiked by 1 person
Ja Lewies,ongelukkig neem mens lank om by hierdie punt uit te kom en dan is dit soms te laat.
LikeLike
Die wêreldgebeure is baie steurend! Ek is ook meestal alleen. Ek doen egter moeite om as ek uitgaan met voetgangers of inwoners langs pad n praatjie aan te knoop. Ek wil nie by die punt van eensaamheid draai nie! Trompie is ook n wonderlike meelewende hond. Hy wag as ons straat oor steek tot ek sê ons moet loop. As hy agterkom dat ek die bult te stadig uitklim sal hy staan en wag tot ek by hom is en dan weer verder snuffel.(hy het n redelike lang lei-band) Sy optrede maak my sommer ekstra lief vir hom.
LikeLiked by 1 person
Dierbare Trompie…gee hom ‘n drukkie van my af!
LikeLike
Hy sal dit waardeer om n ekstra drukkie te kry! 🙂
LikeLiked by 1 person
Ek verstom my partykeer wanneer ek so oor my lewe terugkyk waar ek orals gaan draai het, en hoe my lewe geloop het. Baie lag…. maar ook baie trane. Wens ek kan daardie oom se lewensverhaal hoor!!
LikeLiked by 1 person
Maak mens weemoedig dat alles so vinnig verby gaan.
LikeLiked by 1 person
Like the blink of an eye. Drukkie vir jou.
LikeLiked by 1 person
Dankie liewe Kameel!
LikeLike
//Oudword is nie vir sissies nie
LikeLiked by 1 person
Nee beslis nie!
LikeLiked by 1 person
Eenzaamheid een gevaarlijk iets..mensen verliezen zich er vaak in
LikeLiked by 1 person
Dis pragtig geskryf. Ek kan die ou man sien stap in my geestesoog.
LikeLiked by 1 person
Dankie,Christina.
LikeLiked by 1 person
een triest beeld dat jij schept van deze eenzame man en zijn hond.
ik hoop dat het de mooie herinneringen zijn, die hem doen dromen!
LikeLiked by 1 person
Miskien is hy nie so eensaam nie,Neusie.Dis maar hoe dit vir my lyk as ek hom so sien.
LikeLike
Sjoe – jou skryfkreatiwiteit het omtrent toegeneem vandat ek laas hier gelees het. Pragtig geskryf en … diep. Lekker om weer ietsie van jou te lees en sien.
LikeLiked by 1 person
Jy is so skaars Spokie.Ek het al gedink jy het opgehou blog!
LikeLike
Op ‘n heel ander onderwerp – ek het geskrik toe die olifant na my staar met die opmaak van die blog. Oor ouer wordende olifante is daar natuurlik baie stories. ten minste as ons olifant met mense wil vergelyk – plooie is nie altys teken van ouderdom nie – in die fleur van sy lewe is ollie reeds goed beplooid!
LikeLiked by 1 person
Daai is ‘n woestynolifant,so hy is sommer ekstra geplooid!
LikeLike
Ja ons elkeen het ‘n storie wat ander laat wonder. Ek is baie lief vir my eie geselskap. Somtyds kan iemand eensaam wees tussen ander mense. Interessante woord ‘eensaam’..Lekker gelees aan jou insiggewende woorde Angeltjie
LikeLiked by 1 person
Dankie,Hannelies…altyd bly as jy kom kuier by die Angel!
LikeLiked by 1 person
🙂 altyd insiggewende kuiers
LikeLiked by 1 person
Hoendervleis mooi oorvertel…. die bytjie se pen drup heuning!
LikeLiked by 1 person
Ahem…komende van die Wolf,is sit ‘n grooot kompliment!
LikeLiked by 1 person
Jy verdien dit dubbel en dwars
LikeLiked by 1 person
Dankie liewe Wolf!
LikeLiked by 1 person
Shoe… nou voel ek sommer treurig… en oud!
LikeLiked by 1 person
Ag nee,ek wil jou nie hartseer maak nie!
LikeLike