Nog woestynbewonertjies

Mens wonder dikwels of voëls ook in die woestyn voorkom.Wel,tot my verbasing vind ons die volgende veervolkies ook op ons woestynuitstappie:

Die Woestynspekvreter (Tractrac Chat)woon op die duine en gruisvlaktes van die Namib.Dié parmantige klein voëltjies raak heel mak naby mense en kan redelik maklik gefotografeer word as mens net vinnig genoeg is!

Hierdie enetjie het gefladdervlieg op dieselfde plek,toe kon ek hom vasvang met my lens.

Hierdie knapie lyk baie soos die spekvreter,maar dis ‘n Namiblewerik.(Gray’s Lark)

Ek is gek oor verkleurmannetjies,dus plaas ek nog ‘n paar aksiefoto’s.

Die interessantste en mooiste van al die woestyndiertjies,is die Palmatogeitjie (Palmato Ghecko).

Hierdie diertjie is heel deurskynend en mens kan sy ingewande van buite af sien,selfs die eiertjies,wanneer die wyfie dragtig is!Let op die gewebde toontjies,om makliker op die sand te beweeg.Hulle is nagdiere en die son is dodelik.Net ‘n paar sekondes sonlig kan hul einde beteken! As jy een uitgrawe om te besigtig,moet hy heeltyd in skaduwee gehou word.Hy beskik nie oor ooglede nie en moet sy ogies lek om dit skoon en vogtig te hou.

(Laaste twee foto’s geneem deur manlief)

Hierdie pos is spesiaal vir Thomas Pannenkoek,wat eerder die natuur,as lelike skepe in ‘n hawe, wil sien…LOL!