Humor op vêr paaie…

Die woeste Kaokoland is nie net besonders en vêr van alles af nie.Om elke draai is ‘n aangename verrassing.As dit nie klipmanne is nie,is dit humoristiese padaanwysers,met grapjasse se spore wat daar gelaat is.

Die eerste een wat ons teëgekom het,was drie groen dromme.Om mooi die prentjie te kry,moet mens verstaan,dis myle en myle van die beskawing af op ‘n kaal vlakte,waar jy sewe dae die toekoms in kan sien!

Die prentjie is afgerond met iemand se pet,’n ou rekenaarskerm,sleutelbord en muis!

Elkeen wat verbykom,plak sy plakker op die skerm.Items vir oorlewing:’n potjie Ingram’s Campherroom(groen houertjie links)vir ‘n dor vel.’n Botteltjie Jaegermeister(langs die room)vir die groot dors.’n Aansteker om vuur te maak met geen hout in sig nie.’n Paar Namdollars vir kos,met die naaste winkel 500km ver en ‘n boekie sonder ‘n pen,om in te skryf dat jy dit tot hier gemaak het!

Die Rooi drom is die oudste en staan op ‘n kruising van vier windrigtings.Mens moet maar weet waarheen jy gaan,want hier is nie naambordjies nie!

Vol gate geskiet en klippe met verbygangers se name op..heelwat deur die jare.Die storie gaan dat dit nog ‘n drom is uit die dae van die grensoorlog tussen Suid-Afrika en Angola.

Die interessantste drom is die blou een.

Perdeby wou bel,maar…..

soos Caesar en Candice,moes sy met ‘n skok besef,dat die foon buite werking is!

Miskien is daar ‘n satelietsein??

Toe nou nie!

 

Van die anderkant af.

Die vete tussen Toyota Landcruiser en Landrover sal vir ewig voortduur.”Off course”,moet natuurlik “of course” wees.Miskien moet die Landcruisers eers hul Engels bietjie optop!

Daar is nog dromme.maar ons het net by hierdie drie uitgekom.Dit maak ‘n lang reis baie prettig!