Besondere mense

Die Himbas van Kaokoland is geharde mense.Hulle leef na aan die aarde en in uiterste eenvoud.Hulle is veeboere en trek rond agter weiding vir hul diere.Gelukkig is dit moontlik,want Damaraland en Kaokoland is gemeenskaplike grond en nie afgebaken in besitreg nie.Daarom is dit ook moontlik vir die toeris om haas enige plek te ry en kamp op te slaan.

Daar is al soveel oor hierdie besondere groep geskryf,dat ek nie meer kan byvoeg nie.Ek was egter gelukkig om hierdie groepie raak te loop en hulle was heel inskiklik dat ek foto’s neem.Dis uiters ongeskik om sonder hul toestemming hul woonplekke te besoek of foto’s te neem.

Na die uitruil van ‘n pakkie suigtablette vir keelseer en oogdruppels vir die kleintjies,was hulle die ene glimlagte en bereid om model te speel.

Hierdie vrou was duidelik die leier en die babatjie was amper vas aan die slaap.Die twee jong dogters was baie skaam en die kleinste het beduie haar keel is baie seer.

Hier is die outjie al effens wakker,maar nog valerig.Let op hoe ontsteek is sy ogies.Die hitte en stof eis sy tol op ‘n oog.

 Die vrou op die agterste donkie se baba se ogies was ook erg ontsteek.

Die interessante haarstuk van naby.Die rooibruin kleur van die vrouens,is ‘n mengsel van   oker en dierevet,wat aangesmeer word.

                                                Vrolike vaarwel na die fotosessie!

Lees gerus hier vir verdere baie interessante inligting en foto’s.

http://www.dailymail.co.uk/femail/article-2607647/Incredible-photos-reveal-elaborate-hairdos-Himba-tribe-created-using-goat-hair-MUD.html