‘n Reis op ‘n agterpad..

neem mens dikwels na ‘n era wat verby is.Dis soms ook skokkend en dit laat mens wonder oor die verbygaande aard van alles,wat elke dag so vanselfsprekend lyk.

Verlede week het ons so ‘n agterpad gevolg.Dit het ons geneem op ‘n roete in die Oos Kaap…’n grondpad deur die Kamdeboodistrik ..

na die dorpie,Aberdeen met pragtige geboue..

die hoogste kerktoring in Suid-Afrika,waarvan die boonste deel 4,5cm van senter af is..

en ‘n poskantoor ,wat veronderstel was om die magistraatshof in Grahamstad te wees!Hoe die fout ingesluip het,weet niemand nie,maar toe die fout ontdek is,was die bouery op Aberdeen al vêr gevorderd!

‘n Besoek aan die stasie,laat mens met skok en baie vrae…

Die konstruksie aan ‘n spoorlyn vanaf Port Elizabeth het op 9 Januarie 1872 begin en het met voltooiing op 26 Augustus 1879,Graaff-Reinet bereik.Aberdeenweg (Aberdeen Road) was een van die stasies op weg…

‘n Afgekapte bloekomboom met ‘n enorme stam,’n platvorm vol bossies..

‘n Ou stoor langs toegegroeide spore..

Die stewige gebou het steeds al sy pragtige plankvloere en daar is drie vertrekke met kaggels in,waar vure gesellig gebrand het tydens yskoue wintermaande…

Die hartseerste is die tekens van ‘n eens goedbedryfde stasie..stapels papiere lê tussen voël- en rotmis in ‘n eens gesellige kantoor ,versprei..

Papierwerk van ‘n era wat verby is..

‘n Naby skoot veroorsaak ‘n lag met ‘n traan…wat het daarvan (dissipline) geword?

Netjiese stewige in-hokkies,verklap ‘n sisteem,wat heeltemal deur rekenaars vervang is..

Vandag dien dit net as ‘n gerieflike nesmaakplek vir ‘n duif..

Die kaartjieskantoor met luik in die linkerkantste hoek,toon nog papierwerk en droewe verwaarlosing..

Ongelooflik,’n ou brandkluis,steeds stewig op ‘n sementblok vasgeanker en…

gesluit!!!

Die spoorlyn na die Noorde…vir ewig stil en sonder ‘n trein..

Net die wind suis deur die aangeplante bome en spore verdwyn na vêr Karooberge in die blou newels…