Honkie en Helkie..

is deel van ‘n groot familie hiënas,wat in die Sabie-Sand Reservaat bly.Die lewe behandel hulle goed,want familiebande is sterk en almal sorg vir mekaar.Hulle bly heerlik in ‘n uitgeholde termiethoop,vol tonnels en gange,waar hulle kan wegkruip as gevaar dreig.

Bedags slaap die spulletjie,maar skemeraand kruip hulle uit,speel en bespied die omgewing..

Honkie en Helkie is baie onnutsig en soek alweer ‘n plek om kwaad te doen!

Maar eers is dit drinktyd en die tweetjies raas en baklei oor ‘n vasgrypplek aan mamma Hettie se lekker melkgevulde spene.Tante Hilda spring in en wys tande om die tweetjies op hul plek te sit!Haar waarskuwingsgromme is deel van die algemene dissipline om die kleingoed hul plek te laat ken in die hiënahiërargie…

Uiteindelik het elkeen sy eie knibbelplekkie en dit knaag en suig dat die skuim so spat..

Mamma Hettie gooi ‘n liefderike poot oor elke kleinding en kyk trots na haar spikkelskattebolletjies…

Skielik is daar weer ‘n onderonsie en mamma Hettie kruip weg agter  haar poot,uit pure moedeloosheid en skaamte..

Intussen heers daar doodse vrede en orde by tant Hannetjie en haar twee suigelinge..beslis meer dissipline hier!

Helkie het beslis die moontlikheid om ‘n klein helsimpie te word,wanneer hy eendag groot is..