Perdeby is…

nou moedeloos verby! Hierdie is nie bedoel om ‘n treurmare van selfbejammering te wees nie, maar…

na die vierde verkoue in vier maande,tien ton snotdoekies, x-strale van my longe, is die diagnose bronchitis…sommer bromkaaitjies in goeie Afrikaans.😄

So tussen die kuggery en internet wat al die hele week af was, was ek maar skaars.Ek is darem nog hier…geseënd met ‘n paar toegeplakte oë elke oggend…so pienk soos pienk toffies en aan die brand soos kole vuur….beslis nie geskik vir leeswerk op liguitstralende instrumente soos rekenaars, lêptoppies en I-pads nie.

Hulle noem dit ‘n grênd naam soos “conjunctivitis” of so-iets.Ek kan julle verseker die toestand is alles behalwe elegant soos wat die naam klink! Een kyk in die spieël en dit lyk of ek reeds een van die eerste slagoffers van Armageddon was. Na so ‘n bietjie lou water en wegveeg van ongewenste uitskeidings, kan ek darem weer vir so ‘n wyle sien wat om my aangaan. Al wat tans rosig pienk aan my is, is my kokende ooglede.

Die goeie nuus is,dat ek uitstekende druppels gekry het en ek kan langer as tien minute hier rondkuier!

Ek dink my tien minute is haas verby…tot wedersiens…kug,kug,kug..hegge,hegge,kug…

Eish, dié winter het my hard geslaan!

 

Advertisements

56 thoughts on “Perdeby is…”

    1. Arme Perdebytjie! Ek hoop jy voel gou beter. Daar is niks wat so aaklig is soos ‘n verkoue en bronchitis en conjuntivitis sonder iemand wat met groot gewilligheid vir jou koppies warm swart tee met ‘n dubbelle tot brandewyn in aandra nie. Bly in die bed, dis al raad wat ek het. En maak maar jou eie tee met brandewyn in as daar nie gewillige hande is wat dit aandra nie. Dan sweet jy dit gou-gou uit.

      Liked by 1 person

  1. Shame dame! Ek het een jaar so sleg verkoue gehad, daar was nie een brand hoes medisyne wat ek NIE gebruik het nie!
    Maar laat dit nou vir ons albei ‘n les wees van wat gebeur met kaal boudjies op die nat gras! 🙂

    Liked by 1 person

  2. Conjunctivitis ken ons hier sommer as “pink-eye”. Hoogs aansteeklik ook. Ek hou ‘n klein buisie chloramex ophtalmic ointment in my laai en smeer dit in die aand binne-in my oog en sommer rondom die ooglede ook. Twee dae en die kleur, brand en jeuk is weg. Bronchitis? Nee, ek het darem nie daar uitgekom nie, net by die harige tong en die onophoudelike hoesie vasgesteek, maar ek moes ook longplate kry. Ek is juis besig met my blog daaroor. Ek is nog steeds huisgebonde. Byt vas – this too shall pass. Sterkte.

    Liked by 1 person

  3. Nou níe vir die oë nie, maar vir die bromkaatjies, ‘n stywe dop, sommer so 2 vingers, met regte egte pomelosap. As jy voel, daar is skop, herhaal dit en spring dan vinnig in die kooi. Ek wil jou amper waarborg, die volgende oggend, sal daar ‘n baie groot verbetering wees. Sterkte.

    Liked by 1 person

  4. Beterschap en hou je aan het advies van de artsen.
    Helaas liep ik altijd maar door werk was belangrijker voelde mij onmisbaar.
    Maar toen ik niet meer kon was het te laat en nu 24/7 aan de zuurstof.
    Gelukkig heb ik er mee leren omgaan en kan er met de scootmobiel op uit.
    Dus verwaarloos het a.u.b. niet!!!

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s