Anderkant van die wêreld (4)

Toe ek die volgende oggend wakker skrik, is dit die gesig wat my begroet…

Die boot staan styf vasgemeer teen ‘n loodregte krans met al hierdie “kunswerke” van reisigers uit die onlangse verlede…(Op die boonste foto is ‘n verfsel van ons skippie, wat ook hier aangedoen het in 1994, met ene Kaptein Knight aan die stuur.)

Op die beknopte hawekant staan reeds ‘n trein en etlike busse gereed om passasiers na verskillende interessante bestemmings te vervoer…

Die dorpie se naam is Skagway. Dis in 1897 gestig en lê in ‘n smal gletservallei in die Alaska “panhandle”, negentig myl noordwes van Juneau. Met ‘n inwonertal van 1,036 mense, is dit piepklein. In die somermaande is daar meer inwoners om die toeristebedryf aan die gang te hou. Daar was ook ‘n goudstormloop in die laat agtienhonderds. Die meeste van die dorp is gerestoureer en lyk soos in die dae van die goudstormloop. Op ‘n stadium was daar tagtig kroeë en natuurlik ‘n berugte bordeel, die Red Onion Saloon,wat vandag nog daar is…

(Google Images)

Een van die tipiese straatjies met ou hout geboue…

Die volgende geboutjie is in 1899 gebou van dryfhout…die enigste voorbeeld van Alaska-dryfhout-argitektuur. Dis bekend as die Arctic Brotherhood Hall…

Ons neem ‘n bustoer uit die dorp uit, na ‘n afgeleë plek in die berge, waar ons vandag die beroemde sleehondbedryf van Alaska gaan leer ken…

Die voertuig waarmee ons teen steil hoogtes gaan uitry om by die honde te kom, staan reeds gereed…

 

Word vervolg…