Skryfsafari:Dieremaniere

In hierdie huishouding is drie diertjies wat hul mammie en pappie netjies toegeknoop het in ‘n sakkie.

Ons eerste honde moes altyd buite slaap en is nooit in die huis toegelaat nie. Na die huisvol kinders elkeen hul rigting gekry het, trek twee Schnauzers hier in en doen net wat hulle wil. ‘n Derde een voeg hom ‘n jaar later by die spannetjie, toe sy ma die pad vat om in Sjina te gaan skoolhou. Aanvanklik is die outjie bietjie soos ‘n vyfde wiel aan ‘n wa, maar vind mettertyd sy plekkie in die span.

Ons het nie ‘n wekker nodig nie, want soggens presies halfses, winter en somer is daar ‘n gekrap aan die deur en is dit beenligtyd, kosgee, nog ‘n draai loop vir sponsdorings en dan met koekies elkeen terug in sy mandjie vir nóg ‘n slapie. Dankie, nou sit die mammie en pappie regop vir mekaar en kyk, terwyl die stouterds weer heerlik slaap! Ons drink dan maar koffie met ‘n stukkie beskuit en het ‘n heerlike geselsie met mekaar.

Later is dit speeltyd, wat altyd ontaard in ‘n geveg. Elke reun het presies dieselfde speelding, maar hul gryp heeltyd mekaar s’n. Tienkie, die tefie, lê net en kyk vir die testosteroonbelaaide gedoente en lek liewer haar pote, ‘n gewoonte soos naelskou.

Na nog ure se slaap, kef vir hadidas op die grasperk, slaap, kef vir wie ookal die deurklokkie lui, weer slaap, ontwaak hulle laatmiddag en begin woes speel met mekaar. Soms gaan dit so rof, dat hulle oor die stoele en banke in die sitkamer hardloop, dat jy net kussings sien waai. Hulle trek mekaar plat, byt mekaar aan die agterbene, rol rond, grom. Dit klink verskriklik, maar hulle speel so saggies met mekaar en kry selde seer.

Saans na ete word hulle netjies toegemaak in die badkamer, elk in sy mandjie. Môre is nog ‘n dag. Dis nou ‘n hondelewe!

Neelsie, die jongste…

IMG_0332

Tienkie en Frankie…

IMG_0333

Hul dag bestaan omtrent uit 21uur se slaaptyd!

Om die inskrywings van verskillende bloggers in die Lê-Jou-Eier uitdaging te geniet of om self ‘n blog wat jy geskryf het aan te heg by hierdie skakel, klik op die InLinkz skakel net onder die paddatjie:

Jou InLinkz skakel is http://www.inlinkz.com/new/view.php?id=780871

Vir die reëls van hierdie uitdaging, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposts Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

 

34 Replies to “Skryfsafari:Dieremaniere”

  1. Hulle is pragtig en hoe kry jy hulle in die mandjies in om daar te slaap? Genis slaap onder sy pa se bed met pa se ou baadjie as ‘n kombers. Wee jou as jy waag om hom daar te probeer uithaal. Net soos sy pa, loop hy rond in die nag en eet, drink en snork om die beurt. Ek probeer om hulle albei in hulle eie kamer te laat slaap, maar vergeefs.

    Liked by 1 person

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

w

Connecting to %s