vir my medelandgenote wat deesdae gebukkend gaan onder vreesgedagtes en angstigheid, oor al die gemors wat hier aangaan.
Ons paaie het agtien jaar gelede gekruis. Alles het gebeur toe ons besluit het om ons kombuis te laat oordoen. Saam met die kontrakteur wat die sloping en heropbou gedoen het, het hierdie jong man, pas agtien, sy opwagting gemaak. Hy is sommer opgelaai voor een van die groot teëlwinkels en is aangesê om ons nuwe kombuis te teël.
Die outjie het kop neergesit en lang ure gewerk om uiteindelik ‘n pragtige eindproduk te lewer. Sy skaam nederigheid het ons opgeval en sy goedkoop besigheidskaartjie het sy weg gevind tussen al die ander kaartjies, van mense wat ons altyd in en om die huis vir onderhoudwerkies nodig kry.
Deur die jare het ons gereeld van hom gebruik gemaak…hier teëls gelê, daar geverf, muurtjies gebou vir terasse, daklekke herstel, loodgieterswerk…enige iets denkbaar.Natuurlik het ons hom aanbeveel by vriende ook en sy reputasie het begin groei.
Waar hy in die begin, met sy swaar werkstrommel en teëlsnyer, per taxi hier aangekom het, kon hy nou vir hom ‘n ou afgeleefde bakkie aanskaf. Al het die voertuig gehoes en geproes en meestal in ‘n rookwolk weggetrek, het hy eindelik sy eie wiele gehad!
Soos die jare aanstap het hy steeds baie werk by manlief se besigheidskantore en werkswinkel gedoen…groot kontrakte, soos mure en store gebou en natuurlik verf- en teëlwerk. Later kon hy vir hom ‘n beter bakkie aanskaf en ‘n klein ryding vir sy vrou.
Hy dink niks daarvan om tot saans sewe-uur en soms later te werk nie.Onlangs het hy al ons huis se vloere gelamineer. Dit was ‘n geweldige groot projek, maar hy het dit uitstekend gedoen en in ‘n rekord tyd.
Vandat manlief afgetree het, het hy die man onder sy vlerk geneem, vir hom mooi besigheidskaartjies ontwerp, gehelp met sy beplanning en finansiële bestuur. Hy noem manlief sy mentor.
Gister is ons genooi na sy huis in die Township en wat ‘n heerlike verassing wag toe daar op ons! Hy het self stuk vir stuk vir hom ‘n baie mooi huis gebou. Alles is nog nie klaar nie, maar hy wou vir sy mentor wys hoe hy vooruit geboer het. Die huis is pragtig geteël, drie ruim slaapkamers, twee badkamers, pragtige oopplan eetkamer, kombuis en sitkamer, asook ‘n dubbelgarage.
Nog was dit nie die einde van die verassing nie. Uit die kombuis het die heerlikste kosgeure gewalm. Nadat ons sitgemaak is, is ‘n beker met warm water nader gebring en oor ons hande uitgegiet in ‘n skottel, waarna ons ons hande kon afdroog aan ‘n silwerskoon vadoek.
Sy pragtige vrou, bring toe ‘n bottel sjampanje nader en nadat die prop geskiet is, is ons hartlik bedank vir alles wat ons vir hulle as gesin beteken het. Daarna verskyn klaar geskepte borde met reuse hope gegeurde rys en heerlike hoender en slaai. Dit was heerlik en ek het my knuppeldik geëet. Gewoonlik eet ek omtrent ‘n kwart van so ‘n bord, maar uit ordentlikheid het ek elke ryskorreltjie verorber.
In al al die jare wat ons hierdie jongman ken, het hy tweemaal geld geleen en elke sent terugbetaal, sonder dat ons daarvoor moes vra. Hulle het drie pragtige kinders en hy vervul sy rol as pa, op ‘n besondere manier.
Vanuit ‘n makoekoe (sinkhuisie) het hy deur harde werk, eerlikheid en integriteit homself opgewerk tot waar hy vandag is. Die ekonomie lyk sleg en die boubedryf is dood, maar hy soek onverpoos vir enige werk, blameer niemand nie en hou hom nie op met politiekery nie.
Op grondvlak is daar nog steeds baie welwillendheid tussen Suid-Afrikaners. Daar is baie sulke mooi stories, maar politici met agendas en die pers, dryf wigte tussen mense in. Ek wens diesulkes kan in ‘n stofwolk verdwyn!!
Agggg wat ‘n heerlike, lieflike storie!!
LikeLiked by 1 person
Dankie Christa.
LikeLike
🇿🇦❤
LikeLike
Een heerlijk verhaal over eentje die met liefde en met zijn handen een vak bedrijft. Jullie mogen trots zijn op zulk soort handwerkslieden.
LikeLiked by 1 person
Hy is besonders gesteld op sy werk en lewer net die beste.
LikeLike
Een mooi positief verhaal
Zonnige groet,
LikeLiked by 1 person
Dankie Rob.
LikeLike
Bewondering voor deze integere en hardwerkende man, zo vind je ze niet te gauw! Mooie story!
LikeLiked by 1 person
Hy het al so baie vir ons beteken en ons nog nooit teleurgestel nie.Baie dankie vir inloer.
LikeLike
Je leest positieve verhalen en hups.. daar komt er ook weer eens eentje uit jouw pen gerold! Een prachtige story Dina!!!
Liefs
LikeLiked by 1 person
Baie dankie Trees. Jy wat al in SA gewerk het, begryp miskien heelwat meer van die situasie hier.
LikeLike
Ja inderdaad Dina.. We werden toen ook gewaarschuwd voor bepaalde buurten. Heb me ooit een keer onveilig gevoeld.. En meteen weer omgedraaid…
Wel gehoord van kennissen die heel afgelegen wonen, dat hij met een wapen naast zijn bed sliep..
Toch eng hoor..
LikeLiked by 1 person
Een mooi posiitief verhaal.
LikeLiked by 1 person
Dankie Francky.
LikeLike
Dit klink nes my GIFT – ek sê altyd vir hom;
GIFT, YOU ARE MY gift RIGHT OUT OF GOD’S OWN HAND AND I WILL BE FOREVER GREATFUL FOR THIS gift!! May God always bless you and your beautiful family.
Sy hande staan ook vir NIKS verkeerd nie. En ja, dit is seker hoekom ek nog vertroue in ons land het. Dit was nou lekker lees vir my 😥
LikeLiked by 1 person
Sien, so het ons mekaar nodig en as daar wedersydse respek is, kan dit net goed gaan.
LikeLike
🤗
LikeLiked by 1 person
Dankie dat jy hierdie met ons kom deel het. Ons is dit aan onsself en ons kand verskuldig om die mooi stories te vertel. Wat ‘n eer om as iemand se mentor gesien te kan word.
LikeLiked by 1 person
Dankie Toortsie. Daar is werklik baie sulke stories orals. Omtrent almal wat ek ken, ontferm hulle op een of ander manier, oor mense wat hulp nodig het. Ek sien dit daagliks.
LikeLiked by 1 person
Dankie dat jy hierdie gedeel het. Stories soos die gee my opnuut hoop dat die droom van 94 (wat ek eers jare later as grootmens werklik begin verstaan en my eie gemaak het) wel nog moontlik is, solank ons elkeen ons deel doen; soos die bouers van Jerusalem wat elk die stukkie muur voor hul eie huis herbou het.
LikeLiked by 1 person
Netso. Dankie dat jy kom lees het Kokkie.
LikeLike
Dankie hiervoor, Dina. Ons het regtig sulke verhale broodnodig. Dis positef, opbouend, en maak my hart trots om ń mens te kan wees. Jy en jou man het goed gedoen, julle het ń hengse verskil in iemand se lewe gemaak.
LikeLiked by 1 person
Ek sê altyd, as daar wedersydse respek tussen mense is, is ons op die regte pad. Dankie vir jou mooi woorde, Una.
LikeLike
Heel mooi stichtend verhaal. Ik heb er van genoten.
LikeLiked by 1 person
Baie dankie.
LikeLike
Ik genoot weer erg van je taal én van het verhaal.
LikeLiked by 1 person
Baie dankie Bea.
LikeLiked by 1 person
Die mense in ons liewe Suid-Afrika haat mekaar nie naastenby in so erge graad soos die politici en die koerante ons wil wysmaak nie. Ek glo die verre meerderheid gun mekaar net “goedheid en guns” soos die tv-nuus tannie altyd se en sal als in hul vermoe doen om te help bou aan hierdie land. Jou pragtige storie vanoggend bevestig my gevoel net nog meer. Dankie, Dina.
LikeLiked by 1 person
‘n Mens kry oral slegte mense en dis hulle dade wat die nuus haal. Die stille meerdeheid gaan hul gang en doen die regte ding. Ons moet heeltyd waak daarteen om nie die groep te beskuldig vir die slegte individu se dade nie. Ongelukkig is dit wat nou hier gebeur na beide kante toe. As mens egter dieper kyk sien mens baie mooi stories tussen mense, veral op programme soos Kwêla.
LikeLiked by 2 people
Niet alles is rozengeur en manenschijn, dit verhaal is zeer positief!
LikeLiked by 1 person
Tans is die rosegeur en maanskyn baie min, hier. Ons bly egter positief en konsentreer op die mooi dinge.
LikeLike
Blijven doen!
LikeLiked by 1 person
Dit is so waar dat driekwart van die inwoners mekaar respekteer en ook hard werk om n bestaan te maak. Die beswadderaars moet eintlik vir hulleself n ander stuk grond kry om hul op uit te leef en dies wat wel wil uitlos. My siening is steeds: help ander waar jy kan en dit sal tienvoud terugkom. Dis wat met jul gebeur het met hierdie goeie man wat standvastig gebly het.
LikeLiked by 1 person
Ek was so verras om te sien hoe netjies die buurt is waar hy bly. Daar is natuurlik swak areas ook en geen bome en tuine nie, maar al die erwe lyk skoon en netjies gehark. Jy is reg Ineke, mens kry altyd terug, al doen mens nie goed omdat jy iets daaruit wil kry nie.
LikeLike
My tuinhulp het van 15 jaar af by my gehelp. Hy het n vaste werk gekry en later n HOP huisie. Hy het my genooi om te kom kyk. Alles was netjies en ordelik netsoos hy was. Sy vrou het n klein winkeltjie uit die huis bedryf. Voordeur het veiligheidshek gehad. O en erfie is omhein en grasperkie netjies.
LikeLiked by 1 person
Dis ook ‘n mooi storie!
LikeLike
Dit het egter nie n goeie einde nie. Ou is uit sy werk uitgewerk omdat hy so eerlik en hardwerkend was. Laaste wat ek hom gesien het wou hy sommer Jhb toe gaan om werk te soek.
LikeLiked by 1 person
Ag dis so tragies…het jy ooit weer gehoor hoe dit met hom gaan?
LikeLike
Nee ek het nie. Ek wonder of hy ooit nog lewe want hy was rerig moedeloos gesukkel.
LikeLiked by 1 person
Ai my hart voel nou sommer seer.
LikeLiked by 1 person
Mooi verhaal over een selfmade man. Voor jou een lichtpuntje.
LikeLiked by 1 person
Dankie Harme.
LikeLiked by 1 person
Ek dink hier op voetsoolvlak is daar nog baie meer sulke mooi stories en ek glo dat die gewone mense streef na eenheid en ‘n beter lewe vir almal. Ons raak net soms moedeloos omdat die politici kwaadpraatjies saai en die media meesal net die slegte stories oorvertel – dit maak beter nuus.
LikeLiked by 1 person
Ek wens volgende jaar se verkiesing is al verby. Al hierdie opswepery vooraf, maak my benoud.
LikeLiked by 1 person
Ek stem saam.
LikeLiked by 1 person
even dag zeggen en dank dat je blijft komen bij mij. Lezen is moeilijk
LikeLiked by 1 person
Respect is inderdaad wat deze wereld nodig heeft. En zachtheid. En mooie verhalen, en mensen die ze vertellen.
LikeLiked by 1 person
Beslis! Dankie dat jy my vrhaal kom lees het, Caj
LikeLike
Hear! Hear! What politicos should be made to remember always and everywhere: Only hard work, and hard work is worth it. Fankie for sharing the story, Dina.
(I had to resort to Google translation which was quite poetic at times, but I got the idea)
🙂
LikeLiked by 1 person
At least you understood my story…thanks for taking the trouble to translate it, Brian.
LikeLiked by 1 person
Not much trouble. I’m even surprised Google has an Afrikans translator. Not very good, but then it isn’t good in any language. Anyway. A sad story.
It seems to me the world is going to Hell in a handbasket as American say. There are almost daily reports ok knife stabbing in France now. Terrible.
LikeLike
So storie gee mens werklik hoop en maak mens trots dat Suid Afrikaners met hulle diversiteit goed saam kan werk.
LikeLiked by 1 person
Dankie dat jy kom lees het.
LikeLike
Daar is baie sulke mense van wie mens net nooit hoor nie, want goedheid haal nie nuus nie
LikeLike
Dankie vir hierdie besonderse verhaal
LikeLiked by 1 person
Ons het mooi verhale nodig, né Abrie.
LikeLike
Toch fijn als jonge mensen het maken
LikeLiked by 1 person
😄
LikeLike
Ai – so mooi.
Ja, daar is so baie stories van net hoe goed mense kan oor die weg kom en wel so doen.
Ons is weg uit Suid Afrika, amper 18 jaar gelede, maar ons praat nog dikwils van Welcome en Beauty… en wonder hoe dit met hulle gaan. Hulle het saam met ons gewerk, nie vir ons nie. Dit was amper die swaarste om hulle te groet. Hulle het nie selfone gahad nie, nie ‘n landlyn nie en het op ons grond gebly… maar is daar weg sonder om ooit vir ons ‘n kontak adres te stuur.
Beauty het ons klein seuntjies beter behandel as haar eie kinders… nie dat ons dit verwag het nie.
Welcome was “boss boy” sorrie oor die woord maar dis die titel wat hy homself gegee het. Hy’t my trokke bestuur, ratkaste uitgehaal, gesweis, groente geplant… die ander werkers se persoonlike probleme vir my verduidelik en ons hat dan saam probeer help…
Ai… jou storie het so veel positive herhinneringe laat wakker word!
Dankie! 😉
(NS – verskoon die spelling… )
LikeLiked by 1 person
Daar is baie sulke mooi stories, AJ.Dis lekker om joune te hoor. Politici maak my vies, want dis hulle wat menseverhoudinge beduiwel!
LikeLike
Ja daar is die positief wat mens soms nie eens oplet nie. Check jou gemorspos want ek het baie lank gelede vir jou Little Fires everywhere gestuur
LikeLiked by 1 person
Het gaan kyk…vir jou e-pos gestuur. Baie dankie ek waardeer dit geweldig.
LikeLike
Wat een mooi verhaal Dina. Dank je voor het delen. groetjes, Hanneke
LikeLiked by 1 person
Ons het te min goeie stories….konsentreer te veel op die slegte. Dus was dit ‘n plesier om hierdie te skryf, Hanneke. Dankie dat jy kom lees het.
LikeLike
Dis nou ‘n pragtige storie… dankie perdebytjie.
LikeLiked by 1 person
My plesier, Kameel.
LikeLiked by 1 person