Hierdie bloguitdaging is aanvaar deur 14 Afrikaanse bloggers wat ñ virtuele toer deur Suid-Afrika gaan onderneem. Die gasblogger van die week moet op ñ Donderdag, op die datum wat toegewys is, ñ blog publiseer oor hulle tuisdorp/streek, asook ñ fiktiewe weergawe van die ander 13 bloggers se kuier by sy/haar tuisdorp.
Klik op hierdie skakel om die lys van deelnemende gasbloggers te sien, asook die datums waarop hulle blogposse gepubliseer gaan word.
Die 13 kuiergasbloggers vir die week (en hul lesers) kan dan vir die res van die week ook blogposse bylas waarin hulle beskryf hoe hulle die kuier geniet het, of hulle kan ñ blog skryf oor die streek waarin die gasblogger van die week die kuiergaste onthaal het – vertel van ñ eie ondervinding in daardie provinsie/streek/dorp, deel herinneringe of plaas fotos wat daar geneem is. Enige lekker storie sal doen solank dit in die gasblogger se streek/provinsie afspeel. Kuiergasbloggers en hulle lesers moet asseblief ook hulle skakels byvoeg op InLinkz sodat ons almal kan saamlees.
Om jou blogpos by te voeg of om die ander bloggers te lees, kliek op die volgende: http://www.inlinkz.com/new/view.php?id=797928
Die groen bus rammel vroegoggend die hoëvelddorpie, Dullstroom binne…
Dis forelwêreld en orals is tekens van hierdie lonende bedryf…
Die veertien dames is opgewonde en slaggereed om die dorp met al sy oulike winkeltjies en eetplekke te verken. Die hoofstraat is slegs twee kilometer lank, dan is mens deur die dorp…Maar o wee! By die ingang van die dorp, word ons voorgekeer deur twee fris borselkop verkeerskonstabels. Hulle het glo opdrag ontvang om ons deur die dorp te begelei, anderkant uit. Blykbaar het ons swak reputasie ons vooruitgegaan en die bron van inligting, was niemand anders as Broodina Barber nie!
Sy verdien sowaar deesdae haar brood by die plaaslike koerant, Die Vet Forel. Sy beklee die pos Verslaggeefster van Immorele Sake en hou haar uitsluitlik besig met vervolging van diesulke oortreders. Gmff..sy is eerder ‘n forel in ‘n haaivel!
Gelukkig het Perdeby ‘n plan B en soos die bus stadig deur die dorp ry, kliek en kliek haar kamera. Soos ‘n wafferse toergids, vertel sy van al die interessanthede.
Die klokwinkel spog met die grootste versameling klokke in die suidelike halfrond. Daar is 7000 verskillende ontwerpe!
Groot advertensieborde dui ook aan waar die beste biltong en verblyf beskikbaar is…
Daar is oral klein winkelsentrumpies met interessante plekke soos die kunsgalery, Bergenkaasfabriek en antieke winkel…
Hierdie advertensiebord dui ‘n baie gewilde plek aan…
Hier kan mens van die beste whiskys en gin proe en koop, maar gelukkig het die Broodbus sy eie versteekte voorraad drankies onder verskeie sitplekke…
Kleurvolle winkeltjies onder andere Van Sand se handgemaakte glasjuwele…
Eetplekke kroeë en blyplekke…
Die Slaghuis, onder pragtige skaduryke bome. Bekend vir sy heerlike wors…
Nog ‘n paar sentrums met oulike name…
Dis ‘n kunstenaarsdorpie en hierdie vrolike winkeltjie met sy ewe vrolike afleweringsvoertuig, verskaf die nodige materiale vir die skeppendes…
Een van die oudste geboutjies is Rose Cottage. Van die mure bestaan nog uit sinkpklaat…
Nog ‘n ou juweel is The Old Transvaal Inn…
Die laaste winkelsentrum net voordat mens anderkant die dorp uitgaan…
Individuele winkeltjies in die laaste sentrum…
Die heel lekkerste melkskommels kan hier gekoop word…
Hierdie winkeltjie is bekend vir die lekkerste forel- en hoenderpasteie, gerookte forel, peperforel en ander heerlike plaasprodukte soos neute , konfyt en lekkernye…
Daar is darem ‘n paar drinkplekke ook vir die manne…
en vir die koffieliefhebbers…Die dames is nou baie teleurgesteld, want hulle wou fisies al die plekke besoek het. Perdeby het haar hande vol om hul tot bedaring te bring. Ontstoke gooi hulle brode in die bus rond en gil: “Weg met Broodina! Voer haar vir die forelle!”
Na ‘n paar foonoproepe en ‘n vinnige inventaris van ons diamantsake, wat nougeset deur Tannie Frannie, onder ‘n spierewit styfgestyselde doekie, in haar broodmandjie, beheer word, kondig Perdeby plan C aan.
Tien kilometer anderkant die dorp, draai Lorenzo die bus van die hoofpad af. Die dames snak na hul asems, want die pad draai en kronkel bergaf tot doer onder in ‘n vallei…
Ons is by ‘n pragtige landgoed, genaamd, Walkersons…Toe die klomp hoor ons gaan tuis in die hotel, is die teleurstelling van flussies, sommer vergete. ‘n Paar mompel nog onderlangse wraakgedagtes van brode en vishoeke en etlike onnoembare wreedhede teenoor ene me Barber, maar bedaar by aanskoue van die heerlike bederf wat voorlê.
Die hotel met sy pragtige roostuin, lyk sommer aanloklik…
Daar is ‘n interessante beeld van ‘n jagluiperd, wat dadelik die aandag trek…
Vir die teurgestelde dames wag daar ‘n verrassing. Almal gaan vanmiddag bederf word met ‘n heerlike massering by die Spa…
Diegene wat nie daarvan hou dat aan hul lywe gevat word nie, het ‘n keuse van perdry…
swem…
of stap. Maar eers word almal ingeboek in netjiese chalets en hotelkamers…
Die rustige tuine laat die opgeruide gemoedere vinnig kalmeer…
‘n Lieflike tafel is spesiaal op die hotelstoep vir die Towerinne gedek met ekstra spasie vir al die meelopers en meesluipers ook…Die aanhangers moet egter self sorg vir verblyf, want ons diamantjies kan ook net sóveel onkostes dek!
Die staptog is deur en deur die moeite werd. Die landelike omgewing met sy veertien foreldamme en stilte, is salf vir die siel…
Die hotel in goue oggendlig…
Pragtige staproetes lewer mooi tonele op…
Lekker bankies om op te rus langs die pad…
Veldblommetjies begin ontwaak na ‘n baie droë winter…
‘n Besondere plant tussen rotse…
In die damme blom die Irisse geil en goudgeel…
‘n Kiepersol, verlep en verslete na die koue winter, stoot nuwe blare uit…
Ragfyn blaartjies van ‘n boomvaring rol versigtig oop…
Die dooie blare van die vorige seisoen is nog heel sigbaar. Gedurende die winter het hierdie blare die kern van die plant beskerm teen die koue…
Die Swartkopwielewaal (Black-headed Oriole) is een van die honderd nege-en-tagtig soorte voëls wat al hier opgemerk is…
Die Kaapse bosbontrokkie (Cape Batis) is nog een van die vele mooi geveerdes in hierdie geweste…
‘n Skugter duikertjie loer agter die bome uit…Die dames is in vervoering. Vergete is Broodina en haar mislike geaardheid, vergete is die lastige paparazzo, sy vriende en al die meelopers, motorfietsryers en buitelandse toeriste.
Balans is wat ons nou nodig het. Ons fokus, fokus, fokus net op ons innerlike self…
Die volgende dag, oppad na ons volgende bestemming, doen ons aan by die baie gewilde roofvoëlrehabilitasiesentrum…Dis ‘n absolute móét om ‘n vertoning hier by te woon! ‘n Besoek aan die hokke vol beseerde en gerehabiliteerde voëls, laat mens weereens besef watter wonderlike werk deur toegewyde natuurliefhebbers gedoen word.
Hierdie Witkruisarend (Verreaux’s Eagle) is een van ons grootste arende en ‘n opgeleide roofvoëlkundige dame verstom ons groep, met al die verskillende voëls, soos ‘n uil, edelvalk, sekretarisvoël en hierdie pragtige Witkruisarend, waarmee sy vir ons ‘n vertoning hou…
Kyk sy reusagtige kloue…
Hierna vertrek die groen Broodbus met ‘n hele entourage volgelinge, bestaande uit motorfietsryers, paparazzi, buitelandse besoekers en heelwat nuuskieriges, wat intussen aangesluit het, op die volgende been van ons toer. Kwazulu Natal, hier kom ons…
Sjoe! Ek het my nou eers weer verkyk aan die pragtige fotos. Dullstroom is allesbehalwe dull, dis sommer ‘n op en wakker dorpie. Net jammer van Broodina! Die omgewing is pragtig en die plantegroei ongelooflik. Dankie dat jy ons Dullstroom toe gevat het Bytjie. Ek het mos besluit om (vir ‘n verandering) nie te swem nie, maar liewer perd te ry en my boude is blikners. Dit gaan ‘n lang rit wees daar na die Suiskus toe.
LikeLiked by 2 people
Dit was bietjie koud vir swem…die plek is altyd koud en mistig! Ek hoop nie jy het skuurmerke in jou binnebene van die perdry nie. Ek het rou kolle so groot soos outydse halfkrone daar😜😃😃
LikeLiked by 2 people
Dis nou net so en die sitbene is seer.
LikeLiked by 2 people
Die bus se sitplekke is darem sag!
LikeLiked by 1 person
Jaaaa, maar as die boude seer is …
LikeLiked by 1 person
Dalk sal dit help om op ‘n sagte diamantlose brood te sit..😉
LikeLiked by 1 person
Wat een mooie en originele manier om kennis te maken met Zuid-Afrika!
LikeLiked by 3 people
Dankie Bea, ek is bly jy het dit geniet!
LikeLiked by 1 person
😀😀😀😀 lekker lag ek nou oor die half krone, genade het dit lanklaas gehoor (en self gehad). Wat ‘n heerlike toer en so bly ek “kon daar wees” deur jou pragtige fotos. Dis so ‘n mooi plek en my siel voel skoon gerus na daai lekker toer. En dit is hoeka daai rëen en mis- my kos daai🌻🌻🤗
LikeLiked by 3 people
Soms bring die reën en mis ‘n gevoel van rustigheid en stilte. Ek geniet dit ook en sit dan heerlik knus voor ‘n kaggelvuurtjie met ‘n glasie wyn.
LikeLiked by 2 people
Ek het nou genoeg gehad van Broodina. As sy my nie nagmerries gee nie, verhoed sy ons om die pragtige Dullstroom te besoek. Hoe kan mens deur die pragtige dorpie ry en nie afklim om alles te bekyk nie. Dankie tog vir jou mooi fotos!!!
LikeLiked by 2 people
Ooooo ek het vergeet om dankie te sê vir die “spa treatment,” dit het baie van my frustrasie laat wegsypel.
LikeLiked by 1 person
Ag ek is bly jy het dit geniet…een klein diamantjie het gesorg dat ons almal lekker bederf word!
LikeLiked by 1 person
Ek dink ons moet haar laat ontvoer of iets!
LikeLiked by 1 person
Perdebytjie, ek huldig nog altyd dat jy met jou foto’s groot verhale vertel. Sjoe, ek is sommer by ontspanne verby, gelukkig vir Broodina en die spietkops. Maar ek het iets gehoor oor ‘n arend en ‘n sekere … en ‘n…. en voorbladnuus!
LikeLiked by 4 people
Vuurvliegie het jy nou so herstel dat jy weer Lekkervurig is?
LikeLiked by 2 people
Ek reken Lekkervurige Vuurvliegie is op volstoom. Hoeveel moeilikheid gaan ons vir Broodina maak? Wat reken jy? Nog ‘n tipies Towerinne-daar-gaan-alles-suid avontuur met ‘n paar towerinne…dis seker waar die gerug oor drama vir Broodina vandaan kom…. 😉
LikeLiked by 3 people
Ons kan definitief nie tjoepstil sit en toelaat dat sy ons so in ‘n boksie druk nie. Daardie vroumens moet of reg of weg!!! Miskien maak ons nog van haar ‘n towerin 😁😁😁😁😁😂
LikeLiked by 2 people
Nee kyk, as sy ‘n towerin word, vlieg ek weg. Aan sulke suurpruime het ek nie veel erg nie. Ek dink sy moet met haar Vet Forel skinnerbladjie in ‘n foreldam beland…met whiskey en spietkops…maar wag, laat ons kyk wat die ander dink. Ek moet nou my eerste woorde van 50 000 vir die NaNoWriMo skryfuitdaging saam met Scrapy begin. Sien later.
LikeLiked by 4 people
50 000 woorde!!! Watse skryfuitdaging is dit? Laat ek daar by Scrapy gaan kyk wat vang sy aan.
LikeLiked by 1 person
Vul in…ek is nou vrek nuuskierig!
LikeLike
Dit was nou heerlik ontspannend om so in die natuur te kon loop. Ek het maar weggably van die perde. Die spa en massering na die loop was ook heerlik. Jammer ons kon nie regtig bietjie uitklim in die dorp nie. Dis ook maar goed so want anders sou ou skinnderbek genoeg gekry het om oor te skryf. Daar moet rerig n plan met die ou moeilikheidmaker gedoen word. Amper vergeet ek, die forel is darem n lekker vis as hy reg gaargemaak is en reg geëet word. Ek het gesien sommige dames het nie besef die vis het sulke woeste grate nie. Die arend se kloue is massief geen wonder hul kan maklik n hasie optel nie.
LikeLiked by 4 people
Ons moes vir Broodina saamgenooi het na die voëlvertoning. Dan kon die arend haar lekker geknyp het met daardie kloue!
LikeLike
Ja en haar sommer van doer bo af laat los sodat sy bietjie kan voel hoe dit voel om geteister te word.
LikeLiked by 1 person
Dit was lekker om van die ou dorpie te lees Dina! Pragtige foto’s!
LikeLiked by 2 people
Dankie dat jy kom loer het, Aletta.
LikeLiked by 1 person
Wow, Dina! Wow…
Als ik je foto’s zie en de tekst lees krijg ik weer zo’n zin om naar SA te trekken, echt waar.
Deze week zijn de uitzendingen weer begonnen van ‘Die Huis’, waar in een luxueuze villa in de regio van Kaapstad een bekende Vlaming wordt uitgenodigd voor een paar dagen. Als je dit kunt bekijken bij jullie zou ik het zeker aanraden!
Jullie hebben zo’n mooi land…
LikeLiked by 3 people
Dankie Paul, ek sal kyk of ons die program kan sien. Jy is altyd welkom om weer SA toe te kom. Hier is soveel wonderlike plekke, “off the beaten track”
LikeLiked by 1 person
Wow Perdebytjie! One picture tells a thousand stories, so ek het omtrent twee ure gevat om deur hierdie blog te “lees” Sommer by die 1e foto is ek verstom om te sien waar oral in die wêreld word flyfishing gedoen! Die advertensiebord van Senqu het ook met my gepraat…everyday is an adventure. Ek is sommer die m… in vir Broodina want ek kon NIE by Shautany Chocolates CHOCOLATES gaan koop nie! En ook nie Ale gaan proe by ANVIL ALE nie…so bliksnater. Hoop sy kry so pyn op haar maag….FLIP! Maar die spa benahdeling het darem opgemaak daarvoor. Moet sê, toe ek my boeppens sien daar in die spa, was ek maar heimlik bly ek het geskip op daai lekkernye! Jy het my beslis geinspireer om weer Dullstroom toe te gaan.
LikeLiked by 3 people
O, daardie sjokoladewinkel is my dood! Ek is ook half verlig dat ons nie iewers kon stop vir al die lekkernye nie.
LikeLike
Teen die tempo wat ons eet op hierdie toer, gaan daai groen bussie se wiele helemal afval!!
LikeLiked by 2 people
En Lorenzo lyk ook nie na die tipe wat wiele kan omruil nie. Sy handjies is heeltemal te sag!
LikeLike
Ja….hy is net sag op die oog.
LikeLiked by 1 person
Lieflike Lorenzo….
LikeLike
Nou dat was een goed begin. Het ziet er in het dorp gezellig uit. Het kunstwerk jachtluipaard is helemaal fantastisch.
LikeLiked by 2 people
Dis ‘n klein dorpi met omtrent 500 inwoners, Eveline. Dit word egter druk besoek, want die een hoofpad na die Krugerwildtuin, gaan daar deur en toeriste stop altyd daar.
LikeLike
Leuk verslag en leuke manier om Zuid Afrika te leren kennen. Dank je wel Dina.
LikeLiked by 1 person
Dankie dat jy kom lees het, Harme. Dit word erg waardeer!
LikeLiked by 1 person
Mooie foto’s. Zo zien we veel van uw land.
LikeLiked by 1 person
Dankie dat jy kom lees het, Suske.
LikeLike
Hoekom noem jy nêrens dat ek toe mos per ongeluk afgeklim het by die stopstraat nie? Sien, daar op die bult is ñ Bali winkel en ek wou net gou daar gaan hello sê, maar toe vergeet julle eers van my… Gelukkig het Lorenzo daaraan gedink dat ek moontlik by die Whisky Tasting sal gaan wag, maar ai, ek moes lank proe, hoor!!!
LikeLiked by 1 person
Jy sal jou storie in detail moet vertel. 😁
LikeLiked by 2 people
Jou klein stouterd!
LikeLike
😊
LikeLiked by 1 person
Oe perdebytjie ek het vasgehak by die spa treatment….as ek uit my beswyming kom gesels ek verder oor hierdie heerlike toer!!! Duisende dankies solank
LikeLiked by 2 people
Ek is bly jy het dit geniet, Bondels.
LikeLiked by 1 person
Perdebytjie, ek lees ‘n stuk, dan gooi WP my uit. Ek verstaan niks hiervan nie. Al wat ek kan dink, is dat Brooddina nou my foon gehack het! Sjoe! Sy is simpel verby! Wat gaan met haar aan?
LikeLiked by 2 people
Ag nee, Toortsie…ek hoop jy het nou reggekom!
LikeLiked by 1 person
Ek het, dankie 😁
LikeLiked by 1 person
UITEINDELIK kon ek alles mooi bekyk en jou pragtige foto’s geniet. Die staptog was tog te lekker.
Al wat ek graag die Towerinne wil vra: Moet ASSEBLIEF nie vir Broodina suid jaag nie, jaag haar noord!
Asseblief.
Dullstroom lyk soos ‘n pragtige, kleurvolle dorpie.
LikeLiked by 1 person
Was jy al in Dullstroom, Toortsie?
LikeLiked by 1 person
Ek dink nie so nie. Dalk daar deurgery, maar ek twyfel sterk.
LikeLiked by 1 person
Dis so ‘n klein plekkie…mens is dwarsdeur voordat jy jou oë kan knip.
LikeLiked by 1 person
Tipiese kunstenaarsplekkie. 😁 Ek sal tog by my man hoor, ons was een keer by ‘n doop in daardie geweste.
LikeLiked by 1 person
Volgende keer gaan ek beslis daar afdraai. 😁
LikeLiked by 1 person
Wow, what a trip! And Dina, finally there are some words I can read (in all the signs) 😉 😉 But my favorites are still the landscapes and the wildlife, which you always do so very well. The yellow iris looks very familiar, and the two small birds are quite similar to birds we have in the states.
LikeLiked by 1 person
I am glad that you could follow this blog and understand it a little. Interesting that the birds are similar.
LikeLike
We have orioles in the US, but their colors are a bit different. There’s a smaller bird, a warbler, with a black hood and yellow body, but he has a bright yellow mask. 🙂 The next one looks very much like our chickadees – is it a very small bird? Our chickadees are small seed-eaters.
LikeLiked by 1 person
Thanks, that is very interesting!
LikeLike
Wat een leuke plaats, met Belgische wafels nog aan toe! Ik versta niet goed waarom je er niet mocht uitstappen en doorwandelen… De omgeving van jullie hotel is gewoonweg prachtig. Wat een mooi land is Zuid-Afrika toch!
LikeLiked by 2 people
Dis sommer ‘n grappige verhaal dat ons nie mag afklim nie. Dis nie werklik nie. Ons groep dames wat virtueel saamtoer, maak allerhande stories en stoutighede op. Uit ‘n vorige verhaal was daar ‘n verslaggewer wat ons gepla het en nou kastig weer probeer het om ons reis deur die dorp te saboteer. Hoofsaak is dat ons elkeen ons omgewings aan mekaar bekend stel op ‘n denkbeeldige reis in ‘n groen bus.
LikeLike
Jongie dit was nou ‘n lekker toer deur Dullstroom, ek ry ook net altyd daardeur, verwonder my aan die prag en ry dan verder. Did tyd om ‘n naweek of ‘n week daar te gaan ontspan. Die natuur nooi jou letterlik uit om te rus. G’n wonder die borselkop konstabels wou nie hê dat ons afklim nie, ons sou vir seker die rus verstoor het
LikeLiked by 1 person
Ek is bly jy het dit geniet. Dis werklik lekker om op een van die plase in die omgewing uit te span en dan in te ry dorp toe vir ‘n ete of koffie en dop.
LikeLiked by 1 person
Ek gaan vir seker navorsing doen en hopelik een van die dae gaan uitspan
LikeLiked by 1 person
In plaas van aandag gee aan ‘n dringende spertyd, sit ek hier en lees…Asemrowende foto’s, ‘Bytjie!
LikeLiked by 2 people
Mens moet soms bietjie rus, Frannie! Dankie vir die kompliment.
LikeLiked by 1 person
Dullstroom is een van die plekke wat ons al lank dreig om te gaan verken maar net nie so ver kom nie! Jou pragtige fotos laat my skoon skuldig voel daaroor!
LikeLiked by 1 person
Hier is plekke waar mens baie voëls kan sien. Hier is heerlike plase oral naby die dorp…jy moet maar google.
LikeLiked by 1 person
Millstream en Lakenvlei lyk altyd vir my na goeie opsies – was julle al daar?
LikeLiked by 1 person
Nog nie daar gewees,maar hulle is bekend vir goeie voëlkyk.Ons kom altyd Walkersons toe.Is juis die naweek hier.Het vanoggend ‘n fees van voëls beleef!Selfs ‘n rooibektiptol …‘n eerste afgemerk.
LikeLiked by 1 person
Kan nie wag vir die fotos nie!
LikeLike
Sjoe… nou het el lekker saam gekuier!
Dankie… maar ek wonder hoekom ek nou lus is vir visvang en … ‘n lekker dop whiskey?? 😉
LikeLiked by 1 person
Hehe, dis wat mens hier doen, AJ…dop en visvang!
LikeLiked by 1 person
Perdebytjie jy het jou nou goed van jou taak gekwyt met hierdie foto’s en vertelling. Daardie massering was fantasmagories. Die natuur het natuurlik haar eie elikser. Die mooiste, grootste tempel van die Here.
Net jammer van die Broodina stokkie in die speek.
Die towerinne laat hulle egter nie onderkry nie, ons weet om pret te he, ondanks terugslae.
LikeLiked by 2 people
Dankie Trommeltjies, ek is bly jy het dit geniet!
LikeLike
Ai Bytjie dit was nou te lekker! Die winkeltjies in Dullstroom is oulik maar ek is mos meer n natuur mens. Daardie stap in die veld, die diertjue, die voël geluide en vars lug terwl ons op daai bankies gesit het!! En natuurlik die mooi tonele wat my hande laat jeuk…..
LikeLiked by 2 people
Heerlik om te kyk en lees Angeltjie!!! My grootword wêreld!! My Pa boer ‘n end anderkant Dullstroom halfpad Lydenburg toe. My Pa kook konfyt en verskaf aan Walkersons hotel. The Old Transvaal Inn was my stiefboeties se oupa en ouma se huis en ons het soms vir Nanna gaan kuier wat in Rose Cottage gebly het. Toe ek in die Hoërskool was(1972-76) wou mense nie verniet ‘n erf in Dullstroom hê nie en vandag is dit so gesog!!!! My stiefma se huis waar sy destyds gebly het (1967/77) is tussen reuse Beuke bome wat as monumente verklaar is. Baie dankie ek het dit nou baie geniet om die bekende plekke te sien!!!!
LikeLiked by 1 person
Dis nou baie interessant, Hanneliese.Waar is hoerdie beukebome? Ek sal hulle graag gaan opsoek.
LikeLiked by 1 person
Ek ken nie die straat se naam nie. Dis naby die dam. Ry jn die straat verby die hotel en pragtige ou kerkie aan jou linkerkant. By die stop na die kerk draai jy regs. Dis daar iewers. Jy kan by die hotel, museum of rollemeule vra waar Petro Bester-Bredell gebly het. Die ou inwoners sal my stiefma nog onthou. My 2e stiefma was Marie Bredell. Baie het haar ook geken. Sy was deel van die stigting van die museum waar my Pa nou nog betrokke is. Tannie Marie het geskiedkundige toere rondom Dullstroom gelei.
LikeLiked by 1 person
Sjoe, dis nou intressant, Hanneliese! Dankie vir die inligting. Ek gaan dit beslis opsoek.
LikeLiked by 1 person
Plesier Angeltjie 😋
LikeLiked by 1 person
Waar boer jou pa? Ons kom nou dikwels in die wêreld, want ons het ‘n plekkie op Walkersons.
LikeLike
Dit is lekker om te weet Angeltjie!!! Dit is pragtig daar. My eerste stiefma Petro Bredell het konfyt gekook en na haar dood het my Pa aangehou daarmee. Santa, die stasie daar, is een van die plekke waar ons as kinders sneeumanne gebou het. Daai jare het dit heelwat gesneeu in die Winter of liewer kapok soos dit toe genoem is.
My Pa is Manie Bredell ‘n bekende boer in die omgewing op sy familieplaas Wemmershoek. Dit is tussen die stasies Vermont en Marmerkop. Omtrent ‘n halwe kilometer anderkant die bord wat wys Lydenburg 20 km, oppad na Lydenburg. Die plaashuis is die enigste huis wat nie heeltemal gedurende die oorlog afgebrand het nie. My Pa is die kleinseun van H C Bredell (ook Manie) wat Paul Kruger se privaat sekretaris was. Hy was getroud met Paul Kruger se kleindogter.
Was jy al by die groot wit klip by Nederhorst stasie(die hoogste stasie bo seevlak) My boeties het daai klip geverf toe hulle op skool was.
LikeLiked by 1 person
As ons weer Lydenburg toe ry, sal ek uitkyk vir daardie 20km bordjie. Daar is twee groot wit klippe. Die een is by ‘n afdraai na Verlatenvlei en die ander een is ‘n klein entjie anderkant Walkersons se afrit. Die plaas Santa, lê reg langs Walkersons.Die trein rammel ‘n paar keer per dag teen die berg bokant ons huis verby. Ek sal nou altyd aan jou dink as ons daar is. Nou het ek nog bietjie meer geskiedenis en vertellings van mense wat daar grootgeword het. Ek waardeer jou herinneringe, Hanneliese!
LikeLike
Lyk heerlik, op my troudag forel geeet
LikeLiked by 1 person
Forel is nie regtig vir my lekker nie, behalwe as dit gerook is. Dankie dat jy kom lees het, Abrie.
LikeLike