Hoofstuk 4:Die geheim verdiep.

Hierdie is ‘n vervolgverhaal deur ‘n groep bloggers. Gaan gerus verby, want dis onverstaanbaar.

This is a serial by a few bloggers. Please pass, because it will be difficult to catch the drift of the story.

D3956290-F4A9-47AC-B951-2B000B916B3D

Die volgende berig verskyn vanoggend in die Adder, plaaslike koerant van Pofadder:

Op ons afgeleë buurdorp, Rebusfontein, is vreemde dinge aan die gebeur. ‘n Geheime groep vroue is besig om ‘n ou verlate herehuis se reuse verwaarloosde biblioteek, op te knap.

Volgens inligting van ons nuutaangestelde, baie bekwame, spioenjoernalis, me Broodina Barber, is daar alreeds baie vordering gemaak met die oplossing van die geheime rondom die herehuis.

Haar uiters klandestine speurwerk het gelei tot noodsaaklike inligting, wat die toekoms van Pofadder en omstreke tot groot nut en voordeel kan wees. Dit kan lei tot ‘n toename in toerisme en opbloei van ons treurige ekonomie.

Volgens me Barber is daar reeds twee briewe, ‘n leë dagboek en verskeie foto’s gevind en het sy skelm ‘n selfoonfoto geneem van ‘n diagram van moontlikhede, wat die dames op ‘n groot plakaat teen een muur vasgespeld het. Hierdie inligting is hoogs vertroulik en net aan ons redaksie bekend.

Ons spioen ter plaatse, was gisteraand op ‘n geheime sending na die herehuis en het ‘n gruwelontdekking gemaak. Kort nadat sy, in stikdonkerte, met slegs ‘n penflitsie, die biblioteekruimte betree het, het sy deur ‘n vloerplank getrap en na benede gestort in ‘n tot dusver geheime kelder.

Vanoggend met oopmaaktyd, het die sleggeduikte blou Uno van me Barber, met skreeuende bande al knallend en in ‘n rookwolk voor ons kantoor tot stilstand gekom.

’n Uiters gehawende, stofbesmeerde me Barber, het al hiperventilerend die kantoorgebou binnegestompel. Na ‘n kalmerende knertsie Frangelico kon sy uiteindelik praat en lig werp op ‘n angswekkende gebeurtenis.

Met haar dawerende val na benede het sy vasgeval tussen iets wat gevoel het soos ‘n slagyster, wat haar styf vasknel. Toe sy uiteindelik haar penflitsie bewend aanknip, sien sy dat sy netjies in die ribbekas van ‘n spierwit geraamte lê.

In ‘n halfbedwelmde toestand kon sy loswriemel en bewend die geraamte ondersoek. Vasgestrengel tussen gebreekte nekwerwels was ‘n kettinkie met ‘n oopknip hartjie aan. In die hartjie was twee foto’s van mense reeds bekend aan ons uiters bekwame, waaghalsige spioenjoernalis…Charlotte en Joseph.

Verdere ondersoek sal gedoen word na die omstandighede van wat nou bekend staan as die Huis van Gruwels op Rebusfontein.

Ons hier by die koerant hoor al hoe die kasregisters klingel, van al die toeriste wat hier gaan draai. Die enkele bed- en ontbytplekke is reeds vol bespreek en ons doen ‘n dringende beroep op inwoners om hul huise beskikbaar te stel vir nog gaste.

Klem de Kaak. ( Redakteur)

https://scrapydo2.wordpress.com/moet die geheim verder ontrafel.

Onthou om jou skakel te plaas by https://fresh.inlinkz.com/p/3f26291088494dc99c7aa4554a66a313

Daar gaan…

my bytjies! My hart is vanoggend sommer seer. My bytjies is verwyder, want ons het werkers wat die heining vervang en was bang dat die gewerskaf die bye sou ontwrig en kwaad maak. ( Terloops, die bye het intussen weer ingetrek in die skoongemaakte voëlbadjie…ek het dit nie voorheen geskryf nie.)

Vroegoggend was Oom Pete al hier. Terwyl dit nog koel is, is dit makliker om met hulle te werk. Hierdie is in my buurman se erf, staande gemaak op sy heining…39D2921A-291D-4728-BF96-B5A558836E4F

Hier is Oom Pete, ten volle geklee in sy byepak…225971B7-C535-4325-B0FF-45F285A77CC5

Omdat die voëlbadjie stukkend is, het ons gesê Oom Pete kan die hele ding net so wegvat. Hy trek sy handskoene aan en maak gereed…04039658-A0D0-4D31-AADD-F3CB998DD425

’n Swartsak word om die staander gebind om die bytjies binne te hou. Oom Pete verseker my dat hulle nie sal versmoor nie. Die donkerte maak hulle glo kalm en daar is genoeg suurstof tot waar hy hulle gaan vrylaat…A102413E-DEBB-48DA-BC9D-8C3113EEF4A6

Die boonste gedeelte is vol heerlike heuning en Oom Pete laat my dit gou afneem…B6DE02E9-79D9-45AD-97FA-FAAD62B0E1D2

Hierna word die voetstuk sorgvuldig toegebind, want dit is oop aan die onderkant…D4C656D1-0D4C-4576-B7F9-5185CCBD7D76

‘n Laaste kykie op die voetstuk met die koningin en al haar maatjies binne-in…C8736653-402B-458A-90C0-78AD9ABAC70A

Daar gaan my bytjies. Hierdie is die rede…FAE8AC33-3319-4476-8CC7-155E39D8AD40

Die werkers het reeds die heining afgebreek en gaan nuwe houtpale insit. ‘n Paar verwese bytjies wat vroeg vanoggend al uit die nes is, soek nou verward na hul huisie…ek stort stilletjies ‘n paar trane, want die bytjies was deel van die lewe in ons tuin.

Lees hier van die hele sage..Perdebytjie en die bye op ‘n Bloumaandag

en hier..Verdere verwikkelinge met die bytjies..

 

Vrydag veertjies

Rooireier (Purple Heron)…_MG_7307

_MG_7240

Drakensberglangstertjie (Drakensberg Prinia)…_MG_7357

Rooibekvuurvinkie (Red-billed Firefinch)…_MG_7500

Dikbekwewer…jong mannetjie (Thick-billed Weaver…young male)…_MG_7772

Volwasse mannetjies het twee duidelike wit kolle op hul voorkop bokant die oë…_MG_7816

Hierdie jongeling het nog nie die kenmerkende wit kolle nie…_MG_7818

Let op die geweldige dik snawel…a