Hierdie is ‘n vervolgverhaal deur ‘n groep bloggers. Gaan gerus verby, want dis onverstaanbaar.
This is a serial by a few bloggers. Please pass, because it will be difficult to catch the drift of the story.
Die volgende berig verskyn vanoggend in die Adder, plaaslike koerant van Pofadder:
Op ons afgeleë buurdorp, Rebusfontein, is vreemde dinge aan die gebeur. ‘n Geheime groep vroue is besig om ‘n ou verlate herehuis se reuse verwaarloosde biblioteek, op te knap.
Volgens inligting van ons nuutaangestelde, baie bekwame, spioenjoernalis, me Broodina Barber, is daar alreeds baie vordering gemaak met die oplossing van die geheime rondom die herehuis.
Haar uiters klandestine speurwerk het gelei tot noodsaaklike inligting, wat die toekoms van Pofadder en omstreke tot groot nut en voordeel kan wees. Dit kan lei tot ‘n toename in toerisme en opbloei van ons treurige ekonomie.
Volgens me Barber is daar reeds twee briewe, ‘n leë dagboek en verskeie foto’s gevind en het sy skelm ‘n selfoonfoto geneem van ‘n diagram van moontlikhede, wat die dames op ‘n groot plakaat teen een muur vasgespeld het. Hierdie inligting is hoogs vertroulik en net aan ons redaksie bekend.
Ons spioen ter plaatse, was gisteraand op ‘n geheime sending na die herehuis en het ‘n gruwelontdekking gemaak. Kort nadat sy, in stikdonkerte, met slegs ‘n penflitsie, die biblioteekruimte betree het, het sy deur ‘n vloerplank getrap en na benede gestort in ‘n tot dusver geheime kelder.
Vanoggend met oopmaaktyd, het die sleggeduikte blou Uno van me Barber, met skreeuende bande al knallend en in ‘n rookwolk voor ons kantoor tot stilstand gekom.
’n Uiters gehawende, stofbesmeerde me Barber, het al hiperventilerend die kantoorgebou binnegestompel. Na ‘n kalmerende knertsie Frangelico kon sy uiteindelik praat en lig werp op ‘n angswekkende gebeurtenis.
Met haar dawerende val na benede het sy vasgeval tussen iets wat gevoel het soos ‘n slagyster, wat haar styf vasknel. Toe sy uiteindelik haar penflitsie bewend aanknip, sien sy dat sy netjies in die ribbekas van ‘n spierwit geraamte lê.
In ‘n halfbedwelmde toestand kon sy loswriemel en bewend die geraamte ondersoek. Vasgestrengel tussen gebreekte nekwerwels was ‘n kettinkie met ‘n oopknip hartjie aan. In die hartjie was twee foto’s van mense reeds bekend aan ons uiters bekwame, waaghalsige spioenjoernalis…Charlotte en Joseph.
Verdere ondersoek sal gedoen word na die omstandighede van wat nou bekend staan as die Huis van Gruwels op Rebusfontein.
Ons hier by die koerant hoor al hoe die kasregisters klingel, van al die toeriste wat hier gaan draai. Die enkele bed- en ontbytplekke is reeds vol bespreek en ons doen ‘n dringende beroep op inwoners om hul huise beskikbaar te stel vir nog gaste.
Klem de Kaak. ( Redakteur)
https://scrapydo2.wordpress.com/moet die geheim verder ontrafel.
Onthou om jou skakel te plaas by https://fresh.inlinkz.com/p/3f26291088494dc99c7aa4554a66a313
Aijajaai, eks bly dit was Broodina wat die ontdekking gemaak het. Hierdie Klem de Kaak beter oppas. As hy weet wat goed is vir hom beter hy wegbly van die herehuis. Hy en Broodina sukkel weer met dinge waarvan hul geen kennes het nie. Ek gaan my snuffelhond Mr T en my uilkyker bietjie kans gee om die saak te ondersoek.
LikeLiked by 4 people
Sterkte met jou ondersoek. Jy beter ‘n kortkop voor Broodina en Klem bly, want hulle probeer ons storie kaap vir finansiële gewin.
LikeLike
Ek het so vermoed. Hul sal binnekort nog hul Moses weer teenkom.
LikeLiked by 1 person
Geen verhaal om op dit uur, bijna middernacht, te lezen. Ik begin ook hier spoken te zien… Brrr 😱💀👻👻
LikeLiked by 1 person
Ek hoop nie jou nagrus was versteur nie Bea.Dankie dat jy kom lees het.
LikeLiked by 1 person
O grenade, Broodina. Lekker dat sy Charlotte se geraamte so vir ons kry. Hene. Charlotte en Joseph. O genade. Is dit Klara wat al die moeilikhede op Eden begin het……of nee, o jinne, my kop warrel. Perdebytjie, daar het jy nou weer dinge (o)opgeblaas. Adder, goeie koerantnaam, en, Klem de Kaak, maak staat op ander se verbale diarree om sy spoegkoerant vol te kry. Pffft, hy ken nie die Towerinne nie. Nogal om Pofadder se ekonomie ‘n hupstoot te gee. Hy sal ander hupstoot van toweragtige formaat kry as hy op ons rebusdroom se rug wil ry. Bravo my maat van yster en plaat! My Maandag begin met ‘n giggel. Sterkte met die speurwerk Scrapy.
LikeLiked by 3 people
Ek hoop nie ek het die storie te veel ontwrig nie!
LikeLiked by 2 people
Die storie kan nie ontwrig nie. Net ontwikkel en groei. 😉✏📚🏆🌻
LikeLiked by 3 people
Ons maak mos op jou staat vir sulke dramatiese kinkels in die kabel!
LikeLiked by 2 people
Dalk was dit bietjie te erg, maar ek het verlang na Broodina se manewales.
LikeLiked by 1 person
Nooit te erg nie – mens kan mos nie teen ‘n goeie storie baklei nie!
LikeLiked by 1 person
*snak na my asem* Ooo neee, hierdie storie raak nou te erg vir ‘n ou tannietjie… Broodina! Alweer!!! (Bwahahaaa vir “Klem de Kaak”…)
LikeLiked by 1 person
Wat sal ‘n Towerinstorie sonder onse Broodina wees? Sy is so jaloers en naganig, dat sy ons orals agtervolg en haar kans afwag om ons in die krop te steek.
LikeLiked by 2 people
Ik kan inderdaad niet volgen, maar vind dat het dringend tijd is dat je je woonkamer wat opruimt. Zo’n boeltje, Dina!
LikeLiked by 1 person
Ek is hard besig daarmee!Dankie dat jy tog ingeloer het Paul.Ek sal later vandag ‘n meer verstaanbare bloggie pos.
LikeLike
Heerlijk griezelig verhaal.
LikeLiked by 1 person
Dankie dat jy kom lees het,Suske.
LikeLiked by 1 person
Oooò het ek nou geril toe Broodina tussen daardie geraamte beland. Die geheim verdiep… Charlotte en Joseph!!! Welgedaan Perdebytjie.
LikeLiked by 2 people
Dankie Kameel… die idee was om jou te laat ril!☺️
LikeLiked by 1 person
Ek is net blikkies bly dis Broodina wat daar afgevoeter het en die geraamte ontdek het, en nie een van ons nie. Vir eenkeer is ek bly oor haar gesnuffel. Hoe ons na die koerantberig die mense gaan weghou is nou ‘n ander saak. Ek is elke keer spyt ek kannie die storie aanlees nie… die plot word net dikker.
LikeLiked by 1 person
Ons sal moet oppas vir paparazzi ook!
LikeLiked by 1 person
Oef! Hoe stik ek nou in my biltongroosterbroodjie. Hoe het ek geweet Broodina gaan weer hier opduik? Nou wie se lyk sou dit wees? Hier kom ‘n ding! Welgedaan Bytjie.
LikeLiked by 1 person
Beslis Charlotte s’n.Dankie vir kom lees, Hester.
LikeLiked by 1 person
Uitstekend geskryf Bytjie, genade! Ek sal moet tyd vat en hierdie verhaal van voor af moet bekyk en bedink. Sjoe sjoe
LikeLiked by 1 person
Dis baie ingewikkeld.Dankie dat jy kom lees het, Bondeltjies.
LikeLiked by 1 person
Hier moet jy kophou Bondels!!!
LikeLiked by 1 person
Kameeltjie op die stadium is my brein te moeg om kop te hou. Iemand sal soos met die vorige vervolg verhaal ‘n karakter lys moet saamstel sodat mens kan bybly
LikeLiked by 2 people
Vuurvliegie het in haar blog die karakters uitgelê met fotos en al. Sy gee ‘n goeie idee van wie en wat. Hoofstuk 3!!
LikeLiked by 1 person
Joejoejoe! 😳 Dinge raak rof in Rebusland!
LikeLiked by 2 people
Presies wat ons nie wou hê nie.As almal sien hoe lekker ons bly,gaan daar ‘n invloei van ongewensde karakters wees!
LikeLiked by 1 person
Ai, die Broodinas van die lewe sal altyd met ons wees.
LikeLiked by 1 person
Hello, hier is ek ook nou weer by! Sit heel oggend en lees ons storie. Moet sê, ek sukkel ietwat om nog mooi uit te pluis wie presies Leonard dan nou is? Julle het tot dusver ñ briljante storie geskryf. Geraamtes, moord, leuens.
LikeLiked by 1 person
Maak vir jou ‘n diagram van Vuurvliegie se pos af.Sy gee ‘n goeie opsomming van al die karakters en moontlikhede onderaan haar skrywe.Al wat jy bylas is dat Charlotte moontlik in ‘n skelm verhouding was met die getroude Joseph
LikeLiked by 1 person
Una, ek het vir julle in Hfst 3 prentjies geplaas. Leonard is Klara se oom en dus Jospeh se broer….
LikeLiked by 2 people
Met veel plezier dit gelezen wat een prachtig verhaal.
LikeLiked by 1 person
Baie dankie Frans.
LikeLike
Ja nee kyk…ek gaan nou op my skuifdeur se venster(dis die grootste stuk glas in my huis) n diagram optrek soos die CSI en FBI en CIA nou maak om seker te maak ek mis geen een nie! Bravo Bytjie….ons storielyn loop nou al weer in n ander rigting!!
LikeLiked by 1 person
Dankie Woordnoot. So ‘n diagram is die maklikste om mee kop te hou
LikeLike
Gaan net my wit jassie aantrek en my nerd bril opsit…ek dink die Oom sal my laat sertifiseer as ek voor die deur staan en ek trek kringetjies em kruisies😅😅
LikeLiked by 2 people
Gebruik liewer ‘m aanspeldbord.🤣🤣
LikeLike
Haha!!
LikeLike
Ek sien die prentjie 😂😂😂 dis skreeusnaaks!!! Wanneer hulle jou opneem en jy vertel jy probeer ‘n moord op Rebusfontein oplos saam met ‘n klomp vroue en jy begin die name noem gaan hulle skokbehandeling op jou toepas Ria!!!
LikeLiked by 1 person
And the plot thickens (again). Ek het op my selfoon die google Keep toepassing, waar ek die notas byhou, dan kan ek dit lekker maklik vanaf my rekenaar of foon opdateer. Meer as bereid om te deel
LikeLiked by 2 people
Sjoe hier kom vir jou ń ding…. Geraamte, hangertjie en Broodina op die koop toe. Lag ek te lekker vir die prentjie in my kop van Broodina in Charlotte se ribbekas🤔🤣🤣🤣🤣
LikeLiked by 1 person
Dit was beslis nie ‘n sagte landing nie!
LikeLike
Hier lees ek weer. Perdebytjie, jy skryf regtig fantasties.
LikeLiked by 1 person
Jinne Toortsie,baie dankie vir die kompliment!
LikeLiked by 1 person