Dissipline, dissipline, dissipline!

Dis vroegoggend en die Adoonsfamilie wei rustig in die rivierbedding. Kotie Kees kam versigtig deur Bessie Bobbejaan se dik pels, terwyl Kareltjie styf teen haar sit.Dis nog koud, maar die goue lig van die eerste sonstrale gooi die mooiste kleur oor die landskap.._MG_9050

Mamma Meitjie sit rustig terwyl Kiepertjie sy oggendmelkies gulsig opslurp…_MG_9055

Skielik is daar ‘n oorverdowende lawaai en Mamma Meitjie vat die pad met oopgesperde lippe, terwyl Kiepertjie angsbevange aan haar klou…_MG_9015

Bondeltjie Bobbejaan spring verskrik in sussie Katryn se arms. Albei staar angstig na waar die lawaai vandaan kom…_MG_9012

Katryntjie hou vir Bondeltjie styf vas terwyl hy nuuskierig oor haar skouer loer…_MG_9042

Die lawaai is nou eens so erg en die ontstigte tweetjies klou mekaar stywer vas…_MG_9023

Brolloks, die leierbobbejaan hardloop al boggommend agter ‘n skreeuende Fielies aan…_MG_9028

“Vandag trek ek jou basvelle af!” Brul hy verwoed…_MG_9027

Na ‘n hewige jaagtog deur bome en bosse, vang Brolloks uiteindelik vir Fielies. Die stomme outjie kan net tande wys en laag kruip voor die vreesaanjaende harige monster.._MG_9032

Intussen sit almal die pettalje en gade slaan…_MG_9030

O jinne toggie, wat gaan nou gebeur? Bondeltjie jy moet nou mooi kyk wat jong bobbejaanmannetjies nie mag doen nie, hoor…_MG_9043

Seun, laat ons mekaar nou mooi verstaan…jy dek nie weer een van die wyfies in hierdie trop nie. Jy is ‘n snotneus en nog nat agter die ore…_MG_9036

Hierdie verhaal het werklik gebeur. Twee reuse mannetjies het twee snotneuse gejaag en dit was die vreeslikste gegil wat die twee stouterds aangehef het. Uiteindelik was daar geen geweld nie, net hierdie dissiplinêre praatjie deur die Alfamannetjie.

 

 

Muishond op ‘n Maandagmôre

Twee weke lank is daar al ‘n klankie in ons bosvoertuig. Ons was wildtuin toe en daarna weer op ‘n reis op agterpaaie. Aanvanklik was die klankie net effens muwwerig en ons het gedink dat die matte nat geword het by die karwassery.

Manlief het die matte in die son laat lê, goed gespuit, Stasoft onder die sitplekke gesit, selfs die filter van die lugverkoeler uitgehaal om te was, die voertuig in die son laat staan met die ruite oop…die klankie bly!

Vanoggend uit pure radeloosheid het hy al die sitplekke begin uithaal en die oorteksels afgetrek…img_0042

Al die deure oop…img_0043

Obed snuffel onder die sitplekke…img_0041

Manlief krap in die kattebak se deur en doen ‘n nare ontdekking…img_0039

‘n Pakkie grasgroen Ladies Rump Steak, wat bestem was om drie weke gelede op ‘n wildtuin vuurtjie gebraai te word!!!

Gelukkig was dit vakuumverpak, maar selfs dit is nie ‘n waarborg teen muishond se streke nie.

Berghaan..

stompstertarend, kortstertarend, Bateleur…

die mooiste arend met sy bloedrooi kleur_MG_8897

Kuiken met jou skewe kop_MG_8896

Hou duifies en soogdiertjies dop_MG_8894

Net sewe jaar

dan is my kleur ook daar_MG_8892

en vlieg ek pronkend en al wiegend van boom tot boom_MG_8885

oor die savanne grasvelde van sub-Sahara Afrika

‘n wildernis om van te droom_MG_8897

geluidloos maar soms met blaffe en krete

kantel ek van kant tot kant

(Terathopius ecaudatus)

ongelukkig met byna bedreigde status!

 

 

Kameelperd met jou…

lange tong_MG_8671

vou om doringtakkies om en om_MG_8670

stroop die blaartjies van ‘n tak_MG_8680

so heel op jou gemak_MG_8679

geen doringsteek of tand gebreek_MG_8677

ai kameelperdjie_MG_8678

jou vernuf _MG_8672

laat mens skoon oorbluf._MG_8674

‘n Kykie onder jou ken, laat jou nog heelwat harte wen._MG_8695

Instink is…

nie altyd lekker nie. Ek het dit vroegoggend op my nugtermaag beleef…

By my agterdeur, onder die dak, woon en broei ‘n mossiepaartjie al jare lank. Verskeie kleingoed is al grootgemaak uit dieselfde nes. Verlede Vrydag het hul enigste babatjie uit die nes geval en soos ek maar altyd maak, het ek op ‘n leer geklim en hom teruggesit, want hy was nog baie klein en amper veerloos.

Dis ‘n mite dat voëls hul kleintjies uitskop of verlaat as mense dit hanteer het. Nietemin, die paartjie is heelweek aktief besig om die outjie te voer en die sagte murmelgeluidjies wat hul elke keer maak as hulle met ‘n kossie nes toe kom, bereik heeldag my ore, waar ek sit en werk op my rekenaar…so vredig en gerusstellend.

Vanoggend toe ek die agterdeur oopmaak vir die brakkies se oggenddraai, was ek te laat om te keer. Binne ‘n oogwink het Tienkie die voëltjie, wat intussen seker weer uit die nes geval het, geskraap en hom doodgebyt! Ek was so kwaad vir haar, maar ek weet dis instink en sy kan dit nie help nie.

Daar staan ek toe met die warm geveerde lyfie in my hand en die trane rol. Later het ek hom gaan begrawe by die Janfrederikkuiken, wat verlede week ook deur juffrou Tienkie doodgebyt is! Ek is steeds verstom dat enige voëls in hierdie werf broei en groot kan word, met so ‘n jagter soos sy.

Die hartseerste is dat die mossiepaartjie nou al ure lank roep en tjirp in die boom by die agterdeur…

 

Patrysie…

_MG_8661Patrysie

Jy ken geen wysie

Jou gesketter met dagbreek

Is genoeg om ‘n stok in laatslapers se wiele te steek

Dis skril en klink soms soos ‘n gil

Maar dis belis ‘n alarm

Vir kuikentjies sag en warm

Om skuiling te soek

Om die naaste hoek.

_MG_8532

_MG_8528

_MG_8526

_MG_8530

Bospatrys (Crested Francolin)