Hierdie is ‘n vervolgverhaal deur ‘n klomp bloggers. Gaan gerus verby, want my gewone lesers sal geen kop of stert hiervan uitmaak nie.
Camilla lê in ‘n diepe slaap op ‘n geruite kombers. Die yl sonstraaltjies van ‘n nuwe dag, kielie oor haar welgevormde hoë wangbene en laat opeens haar ooglede oopfladder. Sy sit vervaard regop en staar onbegrypend om haar. Oral op geruite komberse, lê al die inwoners van Rebusfontein uitgestrek, met hul slapende troeteldiere styf teen hul stil lywe.
Die onthou sukkel om deur haar benewelde brein te breek, maar stuk-stuk kom alles terug…
Gisteraand was almal bymekaar op die dorpsmeent… daar waar al verskeie gesellige en minder aangename gebeurtenisse plaasgevind het. Sy onthou die fiasko van die sirkustent wat in vlamme opgegaan het, nadat metaangas uit olifantlywe en ‘n ondeurdagte trek van ‘n vuurhoutjie, die hele tent verwoes het.
Die herinnering aan die verwaarloosde biblioteek en Broodina se val deur die verotte vloerplanke en haar landing in die ribbekas van ‘n geraamte, stuur opnuut rillings deur Camilla se lyf. Sy onthou dat daardie geheim opgelos is en dat almal op Rebusfontein tevrede was met die uitslag.
Wat het gisteraand gebeur en hoekom lê almal in ‘n diepe beswyming? Eenkant staan ‘n lang tafel, steeds gelaai met heerlike bantingkosse uit Toortsie se kombuis. Verskeie bottels met ‘n groen vloeistof, staan orals oopgemaak. Met haar fyn neusie, snuif Camilla aan een bottel en voel dadelik erg lighoofdig.
Skielik sien sy visioene van pratende diere, ‘n arend genaamd Harpy, ‘n donker aantreklike man, wat haar tone laat omkrul van lekkerkry, ‘n getatoeëerde spierpaleis wat diep in haar oë kyk, laggende dansende dames, ‘n swewende mansponiestert, Broodina wat wegtrek in ‘n knallende rokende Uno, PT Barnum se sirkustent, olifante wat toertjies doen…
Die slapende Towerinne ontwaak nou een vir een en die troeteldiere begin ook wakker word. Almal lyk verward en staar om hulle heen.
Camilla begin stadig maar seker weer helder dink en skielik snap sy wat gebeur het. Met ‘n pers gemanikuurde vingernael, tik sy teen een van die bottels en sê: “Towerinne, daar was nooit ‘n kluisenaar genaamd Alexander nie, Lorenzo was net in ons gedagtes, Harpy was ‘n mite, pratende diere bestaan nie. Ons is bedwelm deur hierdie groen drankie!”
Eenkant op die hoek van die tafel, sit ‘n pikswart kraai, heerlik en smul aan ‘n stukkie vetterige bantingfrikkadel. Hy vlieg krysend op en verdwyn ooswaarts teen die helder oggendson…hy word net ‘n spikkeltjie.
Nou kan ek maar soos Hester sê “Waddehel.” Het jy van die groen voggies ingehad toe jy geskryf het? Waar is Lorenzo? Nee nee my kop spin.
LikeLiked by 1 person
Lorenzo was ‘n verbeeldingsvlug.😄😄
LikeLiked by 2 people
Nope ek aanvaar nie daardie een nie. Ons hele Giggelgroenbuseskepades en Rebus is dan daarmee heen. Ek het Rebus en Lorenzo baie nodig vir ontvlugting…. beter as kalmeerpille!!!
LikeLiked by 1 person
Ek dink Camilla het vergeet dat Lorenzo eg is.Al die verwarring van die groen drankie, het haar breinselle aangetas, dat sy nie meer tussen waarheid en fiksie kan onderskei nie.
LikeLiked by 1 person
Ek dink Camilla het nog groot skrik weg na Alexander.
LikeLike
Smaak my die storie is so deurmekaar soos katkos in ‘n tuimeldroër!
LikeLiked by 1 person
Dis wat gebeur as mens van daardie groen voggies inasem of sluk.😂😂
LikeLike
Met Toeerinverhale moet ‘n mens kophou. Of dalk juis nie! 😂
LikeLiked by 2 people
Enige iets is moontlik!
LikeLike
As jy nou eers by ons nuwe Towerin avontuur aansluit, kan jy gaan lees wat voorafgegaan het by hierdie skakel:
https://fresh.inlinkz.com/party/328bf9cee22c433eb83e0b56dc13fff7
LikeLiked by 2 people
Daai groen drank was sterker as wat enige van ons vermoed het, ‘n gesamentlike hallusinasie? Sjoe
LikeLiked by 1 person
Ek dink tog daar is meer agter die storie as wat Camilla dink.
LikeLiked by 1 person
Perdebytjie… En om te dink dis ek en Trommeltjie wat die kluisenaar ontdek het! Van nou af gaan ek nêrens en drink niks.😫😭😭😭
LikeLiked by 1 person
Lees weer die laaste paragraaf…dit laat die moontlikheid oop dat daar werklik ‘n kluisenaar is wat van gedaante kan verwissel.
LikeLike
Famous last words Untjie😱🍾
LikeLike
Ek wonder darem of ons Camilla kan glo?
LikeLiked by 1 person
Sy was ook hoog op die voggies en sien en glo wat sy wil.
LikeLiked by 2 people
Jaaaa … dit klink meer na die waarheid.
LikeLiked by 1 person
Nee kyk, julle met die groen voggies is te wild vir die groen oë van hierdie outjie. Ek herinner my dat dateen van die Dallas reekse ‘n droom was. Ek dink Patrick Duffy is geskiet enuit die reeks en die volgende reeks word hy weer lewendig gedroom
LikeLiked by 4 people
🤣🤣🤣
LikeLike
Enige iets is moontlik, Abrie. Ek is bly jy het kom lees by ons lawwe klomp. Jy was nog altyd half deel van ons verspotte stories.
LikeLike
Ek mis die deel wees. Ek kan ongelukkig nie meer soveel tyd aan blog spandeer nie
LikeLiked by 1 person
Ons verstaan dit, maar dis nogtans lekker as jy af en toe inloer.
LikeLiked by 1 person
Is jou skuilnaam nie dalk Lorenzo nie? 😜
LikeLiked by 1 person
Met Abrie weet mens nooit!
LikeLiked by 1 person
Presies! En ná Toweropstal het hy soos ‘n speld verdwyn, net om kamtig nou weer te verskyn? Huh-uh! Ons s nie onder ‘n kalkoen uitgebroei nie.
LikeLiked by 1 person
Julle is onder Hester se eier lêende haan uitgebroei
LikeLiked by 3 people
🤭 °Bloos° nee sy bloed is te warm
LikeLiked by 2 people
Is jy nie Italiaans nie? 😝
LikeLiked by 2 people
Ek het netnou daai selfde ding vir my man vertel! Ek was nog so verbrands vies omdat die boyfriend wat Pamela (Victoria Whatsisname) vir haarself opgedroom het, soveel sexier was as Patrick.
LikeLiked by 1 person
Jaaa! Ons was almal erg misnoegd oor daardie gerieflike ontknoping…
LikeLiked by 1 person
Wel, ek weet nou ook nie, want Lorenzo het so pas hier by my hospitaalbed opgedaag. Asvaal geskrik en bewerig. Hy wou weet of ek hom nog kan sien. Toe moes ek aan hom vat. Ek het hom aan die boud geknyp en hy het hard en duidelik “Eina!” geskreeu. Nope, ek hallusineer nie. Ek het nie die groen drankie gedrink nie. En my Ponsiekat praat – beslis.
LikeLiked by 4 people
Dankie tog Hester!!! Anders moes ons hele spul groendakkies toe!!! Lorenzo vra of jy hom kan sien!! LOL (die gesiggies op my foon het verdwyn… in die plek daarvan het ek nou ‘n bar wat al my woorde verander)
LikeLiked by 2 people
😁
LikeLiked by 2 people
Wat soek jy in die hospitaal?
LikeLiked by 1 person
Ek lê in die Aaisiejoe. Word behandel vir skok. Toe ek hoor Lorenzo is nie rêrig nie, het my hart sommer ingegee. Nou moet die kardioloog so ‘n handpompie gebruik om my aan die lewe te hou.
LikeLiked by 4 people
Is die handpompie nodig omdat daar beurtkrag of geenkrag is nie?
LikeLiked by 1 person
Nee, eintlik omdat die kardioloog sulke pragtige blou oë het. Solank hy diep in my oë kyk, bly ek skop.
LikeLiked by 3 people
Jy laat my lekker lag!!
LikeLiked by 1 person
En jy laat my bloed sweet!
LikeLiked by 1 person
Nogal in die aisiejoe LOL Dink hulle moet my 0ok opneem…. ek was net so geskok oor Lorenzo. Gelukkig het jy darem gevoel hy is rêrig! !!
LikeLiked by 3 people
Ja, en om te voel is my passie – ek is so te sê ‘n professionele voeler.
LikeLiked by 2 people
Vatterig is die ander woord.☺️
LikeLiked by 1 person
Nee! Nooit! Vatterig klink soos orig. Ek pleit onskuldig.
LikeLiked by 1 person
The lady protesteth too much!🤣🤪
LikeLiked by 1 person
😊
LikeLiked by 1 person
OK 🤔
LikeLiked by 2 people
🙉🙊🙈😂😂😂😂😂😂
LikeLiked by 2 people
Lorenzo bestaan beslis. Ek dink Camilla ly aan post traumatiese stres en ontkenning.
LikeLiked by 4 people
Camilla gaan ophou bestaan wanneer ek uit hierdie bed klim. Om ‘n oumens se hart so ‘n skok toe te dien is skandalig!
LikeLiked by 2 people
Ek stem saam.. dis wreed om ‘n oumens se drome so in skerwe te laat spat!
LikeLiked by 1 person
Bwahahaaa – arme Lorenzo!
LikeLiked by 2 people
Die strawwe wat hy nie moet verduur nie!
LikeLike
🤣🤣🤣🤣🤣✏📚🔎
LikeLiked by 1 person
Ik vind het nogal verwarrend maar het is goed geschreven. Mijn verhalen verwarren de lezers meestal ook. 🙂
LikeLiked by 1 person
Dankie Suske.Ek geniet ook jou verhale al verstaan ek nie alles nie.🤪
LikeLike
‘N Nuwe sprokie-skrywer word gebore!
LikeLiked by 1 person
Nie ek nie… dankie dat jy kom lees het, Paul.
LikeLiked by 1 person
Ik kom hier graag, dat weet je. Blij dat je nog eens in je pen bent gekropen.
LikeLiked by 1 person
Ek sal hopelik nou weer bietjie meer gereeld blog.
LikeLiked by 2 people
Goeie nuus!
LikeLiked by 1 person
Ag so bly Lorenzo het darem weer by Hester oogedaag. EK gaan nou dadelik vir julle almal sterk koffie kaak- cuppachino met egte room!
LikeLiked by 3 people
Gooi tog ‘n knertsie in daai koffie, ‘seblief! O nee. wag – nou-nou begin die dinge met drankies weer van vooraf…
LikeLiked by 3 people
🤣🤣
LikeLiked by 1 person
Oe daai kraai gee my koue rillings… ‘Bytjie, hoekom nou juis geruite komberse? 🙂
LikeLiked by 2 people
Ek sien in die flieks gebruik hulle altyd geruite komberse vir pieknieks🤣
LikeLiked by 3 people
O – ja, dit maak sin, al was hierdie avontuur g’n piekniek nie!
LikeLiked by 1 person
Skote Petoors Bytjie. Eks bly Lorenzo het darem Hester se hand gaan skud om te wys hy is nog okay. Ek vertrou steeds nie daardie raaf nie. Ek hoop Harpy het sy kans gekry om hom uitmekaar te skeur.
LikeLiked by 1 person
Ek het juis met die kraai ‘n opening gelos.
LikeLiked by 1 person
Kom so agter ja! Geleentheid vir verder aksie en reaksie.
LikeLiked by 1 person
Word vervolg…..
LikeLiked by 1 person
Neeeee grote bleri griet, nou weet ek ook nie meer nie. Hester ek is bly jy is ok!
LikeLiked by 1 person
Leuk verhaal. Ik moet het altijd weer even ontrafelen om het goed te begrijpen. Maar altijd prettig om te lezen!
LikeLiked by 1 person
Dankie dat jy probeer, Thom.
LikeLike
Soos altyd baie inspirerend.
Ek dink die voggies was nie Banting nie 😕
LikeLiked by 1 person
Dis so ‘n ou pos, ek moes weer self kom lees! dankie vir inloer, Linda.
LikeLiked by 1 person