Posted on

Luilekker middag in ‘n sanderige rivierbedding.

Mamma Lientjie Leeu en klein Karlientjie verkeer rustig in die rivierbedding. Die sand is
heerlik warm en maak hulle sommer lekker lui.
Met haar groot skurwe tong, lek mamma Lientjie klein Karlientjie se pels blink.
Kyk al die nare bosluise…hulle sit ingespit in Karlientjie se vel en laat haar pels lyk soos
iemand met aknee.
Ai dis lekker as mamma haar so aai!
Mamma kry ook ‘n lekkie terug.
Eina, jy krap my!
“Jy vat dit nou te ver”, waarsku mamma die woelige jongeling.
Ek praat nie weer nie…
Ek sal maar iets anders gaan doen…laat ek kyk wat daar is…
Aa, ek weet wat!
Lieflik…’n heerlike bal olifantmis waarmee ek kan speel!