Vandeesweek speel ons letterkeer. Letterkeer of anagram is ‘n woord of ‘n sin gevorm uit die letters van ‘n ander woord of sin, maar in ‘n ander volgorde.
Ons gebruik die interessante woord: SWARTSKAAP. Binne slegs ‘n kort tydjie kon ek ses-en-vyftig woorde vorm, net van die letters in dié woord. Dis eintlik ‘n heerlike speletjie. Ek gaan nou ‘n humoristiese skets skryf en ‘n paar van dié woorde gebruik.
My skoonma was ‘n besondere waarnemer. Sy kon ure sit en na die mensdom om haar staar. In die aftree-oord waar sy gewoon het, was ‘n lastige man, wat heeldag vir almal wou bid en “begogel” (een van haar uitdrukkings) met sy heiligheid. Hy het die wit waks uit almal geïrriteer en as iemand hom sien stap het, is daar so rats as wat dit moontlik vir ‘n bejaarde is, die hasepad gekies.
Oudergewoonte laai haar seun haar een Woensdag in die kar, vir haar weeklikse bederfie by die dorp se Wimpy. Die plaaslike bedelaar, met sy pakaas in ‘n swart sak oor sy skouer geslinger, praat al van ver af, maar skoonma wat op daardie stadium al redelik swak was, kyk skaars na hom en wikkel met haar stootkarretjie die Wimpy binne.
Terwyl sy aan ‘n heerlike glas sap teug en haar kaasbroodjie knibbel, sien sy hoe die bedelaar iemand nader skraap, met sy gewone storie oor ‘n geldjie vir ‘n dringende pasaat, wie weet waarheen?
Groot fout…dis die aftree-oord se selfaangestelde redder van siele, wat ingekatrol is. Tot die bedelaar se verstomming, word hy plegtig met geboë hoof, meegesleur in ‘n ellelange gebed. Die woorde raps en die sweet die tap, maar die taak van gebedserbarming is lank nie afgehandel nie.
Uiteindelik is die sessie verby en die bedelaar staar in ‘n waas na die bringer van goeie boodskappe. Slegs ‘n kleine aalmoesie verwissel van hande, nie eers genoeg vir ‘n knypseltjie twak vir ‘n gerolde zol nie!
Skoonma se droë opmerking ala Captain Bertorelli van Allo-Allo faam: “What a mistaka I maka”!
🤣🤣 g Dina, dis kostelik. Ken ons nie almal hierdie “selfaangestelde redder van siele” nie! Wanneer hulle nader stap, maak die skare oop voor hulle soos die Rooi See.
LikeLiked by 2 people
Jy laat my nou skater vd lag… janee, ons ken almal sulkes.
LikeLiked by 1 person
Wat ‘n aangename skets van iets wat ons seker almal al ervaar het 🙂
LikeLiked by 1 person
Dankie dat jy kom lees het, Anne.
LikeLike
Dina! Hoe lekker #woorwarrel jy en lag ek heerlik oor “redders van siele.” Smaak my hulle is eweredig in alle gemeenskappe versprei. Ek is so bly jy het die letterkeer geniet.
LikeLiked by 1 person
Dit was heerlik. Ek het gisteraand die woorde gedoen en vandag eers lank gedink voor ek begin het.😀
LikeLike
Soos Langenhoven gesê het. Dis goed om oor goete te slaap.😉
LikeLiked by 1 person
Dit werk altyd vir my.
LikeLike
My wyse mater.
LikeLiked by 1 person
Ha! Geweldig verhaal!
LikeLiked by 1 person
Baie dankie Peter.😊
LikeLiked by 1 person
Heb niet alles begrepen maar toch veel plezier aan beleefd!
LikeLiked by 1 person
Ag al het jy nie alles begryp nie, is dit heerlik dat jy inloer. Dankie, Joke.
LikeLiked by 1 person
Met plesier ? 😉
LikeLiked by 1 person
Wat sal ons van al hierdie dinge sê?
LikeLiked by 1 person
Afrikaans is op zich al een heel mooie taal. Als iemand er zo mee speelt als jij doet in dit stukje, wordt het kostelijk!
LikeLiked by 1 person
Dankie Paul… dis heerlik om met woorde te speel.
LikeLike
Haha…..daai droë opmerking vat die koek!!!
LikeLiked by 1 person
Skoonma het ‘n gawe gehad om sulke goed te sê. Ons het altyd geskater van die lag vir haar. Dankie dat jy kom lees het, Ria.
LikeLike
Dankie vir die pittige vermaak liewe Dina!!!! Jy het jou woorde so ‘n duidelike prentjie geskets. Ek het, soos gewoonlik, perdeby tjie terdeë geniet
LikeLiked by 1 person
Dankie dat jy kom lees het. Ek waardeer dit baie.
LikeLike