My gunsteling sitplekkie..

is agter in die tuin.Dit was eers ‘n verwaarloosde hoekie waar al die tuingemors,los bakstene,kruiwaens en oorskiet teëls gebêre was.Op ‘n dag het ons net besluit dis ‘n seer oog en aangesien manlief se kantoortjie op die plek uitkyk,besluit ons om ‘n mooi hoekie agter die bosse te maak.Dis nou wel teen die tuinmuur,maar ‘n paar teëls teen die lelike betonmuur, het ‘n groot verskil gemaak.

Daarna is dit winkels toe vir ‘n mooi stelletjie en na ons eerste mislukte keuse van ‘n patetiese Made in Tjaaina,wat net ‘n maand gehou het,het ons op ‘n stewiger ook Made in Tjaaina afgekom.Dis huilenswaardig dat die mark so oorspoel is van swak gehalte produkte en dat mens omtrent niks anders kry nie,behalwe as jy bereid is om Krugerrande daarvoor te betaal nie.

Dit daar gelaat…ons Tjaaina stelletjie sit heerlik,die hoekie is lekker sonnig in die winter en ons drink soggens elfuur ons koffietjie agter die of is dit innie bos..?

Die poort deur die bos na ons geheime hoekie.

Manlief se kantoordeur doer agter.

Ons Tjaaina tafel en stoele.Lekker in die son en vol stof,want die koue het ons in die huis gehou.

 

Kliek op die fotos om dit groter te maak.Ek het hierdie met my Ipad geneem,dus is dit maar aardige foto’s,maar dit gee darem ‘n idee van hoe dit lyk.