Verdere lawwighede met ‘n visooglens deel 3

Die vuurtoring is in 1903 opgerig en in 1910 met nog 10 meter verhoog.Dis nog steeds in werking en tans huisves die huis langs die vuurtoring,’n Italiaanse restaurant.

Drie palms het gesorg vir baie pret.

Hier het ek plat op my rug gele en gesukkel om my voete uit die foto te hou.

Dieselfde drie uit ‘n ander hoek.

Die drie palms het my heel oggend besig gehou!

Verdere pret met visooglens Deel 2

Gister was ‘n heerlike ysige sonskyndag met potblou lug.Perdeby het laatmiddag die dorp ingevaar met haar nuutste (geleende)speelding en wys nou die gevolge.

Altes Amtsgericht (ou landroshof).Hierdie gebou is 1907/08 gebou en is aanvanklik as ‘n skool beplan.Die geld het opgeraak en dis later voltooi en as landroshof gebruik.Heelwat later was dit ‘n koshuis.Vandag staan dit leeg en daar word ‘n ontwikkeling beplan,met die gebou ingesluit…gelukkig!

Woermannhaus ontwerp en gebou in 1905.Woning en kantore van die amptenare van die Damara en Namaqua Handelsmaatskappy.Hulle het goedere ingevoer na die nuwe kolonie.

Woermannhaus is in 1921 in ‘n koshuis omskep.In die sestigerjare is dit amper gesloop,maar bewaringsbewustes het gelukkig gekeer.

Woermannhaus se Damaratoring met sy uitsigplatvorm en vlagmas (agter).Die toring sou as water- en navigasietoring dien.Vandag huisves die gebou ‘n biblioteek en kunsgalery.

Hierdie geboutjie staan op die hoek van Kaiser-Wilhelm-Strasse.

Pret met ‘n visooglens

Geheimsinnige sandwêreld.

Namibduine is nie statiese eenvormige hope sand nie.Inteendeel,hulle is dinamies,en hul vorms word bepaal deur windbeweging,beskikbaarheid van sand en hul ligging in die duinesee.Die duine het ‘n verskeidenheid vorms,kleure,hoogtes,wydtes en samestelling.

Meeste duine bestaan uit ‘n basis van sand,met growwe materiaal bo-op.Hierop stapel golwende sand,wat so deur die wind gewaai word.

Hierdie is multi-siklusduine.Hulle word gevorm deurdat wind ewe sterk van enige kant af waai.

Duine naby Tsondabvallei.

Hierdie duine is min of meer in lang rye.Die wind waai meestal van die suide af en hierdie reekse le gewoonlik van suid na noord.

Die begin van ‘n nuwe vallei,wat oor duisende jare plaasvind.Naby Kuisebvallei.

Ontstaan van nuwe duine

Versteende duine

Tuin-fotogalery

Vreemde Plant

Van vêr af lyk dit vir my soos ‘n spul lappe wat vasgevang is in ‘n doringbos en in die wind rondflap.Toe ons naderkom is my verbasing groot.Dis blomme,aan ‘n baie lelike plant,in die middel van ‘n grasbegroeide,dorre vlakte in die Naukloof Nasionalepark.

Dis die Namib Hoodia (Hoodia currorii) wat sorg vir my opgewondenheid.Hierdie vetplant kan tot een meter hoog groei en na reëns verskyn die pragtige,handgrootte blomme.Ongelukkig ruik dit na aas en lok vlieë en ander insekte, wat sorg vir die bestuiwing daarvan.

Dis ‘n beskermde plant en mag glad nie uitgehaal of verplant word nie.

Dit groei op vlaktes en soms in rotsagtige gebiede,wat strek vanaf suidelike Angola tot in die sentrale Namibwoestyn.

Daar is onlangs ondersoek ingestel na die medisinale waarde van die plant as aptytonderdrukker.Die plaaslike bevolking gebruik dit al lank as medisyne teen hoe bloeddruk,verkoue en spysverteringsprobleme.

Kopskote…

met ‘n kamera.

Ek het ‘n boertjie dood aan jagtery,veral as dit vir trofeë is.Wat is meer grusaam as ‘n klomp lewelose gemonteerde dierekoppe, wat deur glasoë staar?Ek kan nie verstaan dat iemand ‘n behoefte het om dit te doen nie.Daar is geen verskil tussen hogere Zoeloes se “tradisionele” luiperdvelle en ‘n opgestopte dier van enige soort,wat pryk teen iemand se muur nie!

Hierdie praktyk behoort aan ‘n era wat verby is,maar steeds bly ‘n groep mense glo,dat dit macho is om ‘n arme dier af te maai met ‘n geweer.Die “gevretery” van die bok se eiertjies,hart,lewer…of wat ookal…om die jag van ‘n eerste bok te vier,is gewoon barbaars!

Daarom salueer ek Botswana,wat ‘n verbod op jag geplaas het.Dis hoogtyd dat Suid-Afrikaners wakker skrik en hierdie bedryf wortel en tak uitroei!

Bosboklammertjie

Buffel

Dikkop

Niks en niemand ontsnap aan ouderdom nie.Hierdie luiperdmannetjie is meer as tien jaar oud en op sy laaste bene.

‘n Sterk jong luiperd is besig om die vorige een uit te stoot

Wil mens werklik hierdie koppe teen ‘n muur sien “pryk” om jou eie ego te streel!

Oerlandskap.

Perdeby snak elke keer na haar asem,wanneer sy hierdie wonderwêreld aanskou.Sy word nooit moeg daarvoor nie en dis altyd lekker om hierdie skat vir mense te gaan wys.

Mens ry vir etlike kilometers deur barre woestyn.Jy kyk sewe dae in die toekoms in en die horison is plat soos ‘n pannekoek.Skielik skeur die aarde aan jou linkerkant oop en dan kan jy net staar en staar!

Hierdie wonderlike uitsig is skaars vyftig kilometer van Swakopmund af.

Hierdie ongelooflike area bestaan uit graniete en mika skists (sagte seperige klip,wat maklik verweer).Die Swakoprivier sny hierdeur.

Hierdie Damara Graniete,het ongeveer 460 tot 500 miljoen jaar gelede uit die binnekant van die aarde verrys.Dit het die eindfase van ‘n bergvormings episode ingelui.

Vandag is hierdie eens hoë bergreeks afgebreek tot graniete,ingevoeg tussen die oorblyfsels van die fondament van die bergreeks.

Die Swakoprivier was grotendeels verantwoordelik vir die erosie van hierdie bergreeks.Dit het oor ‘n tydperk van miljoene jare plaasgevind.Die swart streep op hierdie berg,is ‘n strook doleriet.Dit verweer nie maklik nie en lyk soos hare op ‘n hond se rug!

Hierdie interessante verweerde klip,lyk soos ‘n bobbejaan se skedel.

Perdeby was lus vir pret,toe verbeel sy haar dat sy ‘n dinosourus embrio is.Die klip lyk ook soos ‘n oer eierdop!