Frustrasie!

Ek is al meer as ‘n week tuis,maar julle dink seker ek het in ‘n gat verdwyn.Wel ek het…in ‘n kubergat!Weereens dankie aan die dierbare siele wat die tweede keer binne ‘n jaar ons koperkabels gedeps het.Mag die weerlig en alle ander slegte goed julle tref,dat daar net rokende swart kolletjies oorbly!

Verder het ons groot weerligskade aan verskeie implemente gehad,waaroor ek liewers nie wil uitbrei nie.Al wat ek weet,is dat ‘n lewe in ‘n grot,deesdae vir my baie aanloklik lyk!

Ek weet nie hoe lank Telkom nog gaan sukkel nie(hulle probeer regtig hul bes…sit ure in die son en probeer almal se drade weer konnekteer)maar intussen het manlief vir my ‘n “dongle” met Vodacom lugtyd gekoop en weereens het my tegnologiese kennis teen wil en dank verbreed.

Ek het werklik erge virtuele-onttrekkingssimptome ondervind,en verstom my weereens dat mens so afhanklik kan word van virtuele vriende daarbuite.

Ek kan egter nou nie ure op my leptoppie verwyl nie,want Vodacom se metertjie tik….wou maar net se ek is nog in lewende lywe!

More

vat ons die lang pad terug huis toe.Vandag het ek geskrop en skoongemaak dat die sweet en spoeg so spat.Wors gebak,eiers gekook,toebroodjies gemaak en alles in die Engel-yskassie gepak.Gelukkig het ons nie baie bagasie nie…die Snauchers het baie meer as ons altwee saam.Hulle is gebad,ge-“Frontline” teen vlooie en bosluise,hulle kooie is uitgeskud en reggepof,kombersies is gewas en twee dae se kos is uitgemeet in plastiek houertjies.Hulle slaappille en anti-naarpilletjies is slaggereed om more voor die hoender gehoes het,in drie onwillige kele afgedruk te word.

Gaan nou-nou vir oulaas met ‘n glasie wyn in die hand sit en die sonsondergang (van die son wat nog glad nie vandag verskyn het nie)geniet.

Sien julle oor ‘n paar dae!

Een goeie rede waarom…

luiperds so goed aangepas is en in moeilike omstandighede kan oorleef.

Hierdie bokkie is twee dae lank in die hardekool gestoor.Hardekool is ‘n uiters moeilike boom om te klim..daar is nie maklike vasgrypplek vir katnaels nie.Verder is dit ‘n baie hoe boom en daardie prooi was heel veilig.

Mevrou luiperd het gekom om haar kos te kom haal.Dit was omtrent ‘n gespook!

Wikkel,ruk en pluk en mooi manuvreer om die bokkie uit die mik te kry.

Amper daar!Kyk hoe balanseer sy met haar stert.

Nou die aftog..onthou dis ‘n verskriklike hoe boom.

Swaartekrag en balans is wat nou tel,anders val sy haar te pletter.Let op hoe steek die bokkie se kop aan die regterkant uit.

Lekker,sy gaan nou iewers op ‘n veilige plek smul aan haar buit.

Maaltye in die bos

Diep duik om ‘n lekker stukkie seekoeisteak af te knaag.

Moet darem eers asem skep voor hy verder eet.

Smaaklike toktokkie-happie.

Heerlike skerpioen met knypers en angel ingesluit.

‘n Heerlike bolletjie olifantmis,net reg vir die kleingoed wat nog moet uitbroei.

Lekker rooibokkloutjies.

Janee,die een se dood is die ander se brood…wreed maar waar!

Die Snauchies geniet hulle vakansie!

Frankie en Neelsie.

Neelsie..die baba,nege maande oud.

Tienkie,die dik enetjie.Al die oefening het haar mooi gewig laat verloor!

Gisteraand se sonsondergang met die windwyser op die jettiepale voor ons huis.

Die Snauchies staan op die tuinmuur.

Frankie is ons model

Frankie koester die sonsondergang.