Kordate kietsie

Ek hoef nie veel te skryf nie..die foto’s spreek vanself.

IMG_3773
Slegs drie wekies oud!
IMG_3887
Daardie ogies mis niks nie!
IMG_3926
Klim selfs alleen hoog in ‘n boom in.
IMG_3937
Die afkomslag sit nie in almal se pels nie,maar Kietsie doen dit met welslae!
IMG_3939
Amper onder…dit was baie hoog..nie ‘n bang snor aan daardie bekkie nie!
IMG_3860a
Ai Mamsie,dis te lekker!
IMG_3766b
Beste plek…knus agter Mamsie se lyf!

Nxaipan 4

Die heerlikste verrassing was om elke dag die jagluiperd gesinnetjie te gaan soek en hulle dan dop te hou.Jagluiperds is my gunsteling katsoort,daarom was ek baie in my noppies oor hierdie ongewone meevallertjie!

IMG_2175
Die gesinnetjie bymekaar
IMG_1914a
Die mamma.
IMG_1933
Die boetie
IMG_1970a
Die sussie
IMG_2223a
Jongetjies speel en loop saam.
IMG_3403_edited-1
Die tweetjies doen genoeg oefening!

Zebra..

met vreemde interessante patrone op sy rug.Ek het dit nog nooit gesien nie!

IMG_3480
Gewoonlik het Zebras strepe op die rug en is hierdie kolle beslis uitsonderlik!

IMG_3476

Nxaipan 3

Die gestreeptes van Nxaipan was hierdie seisoen ‘n besondere gesig.Daar was duisende van hulle en sover as wat die oog kon sien,het hulle op die vlaktes van die pan aan die soet gras geknibbel.Saam met troppe springbokke en kameelperde was dit ‘n belewenis om te sien!

IMG_3493a
Hingste raak slaags by die watergat

IMG_3495a

IMG_3494a
Let op na die hings agter se tande.Hulle byt mekaar goed!

IMG_3533a

IMG_3539a
Tonele by die watergat.

Trapsuutjies..

het toe nie suutjies genoeg getrap nie.

IMG_4747
Die arme dingetjie was besig om te slaap,toe hy oorval is deur hierdie Voëlslang (Vine Snake),wat net soos ‘n tak lyk.
IMG_4743
Aan die ander kant was dit net so ‘n stryd vir die slang om sy aandete af te wurg en ek was saam met hom benoud van al die gespook

Hierdie slang staan ook bekend as ‘n Takslang en hy smelt pragtig saam met die dun takke van struike.Dis uiters giftig en toon dieselfde simptome as met die byt van ‘n boomslang.Dis hemotoksies,met ander woorde bloeding begin plaasvind en die pasiënt moet bloed- of plasma-oortappings ontvang om die stolfaktore te vervang.

Nxaipan 2..Baines’ Boababs herbesoek

Ek plaas foto’s van die bome in verskillende seisoene.Dis nogal ‘n reuse kontras.

IMG_0699
Oktober 2010..kurkdroog en kokend warm
_MG_7976
April 2015..pragtig groen met skoon blou lug.
IMG_0702
Hierdie wortels lyk nog net soos wat Thomas Baines dit meer as ‘n eeu gelede geskilder het!
_MG_7973
April 2015
IMG_0704
Oktober 2010
_MG_7965
April 2015..Vanaf ‘n ander hoek geneem as die vorige foto,maar met min of meer dieselfde bome sigbaar.
_MG_7980
Kudiakampan..onbegaanbaar ,want dis sopnat.Die vorige keer het ons onder doerie kremetart daar oorkant kampeer.Nou is dit moeilikheid soek om soontoe te ry!

Liefste Struisie…

Volstruis,

Dit was vir my bitter hartseer toe jy so vreemd optree.Dis wat eensaamheid doen…of jy nou ‘n mens,dier of geveerde is,dit eis sy tol.

Donderdaglaatmiddag,was ons op ‘n wildrit in die Sabie-Sandreservaat,toe jy al pronkend en veerpluisend aangewals gekom het tot reg teen ons voertuig.Dit was ‘n ongelooflike skouspel van vlerke sprei.Jou swanenek het soos ‘n slang gekronkel en esse gemaak.Kort-kort het jou skurwe bek deur jou veredos gevroetel en gekam,totdat elke veertjie perfek reg was.Soms het die donse gewaai en jou ogies het vol verwagting geblink.

Ons hoor jy het net eendag hier aangekom,niemand weet waarvandaan nie.Hierdie area het nie volstruise nie en selfs die rooibokke het verstom gevlug toe hulle jou sien.Jy is nou al twee jaar lank deel van die landskap en die alleenheid het jou begin vang.Hier is nêrens ‘n pragtige volstruismannetjie op selfs ‘n wyfievriendin nie.Die voertuie wat soms stop om jou te bekyk,is jou enigste geselskap en deesdae kom jy tot teenaan en vermaak die toeriste met jou hartseer hofmakery!

Toe ons na ‘n halfuur wegry en jy desperaat agterna hardloop,moes ek stilletjies trane wegsluk.

Die lewe is baie wreed!

IMG_4641
Nog nooit kon ek so diep in ‘n volstruis se oë kyk nie.
IMG_4650a
So sielvol met die sonsondergang wat weerkaats.
IMG_4663
Jou veredos is onberispelik gekam.
IMG_4676
Jou skurwe bene se interessante tekstuur,het ‘n eiesoortige skoonheid.
IMG_4680
Jou wipstertjie is tog te aantreklik!
IMG_4690
Voete wat dateer uit die dinosourustydperk!
IMG_4692a
Pasop vir daardie dodelike nael!Let op die pragtige tekstuur.
IMG_4627a
Jy is pragtig!

Nxaipan Botswana deel 1

Wat ‘n heerlikheid om weer hierdie besondere plek,in ‘n ander seisoen en onder ander omstandighede,te besoek.Die vorige keer toe ons daar was,was dit pikswart verbrand,dor en droog,met ‘n vuurwarm wind wat oor die vlaktes getier het.Onthou om nooit in September,Oktober of November soontoe te gaan nie.Dis skokkend warm met temperature van oor die veertig grade.

Die beste tyd is om einde April,begin Mei te gaan,want dan is die reënseisoen verby,maar alles is nog groen en daar is miljoene diere op die grasvlaktes in die pan.

Die Nxaipan Nasionale Park is in 1970 geproklameer as bewaringsgebied en in 1992 verklaar tot nasionale park en beslaan 2578 vierkante kilometer.Dis tussen Nata en Maun en reg noord van die Makgadikgadi Pans National Park.Die beroemde Baines’s Boababs,waaroor ek geblog het by https://perdebytjie.wordpress.com/2014/10/30/ontmoetings-met-besondere-bome-deel-3/   is ook hier.Ek sal later foto’s plaas van die bome met blare aan…totaal anders…dis hoekom ons nou gegaan het…ek wou daardie bome met blare aan sien.

IMG_0026
Die ingangshek
_MG_7997
Die pad na Nxaipan..nie vir siele met swak harte nie!Sleep dan nog ‘n sleepwa ook en dis voorwaar ‘n uitdaging!
IMG_0043
Die kampplek was ‘n groot verrassing,onder groot sterkbosbome en pragtig onderhou.
IMG_0042
Silwerskoon kleedkamers,met ‘n reuse spykerbarrikade reg rondom.Dis om die olifante van die waterpype af weg te hou.
IMG_0038
Daar is net ‘n smal paadjie waarin mens een voet voor die ander kan sit en dan leun op ‘n houtreling,anders verloor jy jou balans.Ek het amper die eerste aand geval,toe my broekspyp aan een van daardie wrede penne vasgehaak het! Daar is ‘n elektriese heining ook en jy moet mooi vat aan die hek om nie met permanente krulhare te sit nie!
IMG_0058
Ideale kleinhuisie vir die meer gesofistikeerdes…onthou net om die deur van die pot af te haal voor jy gaan sit! Die ou geriewe staan nog en ek is maar te bly dat dit onbruikbaar is.