ek is nog hier.Ek het besluit om my bietjie te distansieer van die kuberruimte.My I-pad en laptoppie, was vir tien dae in die kluis toegesluit en ek moes elke keer myself inhou om die implemente daar uit te haal.
Vanoggend kon ek nie meer nie en alles is gekonnekteer en weer aan die gang.Ek oorweeg dit egter om weer alles toe te sluit,want dit was nogal bevrydend om weer dinge te doen wat agterweë gebly het.My stapel boeke is nou al deurgelees tot by boek vyf en daar is nog wat wag.My stram vingers is weer losgemaak op my klavier en ek kan nie glo dat ek alles so verwaarloos het nie!Ek stap weer,speel met my honde,luister musiek en gesels weer met regte egte mense!
Selfs my kameras is weggesit en ek kyk met regte oë na alles om my!
Tot wederom liewe blogvriende…hierdie goedjies gaan nou weer terug kluis toe!
NS.Geniet julle feestyd en familietyd terdeë.