Kaokoland met sy woestynolifante, is ‘n wonderwêreld vol verrassings!Twee jaar gelede het ons hierdie geheimsinniges se spoor gevat en dit het ons stoutste verwagtings oortref.
Met hulle spesiaal aangepaste groter pote,kan die olifante makliker in die sand beweeg.Hulle behoort tot dieselfde spesie as die Afrika Olifant,maar met ‘n kleiner borskas,wat hul bene langer laat vertoon.Hierdie diere is ontsettend goed aangepas en beweeg heen en weer in die rivierbeddings van die Ugab,Hoab,Abba-Huab,Uniab,Hoanib en Hoarusib.Hierdie pragtige name klink net so geheimsinnig soos die diere wat in hierdie onherbergsame landstreek woon.
Dit verg harde werk en baie beplanning om so ‘n tog te onderneem en ek wil nie te langdradig wees nie..net die interessantste dinge vertel.
Groot was ons opgewondenheid oor die eerste spoor in die Ugabrivier!
En hier is hulle!Hulle is bekend daarvoor dat hulle baie agressief kan raak en hul spasie moet te alle tye gerespekteer word!
Modderbad by Purros,(klein Herero-gehuggie)in die Hoarusibrivier.
Landskap naby Purros.Droë berge weerkaats in die helder water!Amper te goed om waar te wees in hierdie ongenaakbare landskap!
Nog ‘n verassing..vars leeuspore in die sand!Ook in die Huarusibrivier.
Vars karkas van ‘n gemsbok.Die leeus het vir ons gevlug,maar ons het hulle tog te siene gekry,waar hulle tussen riete weggekruip het.Hulle is baie sku,omdat hulle gereeld deur mense verwilder word.Die plaaslike bevolking skiet ook na hulle en ons het onlangs gehoor dat die laaste leeus in hierdie omgewing,uitgemoor is!Hoe hartseer tog!
Volgende keer vertel ek meer van hierdie interessante wêreld!
jou foto’s is pragtig. Ek sou vir die leeus vlug ipv hulle vir my
LikeLike
Dis nou interessant Dankie vir die deel
LikeLike
Ek like jou blog!Lieflike foto’s
LikeLike
Nice foties!
LikeLike
Pragtige foto’s van ‘n magiese wêreld – ek sien uit na jou volgende pos!
LikeLike
Dankie,ek werk aan die volgende episode.
LikeLike
Dankie Henry.
LikeLike
Kom kuier gou weer!
LikeLike
Dankie Tina.
LikeLike
Dit was eintlik hartseer om te sien hoe bang daardie leeus vir mense was.
LikeLike
Ag, en daar is ‘n ou kleintjie by! Nog ‘n rede om mens se afstand te hou, ne! Ons het graag gereis, veral in Namibie en Botswana. Ander plekke ook, soos Malawi, Zim en Zambie. Maar nou raak ons ouer en dis net of ons stadiger beplan en minder gereeld reis. Oorsee is natuurlik maklik. Dis die kampeerdery wat aan die een kant so heerlik is, maar tog ook werk vir ou lywe.
LikeLike
Ons het Suidelike Afrika al plat gery en gaan nie ophou,voordat ons met kieries moet loop nie!
LikeLike
Regtig lieflike fotos. Ons kampdae is ook maar in die verlede (rumatiek)
LikeLike
Ja,kamp is harde werk!Dankie vir inloer.
LikeLike
Sal later nog plaas.Dankie vir kuier.
LikeLike
Dis absoluut pragtig.
LikeLike
Dankie Anri!
LikeLike
Pragtige foto’s – ek hou baie van die weerkaatsing-ene.
LikeLike
Ek hou van jou fotos.
LikeLike
Ek was self verras om water hier te sien!
LikeLike
Dankie!
LikeLike