Op eensame geheime paaie deel 4

Oorhangende rotse met ‘n rivierbedding doer onder.

Die rivierbedding vol spore en geriffel deur die wind.

Babatjie vat ‘n blaaskansie tussen die trop se bene.

Ou grote staan amper op sy agterbene om blare van die Anaboom af te pluk.

Skoene by ‘n verlate Himbavesting.Hierdie nomadiese volk trek met hul vee agter weiding aan en sal seker weer hier kom draai wanneer dit gereën het en hier genoeg gras is.

Verlate hut waarvan die dak flenters is.

Perdeby by nog ‘n verlate hut,wat in ‘n taamlike goeie toestand is.

Die bed binne die hut,is gemaak van mopanietakke en beesmis gemeng met modder.Die houertjie bokant die bed is heel waarskynlik vir ‘n radio en die draadjie is dalk ‘n lugdraad.

Welwitschia mirabilis..die eienaardige woestynplant wat net in Namibië voorkom.Hierdie is ‘n manlike plant.

Die vroulike plant.Wetenskaplikes beskou die plant as ‘n vermiste skakel tussen keëldraende (denne of conifers) en blomdraende plante,aangesien dit beide eienskappe toon.

Die vroulike blomme of keëls van naby.Hierdie plante word honderde jare oud en groei in rotsagtige ooptes en gruisvlaktes.