Mooiste name..

Die boorgate en drinkplekke in die Kgalagadi Oorgrenspark,het die mooiste name.Die woord Kgalagadi kom van die woord Makgadikgadi,wat “soutpanne” of “groot dorsland”, beteken.In die omgewing suid van die park is reuse soutpanne,met name soos Hakskeenpan,Kykompan,Laaistokpan,Koppieskraalpan,Koopan,Eensaamheidspan… om maar net ‘n paar te noem.

Die name in die park self,is afkomstig van plase en gehuggies wat deur vroeëre inwoners bewoon is.Na die Eerste Wêreldoorlog, het’n Skotse opmeter,Rodger “Malkop”Duke Jackson,die area opgemeet en verdeel in plase.Jackson het baie van die plase vernoem na plekke in sy tuisland,Skotland.Vandag nog word van die name soos Auchterloni,Monro,Strathmore,Craig Lockhart en Dalkeith gebruik vir die boorgate.

Van die inheemse name klink soos musiek op die ore en ek plaas sonder verdere kommentaar,foto’s van ‘n klompie.

My gunsteling name waarvan ek nie foto’s het nie,is Bedinkt,Langklaas,Kousant,Polentswa,Gnurrie,Kwang,Lijersdraai(let op die outydse spelling…Nederlandse invloed) en die heel mooiste ene:Cubitje Quap!(spreek uit:Koebietjie Kwap).

Ek vind toe wel die volgende in my versameling: