In vanoggend se Kromkoerant, verskyn hopelik die laaste berig oor hierdie aangeleentheid, onder die opskrif:
Broodjie kry haar loontjie.
Gistermiddag was hier totale chaos by ons kantore. Alles het begin met ‘n blou Uno, wat met skreeuende bande en met verskeie knalgeluide, reeds van vêraf hoorbaar, deur die voorportaal se deure gebars het.
Verskrikte kantoorpersoneel moes tot hul skok agterkom, dat die insittende die immergewilde me Broodina Barber was. Sy is soos reeds bekend, ons koerant se verslaggeefster van damsake en plaaslike morele standaarde. Die druipnat, modderbesmeerde me Barber was gelukkig ongeskonde en het al swetsende, uit die verwoeste Uno gestrompel.
Die ore het behoorlik getuit oor die taalgebruik uit hierdie puriteinse dame se mond. Iemand het grappenderwys ‘n koekie seep aangebied, wat nog ‘n string totaal onbekende woorde vir geskokte lede van ons behoudende kantoorgemeenskap, tot gevolg gehad het.
Kort na die voorval, het een van die dames van die nou reeds berugte Broodbus, haar opwagting by die kantore gemaak en ‘n volledige verslag van gebeure aan ons beskikbaar gestel. Sy was smaakvol geklee in ‘n geel kniehoogte ontwerpersrok met bypassende stiletto’s en knyphandsakkie.
Na ‘n lang intense gesprek, het ons tot die gevolgtrekking gekom, dat ons joernaliste, die dames van hierdie bus, onnodiglik en onregverdig in ‘n heel slegte lig gestel het. Me Barber se felle aanslag, was die finale brood wat die kameel se rug gebreek het.
Om me Barber verdere verleentheid te spaar, sal ons nie verder ingaan op die gebeure by die Elephant Sanctuary nie. Haar ontslagvorm lê klaar gereed op haar tafel en sy het reeds aanduiding gegee dat sy nuwe weivelde gaan opsoek om haar brood te verdien.
Ongelukkig het die storie ‘n nadraai met ‘n kaserige klankie. Met openingstyd, vanoggend, kon niemand die kantore binnegaan nie. Al die vertrekke was gehul in ‘n rioolagtige walm en ons personeelbeampte het almal gemaan om vir eie veiligheid nie die gebou te betree nie.
Die munisipaliteit se rioolwa het later opgedaag en onder die bekwame leiding en toesig van mnr. Poen Schuyters en me Letrine Spoelsma, ingenieurs water en riolering, is die septiese tenks agter die kantoorgebou, leeggesuig.
Desnieteenstaande al hierdie pogings, het die walm hardnekkig bly vasklou. Uit desperaatheid het ons Sersant Sputnik Beeslaar, van die plaaslike polisiekantoor ontbied. Sy snuffelhond, Kaasje, het vinnig die bron van kwaad uitgevis. Op me Barber se lessenaar was die kamerasak, wat sy die vorige dag op haar vervolgings-en agtervolgingstog van die Broodbusdames, saamgeneem het.
Selfs Kaasje, wat nogal daarvan hou om per geleentheid vir homself ‘n kamoefleerkakkragie te skep, deur met sy skof in ietsie misserigs te rol, het verskrik teruggedeins by die geur uit genoemde sak. Na ‘n deeglike terplaatse ondersoek, het ‘n met sakdoekgemaskerde Sersant Beeslaar bevind, dat die sak lewe van stukke baie beleë bloukaas en ander onbekende sterk variëteite.
Die vermoede ontstaan, dat dit by die Van Gaalen Kaasmakerij gesteel is en met ‘n kinderagtige wraakmotief, deur me Barber geplant is. Haar ontslag kon nie op ‘n beter tydstip gekom het nie.
Die verdagte kamerasak met verskeie sterkgegeurde kase.
Ons hier by die Kromkoerant, slaak ‘n sug van verligting dat die afgelope week se gebeure tog goed afgeloop het. Ons vra ook nederig om verskoning vir die aantygings en baie swak beriggewing aangaande die groep hoogs gesofistikeerde dames op die Broodbus.
Hiermee ons beste wense vir die res van hul toer vorentoe.
Vis de Arend, Redakteur en hoofaanvoerder van reggestelde sake.
Volg die verdere avonture van die dames op die Broodbus hier:
Ek het nou die rustende nyalas in die veld langs die Watervalhuis uit hulle middag siësta geskater. My gesin dink ek is stapelgek. Perdebytjie, my maat van yster en plaat. Briljant, skreeusnaaks en minoraskerp. 100 uit 10. 🏅🏅🥇🥇🏆🏆
LikeLiked by 3 people
Ek is bly ek kon jou lekker laat lag, Lekkervurig!
LikeLiked by 1 person
O ja, Vis de Arend, jy bly ‘n ou melkdermpie. Towerinne moes jou help om Broodina in krummels te laat. Pffft. Ek het daai onthou uit die joernalislaai verwyder. Adieu.
LikeLiked by 3 people
Vis maak nou of hy die held van die verhaal is.
LikeLiked by 1 person
Tipies,
LikeLiked by 2 people
Jy kan bly wees julle romanse van toentertyd, was van korte duur!
LikeLike
Dankie tog. Jonkheid is ydelheid het my willewragtig Oupa tereg gesê. Ruil my Rots nimmer al hou ek party dae nie van hom nie.😉🤣
LikeLiked by 1 person
Bwahahaaa…o, ‘Bytjie, jy is die meesteres van misleiding, op dieselfde hoë vlak as ‘n sekere baron! Briljant, om die geurende kase aan ‘n wraaksugtige Broodina toe te dig!
LikeLiked by 3 people
As mens nie sterk is nie, moet jy slim wees.
LikeLiked by 2 people
Ziet er nochthans lekkere kaas uit.
Maar toch goed dat enkel de foto via het internet kan verspreid worden en niet de reuk.
Ps. Ik heb de link over de andere Zuid-Afrikaanse Bloggers bewaard om eens te bekijken als ik wat meer tijd heb.
Je weet dat Zuid Afrika me aan het hart ligt.
Groetjes
Theo
LikeLiked by 1 person
Dankie Theo…dis ‘n heerlike verspotte reisverhaal, wat deur ons groep aangepak is. Tussen die grappies deur, stel ons elk ons interessante woonplekke se besienswaardighede aan mekaar bekend.So leer ons ook plekke in ons eie land ken. Sal lekker wees as jy soms kan meelees.My beurt vir bekendstelling van ‘n pragtige area in SA, sal op Donderdag 1 November geplaas word.
LikeLiked by 1 person
Bedankt, kijk wat ik ermee gedaan heb https://groetenuittienen.blog/2018/09/24/ik-droom-van-zuid-afrika/
Ik kijk uit naar 1 November Groetjes
Theo
LikeLiked by 1 person
Besonders…baie dankie daarvoor.
LikeLiked by 1 person
Hierdie verhaal is ‘n verbeeldingryk kragtoer. Daai Dam sal nooit weer dieselfde wees nie. Die Towerinne het seker gemaak daarvan. Die gesofistikeerde dames – whahaha. Hulle weet darem hoe om ‘n goeie voetjie voor te sit nè? Dis briljant Bytjie.
LikeLiked by 3 people
Hulle is nie verniet Towerinne nie. Wat die oog sien is nie noodwendig die werklikheid nie. Kul jou hier, kul jou daar….
LikeLiked by 2 people
Jy klink soos Martino die kulkunstenaar.
LikeLiked by 1 person
En siedaar!
LikeLiked by 1 person
😉
LikeLike
Dis kostelik verby Perdebytjie 😁😁😁 Briljant!!. Bly om te hoor jy het weer jou geel rok en stiletto’s aangehad!! Hester is reg… die dam gaan nooit weer dieselfde wees nie.
LikeLiked by 1 person
Ek waggel steeds op daai stiletto’s, maar dit gaan darem na dese al hoe makliker. Het ook nou al geleer dat die uiterlike baie tel om skurfheid te verdoesel…dis nou ekke, daar vanaf die mynhope op die Oosrand!
LikeLiked by 2 people
Ag vaderland jy laat my alweer lag. Ons Perdebytjie skurf???? Die prentjie in my kop sê anderste.
LikeLiked by 2 people
😄😉
LikeLike
Une très belle histoire de fromage, of betrof het hier geen Franse kazen?
LikeLiked by 1 person
Ek weet nie, solank dit net die stinkste kase is wat mens kan kry. Dit moet in die verhaallyn inpas! Dankie vir kom lees, Harme.
LikeLike
Ek sit verstom hier in Bangkok en lees hierdie uitmuntende berig. Verstom, en toe begin ek giggel, en toe kom die snorke deur…soos ek lag. Natuurlik, as mens hier aan die lag raak, dink iemand in die onmiddelike omtrek dis omdat hulle iets snaaks gesê het. So word ons toe ń groepie wat lag. Ek vir jou skrywe, en twee ander vir mekaar want elkeen dink hy is die een wat die snaakse ding gesê het. Ja, dis hy-e, want ek was besig om speelgoed karretjies vir die kleinkinders te koop, en twee verkoops-ouens het albei ewe hard probeer om hul ware aan my te verkwansel. Als dit terwyl dogter weereens tekere gaan omdat sy seker is sy het ń rot se boude en stert agter die toonbank sien ingaan. Ewenwel Perdebytjie, jy het hierdie briljant berig. My dorpie is nou amptelik op die map.
LikeLiked by 3 people
Verwag binnekort ‘n toeloop van besoekers, Una!
LikeLiked by 2 people
Ik heb zo eens enorm stinkende kaas onder de lade van een collega verstopt. Het heeft weken geduurd vooraleer ze wist wat aan de hand was, telkens ze haar bureaulade opgende.
LikeLiked by 2 people
Jy is ‘n erge ondeugd!
LikeLiked by 1 person
Leuk verteld
LikeLiked by 1 person
Dankie dat jy kom lees het, Marylou.
LikeLike
Dit was nou n briljante beskrywing. Ek hou van jou snuffelhond se manier van weg steier van die reuk en ook die reukies wat hul so graag om hul nek hang.(gelukkig het Trompie nog nie geleer om dit te doen nie, hy’s mos deur n mens grootgemaak, ha ha) Die name wat jy vir die verskillende persone gegee het is kostelik en heel beskrywend. Hoop net nie ou Broodina wys weer haar gesig nie!
LikeLiked by 3 people
My honde doen dit gereeld, dan wil ek hulle afslag…lyk my dis instinktief om hulself te probeer kamoefleer. Ek is bly jy het die verhaal geniet, Scrapy.
LikeLiked by 1 person
My seun se twee Yorkies hou ook om hulself vol te smeer. Die krimpvarkies se rolletjies stink vreeslik en hul veral om in dit te rol, en dan natuurlik katte sn. Ja jou storie is heel plesierig en grappig.
LikeLiked by 1 person
Briljant Perdebytjie, jy het met n geel kolletjies rok en stilletos behuoorlik uuhmm gat geskop.. well done
LikeLiked by 1 person
😄😄
LikeLike
Zit met tranen in de ogen prachtig verhaal!
LikeLiked by 1 person
Ek hoop jy kon dit darem verstaan, Frans. Dankie vir kom lees.
LikeLike
Julle is te oulik – lyk my elkeen kry haar eie rolletjie, jy die bobaas verslaggeefster, Toorts die musiekmaker en Lekkervurig die k@kmaker (poetsbakker)
LikeLiked by 1 person
Gelukkig gaan ons nou plaas toe en daar is nie koerante nie. So nou kan ek ook bietjie rus van die verslaggewing.
LikeLiked by 1 person
Ek is net bevrees dat Broodina nie weer werk kry nie en dan ‘n plattelandse joernakis raak, toevallig net mooi in die omgewing waar ons gaan kuier.
LikeLiked by 1 person
Ek hoop nie sy agtervolg ons nie!
LikeLiked by 1 person
Jong, sy het nou net een doel voor oë en dit is om ons te kelder! 😱
LikeLiked by 1 person
Poen Schuyters!!! Hahahahahahahahaha….ek het nou so gelag dat die pasiente verskrik opgekyk het want die trane loop!!
LikeLiked by 1 person
Hy en Letrine Spoelsma is ‘n gedugte rioolspan.😄😄
LikeLike
Uiteindwlik! Dankie tog! Uiteindelik is ons naam gered!
LikeLiked by 1 person
Interesting that you guys still like Gouda cheese after so many centuries… 😉
LikeLiked by 1 person
It is my personal favourite.😄😄
LikeLiked by 1 person
Hehe! 🙂
LikeLiked by 1 person
Perdeby spionasieverhale is jou voorland!
LikeLiked by 1 person
My muse is nou totaal uitgeput!
LikeLike
Het ging er daar fel aan toe
LikeLiked by 1 person
Dankie dat jy hierdie verspottigheid kom lees het, Marylou.
LikeLike
Wat een knotsgek verhaal..ongelooflijk
LikeLiked by 1 person
Dis maar lekker verspot, Marylou. Dankie dat jy kom lees het.
LikeLike