Hester se verhaal vervolg https://www.hesterleynel.co.za/2019/04/11/by-n-veraf-grenspos/
Die bebaarde orrelspeler lyk soos ‘n Recce uit die Rhodesiese Bosoorlog…fris, met bultende vesels onder die moue van sy styfspannende kakiehemp. Hy was beslis op sy dag ‘n man van aansien onder sy troepe. Sy deurpriemende kyk spaar nie my bewerige binneste nie en ek begin stotterend protesteer.
“Shut up son, I am judging your character!”, snou hy my toe en staar my vir ‘n volle tien minute aan. Ek voel naderhand so nietig soos ‘n eensellige amoeba en bedink ‘n plan om my hier uit te wikkel.
Gelukkig word ek verdere sielkundige streepsuiker gespaar, toe die kroegdeure oopbars en drie bekende figure binnestrompel. Die klomp kroegvlieë snak na hul asems by aanskoue van Jackie Chan, Jamie Oliver en Christian Bale. Selfoonkameras flits om hierdie belangrikste van oomblikke in die saai bestaan van die Platjangemeenskap vas te lê en te troetel.
Nadat alle opgewondenheid bedaar het, blyk dit dat die drie se hulp ingeroep is om ‘n waaghalsige plan uit te voer. ‘n Klein gemeenskappie naby Fort Matlaputla, in Botswana, word al weke lank geteister deur geheimsinnige verdwynings van die dorpsmense.
Die Recceknaap het my geweeg en swaar genoeg bevind en ek is nou deel van ‘n plan, om die Tswanas te hulp te snel.
Vroeg die volgende oggend vertrek ons na die grenspos…’n eienaardige groepie..Jackie, die wildewragtag van Hong Kong, al kappende met die sykante van sy hande, met so hier en daar ‘n wawiel ingegooi, Jamie in die voorhoede met sy mesblok vol vlymskerp geslypte messe en Christian, geklee in sy Batmanpakkie, wat orals styf span op die regte plekke. Natuurlik lyk vaal ou ekke heeltemal sonder styl en vorm die agterhoede saam met ‘n hele entourage nuuskierige volgelinge op sleeptou!
By die grenspos, lê die enigste beampte heerlik en slaap met sy kop op die toonbank. Sy lippe tril soos hy snork en soos die groep verbykom, lig hy net vermoeid en met toe oë sy kop op en tjap met ‘n swaar arm elke paspoort wat onder sy stempel verbyskuif. Daarna sak hy weer in ‘n diepe beswyming en snork kwylend lustig voort, sonder om bewus te wees of dit vriend of vyand is wat deur sy grenspos beweeg het!
By Fort Matlaputla aangekom, stel die eienaardige groepie, onder leiding van Recceman, ondersoek in na die uitleg van die omgewing en doen bietjie navraag onder die plaaslike bevolking, om ‘n gevoel van die sinistere bedrywighede te probeer bepaal.
Ek merk op dat daar ‘n taamlike groot rivier naby die gehuggie verby vloei en sit dadelik twee en twee bymekaar. Ek deel my gedagtes met die groep en ‘n plan van aksie word uitgewerk.
Met sonsondergang, word ‘n bokram aan ‘n stewige paal langs die water, vasgemaak. Die Sjinees gaan lê in die riete, Jamie sit in die ou gehuurde rokende Toyotabakkie, waarmee ons hierheen gekom het en slyp vir oulaas sy messe, terwyl Batman soos ‘n donker gees op die wal van die rivier rondsweef. Ek en die Recce lê gereed met gewere, gemik op die donker waters naby die arme blêrende ram.
Die nag is stikdonker, maar skielik gewaar ons dit…
Hy swem vinnig op die ongelukkige bokram af, maar voor sy kake kan oopgaan vir die doodsklem op die bok…
klap die skote uit twee gewere en Batman gevolg deur Jackie, sak toe op die krokodil. Hulle sleep die dooie dier wal toe en Jamie staan nader met sy geslypte messe.
In die lig van die maan, wat intussen helder verrys het, kerf Jamie die ongelukkige dier se maag oop. Die lem flits soos hy behendig die dik vel deurklief en skielik stort die maaginhoud, stinkend op die modderige rivierwal uit. Verskeie items, soos horlosies, skoene, hoede, T-hemde en selfs ‘n fietsketting en gebuigde fietswiel met ‘n paar speke in, dui op die geheimsinnige verdwynings, wat nou uiteindelik opgeklaar is!
Terug in die gehuggie, heers blydskap en ook hartseer weens die verlies van geliefdes. Batman deel kostuums uit aan ‘n ieder en elk. Jamie skenk potte wat dadelik op oop vure prut met stukke krokodilvleis en pap, vir latere feesvierings die aand. Jackie gee demonstrasies by die plaaslike mark en hardloop soos ‘n kat teen die kraampies se pale uit. Hy kap waatlemoene en pampoene met sy hande oop dat die pitte so spat, natuurlik tot groot vermaak van die jillende toeskouers.
Ek en Recceman sit stil en aanskou net die besigheid…”My character has been judged.”
NS.Die slapende amptenaar by die grenspos het regtig gebeur! Die idee van die krokodil kom uit Alexander McCall Smith se reeks oor The No.1 Ladies’ Detective Agency…Wonderlike verhale uit Botswana op ‘n deernisvolle, pittige manier geskryf.
Onthou om jou bydrae hier te koppel
https://fresh.inlinkz.com/party/1a5ae3bc0794453eba4ed3f7c6e95f1d
Briljant vir Hester gesnoer. Het ook aan Botswana se oulike speurder gedink. Perdeby, jy is flippen oorspronklik. Ek gaan diep moet delf.
LikeLiked by 1 person
Ek kan nie onthou uit watter boek dit gekom het nie. Ek het die hele reeks…dis van my spesiale boeke wat ek nie sommer uitleen nie. Tydlose leesstof!
LikeLike
Ek is nou seker ons twee is uit selle lap gesny! Dis ook op my ‘net myne’ rak!
LikeLiked by 1 person
Hehe, nou toe nou! Ek het ‘n paar sulke boeke…hulle gaan nêrens en ek lees hulle weer.
LikeLike
‘Bytjie, dit was nou briljant! Om Jackie pampoene en waatlemoene te laat oopkap en Jamie met die krokodilvleis te laat afreken! 😀
LikeLiked by 1 person
Dankie Frannie.😄😄
LikeLiked by 1 person
Briljant. Absoluut briljant. Die recce wat orrel speel. Jamie wat dure (potte) uitdeel om kos op oop vure gaar te maak. Wonder of hy ‘n reseppie of twee vir krokodilvleis het? Die inhoud van die krokodil se maag – stukke van ‘n fiets?? Wow, ek is bly ek woon hier in veilige KZN. Weet jy wat Bytjie, ek het nie minder nie as agt van Smith se boeke in my e-book biblioteek waarvan ek nog nie ‘n enkele een gelees nie. Daai saak gaan nou reggestel word – hierdie week nog.Ek gaar mos boeke op vir “later”, maar ek doen die meeste van my leeswerk net in die winter. Om verstaanbare redes. Dubbel laaik vir jou bydrae.
LikeLiked by 2 people
Ek is bly ek kon voldoen aan die regte standaard.😉😉
Dis nou hoogtyd dat jy daardie boeke moet begin lees! Die papierboeke het sulke mooi voorblaaie en staan netjies in ‘n ry op my boekrak.
LikeLiked by 1 person
Geef mij maar een boterham met choco. Daarvoor moet geen dier onnodig worden geslacht.
LikeLiked by 1 person
Gelukkig is my verhaal fiksie. 😉
LikeLiked by 1 person
Ik heb niet alles begrepen, maar de grote lijnen wel… ik vond je verhaal héél boeiend!
LikeLiked by 1 person
Dis altyd lekker as jy kom lees, al begryp jy nie alles nie, Bea! Dis sommer ‘n lekker lawwe storie.
LikeLiked by 1 person
Griezelig zo’n maaginhoud.
Knap verhaal.
LikeLiked by 1 person
Dankie dat jy kom lees het, Suske.
LikeLike
Daar het jy dit nou! n Baie goeie oplossing om die skuldige aan die pen te laat ry. Jy is n storieverteller van formaat! Baie boeiend en vol kinkels. Ek sien voor my daardie grenspos ou met sy snorkery! Ek is bly dat nie een ouens deur die krok gevang is nie.
LikeLiked by 1 person
Dankie vir jou mooi woorde, Ineke! Jy het darem self kunstig aangesluit by my verhaal…baie vernuftig, hoor!
LikeLike
Joune was dare beslis uitstekend. Dit het kans gegee vir baie drama. Was lekker om die storie te skryf. Het eers heeltemaal anders begin en op einde het dit toe anders ontwikkel.
LikeLiked by 1 person
Kyk nou net hoe hou jy ons op ons tone! Baie goed geskryf, Dina.
LikeLiked by 1 person
Dankie Una.
LikeLiked by 1 person
Dankie tog dat jy ‘n einde vir die storie kon skryf….en jolly goed ook. My brein weier volstrek om te dink…en ek het geen idee gehad wat om met die drie manne te doen nie. Dina die doring!!!
LikeLiked by 1 person
Kameeltjie, so maklik gaan jy nie wegkom nie! Ineke het die storie verder geskryf en dit laat baie ruimte vir ‘n baie kommin Camilla om die storie lekker stomend te maak!!
LikeLiked by 1 person
Ek sal gaan lees maar my muse is rêgtig op soek.
LikeLiked by 1 person
Dis nou wragtag pragtag geskryf. Volpunte, ek het dit nou vreeslik geniet. Jy skilder die storie in my kop…
LikeLiked by 1 person
Ek is bly jy het dit geniet, Bondeltjie!
LikeLike
🤗
LikeLike
Sjoe! ‘n Goeie mondvol! Ek moet nog daardie boek lees, hy lê iewers in my huis.
LikeLiked by 1 person
Daar is ‘n hele reeks van die boeke. Ek kan nie onthou uit watter een die krokodilstorie kom nie.
LikeLiked by 1 person
Weer een mooi verhaal.
Maar bij deze aan iedereen daar in Zuid-Afrika een Zalig Pasen vanuit Vlaanderen https://groetenuittienen.blog/pasen-easter-easter-monday/
LikeLiked by 1 person
Baie dankie dat jy kom lees het Theo. Ek het bietjie laat jou kommentaar gesien. Pase is verby, maar dit was ‘n goeie tyd. Ek hoop jy het ook ‘n goeie paastyd beleef.
LikeLiked by 1 person