Woordsnoere 3.
Jakkie Jan versinnebeeld die hedendaagse soeke na onmiddellike roem en aansien via internet. So besluit hy om sy eie video op JouTjoep te plaas, om sy selfgewaande gawes met sensasiesoekende kykers, daarbuite te deel.
Na versigtige beplanning, dink hy sekerlik die eentonigste stukkie gemors uit, waarmee hy die JouTjoep-wêreld wil tref. Die roete wat hy wil volg, is dié van ‘n reeds vervelige, afgesaagde skop-skiet-en-donnerstyl, wat die beroemde Jacky Chan na sy asem sal laat snak.
Die toneel begin waar hy in ‘n donker, rookgevulde kroeg met ‘n skuimende shandy in die hand, jeremieer met wie ookal wil luister. Soos ‘n ware causeur klets hy luiddrugtig en sonder ophou bo die lawaai uit.
Jakkie Jan se gesanik werk naderhand erg op die nerwe van ‘n ongure karakter, wat sy eskapades vanuit ‘n hoek gadeslaan. Bultende bisepse laat die vesels van die oliebol se t-hempsmoue styfspan. Op sy regterarm is ‘n tatoe van ‘n wulpse meermin langs ‘n skip wat sink. Op die linkerarm is ‘n meer besadigde hartjie met ‘n pyl deur en die inskripsie, “Moekie”.
Die spiertier raak al hoe meer geïrriteerd met Jakkie Jan en knak sy kneukels een vir een kliphard. Met ‘n harige dik voorarm veeg hy berekenend ‘n taai blerts bierskuim van sy olierige druipsnor af en staan stadig op. Hy is besig om die aas uit te gooi, waarmee hy hierdie vervelige sonbesie op sy plek wil sit en hom wys hoe nietig hy is.
Jakkie Jan is teen hierdie tyd goed bedwelmd met wingerdgriep, maar is steeds luiddrugtig aan’t skerts met ‘n skamel geklede kelnerinnetjie in ‘n hasiekostuum. Die spiertier is nou eers ergerlik en troetel heimlik sy plan van aksie.
Teen die muur bokant die kroegtoonbank, pryk die opgestopte kop van ‘n springbokram. Die horings is vlymskerp en die glasige oë staar sonder vrees na die toneel wat hom hier afspeel.
Met een sprong gryp die oliebolspiertier ‘n steeds kwetterende Jakkie Jan en hang hom onderstebo op aan die springbokhorings. Met die plathand, gee hy hom ‘n paar hale streepsuiker op sy maer boudjies. Almal in die kroeg is verstom en toe bars daar ‘n gejuig los.
Jakkie Jan het nooit die video op JouTjoep gepos nie…wonder hoekom nie?
Onthou om jou pos in te skakel by
https://fresh.inlinkz.com/p/0ad6b9588b9649c38b03c4859734bed9
Perdeby. Perfek, puik, prettig en perdyby pittig gesnoer! Dankie my brawe maat dat jy die ysige stilte verbreek. Ek dag my woordsnoer string is vir ewig gebreek.
LikeLiked by 1 person
Jy sal nou nie glo hoe ek hierdie een geniet het nie. TV was vanaand so vervelig en ek het lekker onder ‘n kombers opgekrul en hieraan gewerk. Ek het darem al die leeswerk oor die karakters ook gedoen. Dis baie interessante mense. Toe skep ek my eie Afrikaanse Jakkie Jan.
LikeLike
🏆🏅🎉
LikeLiked by 1 person
Wille-wragtag, Bytjie jy is n storie verteller van hooge formaat. Daardie paar warm klappe op die boudjies het Jakkie-Jan seker uit sy geloof laat skrik. Dit is wraggies n storie wat n prys moet kry!
LikeLiked by 2 people
Dis so ‘n spul twak,maar dis soms lekker om sommer bog te skryf. Bly jy het dit geniet, Ineke.
LikeLike
Dis goeie ontspanning!
LikeLiked by 1 person
Perdebytjie ek kon die toneel homself sien afspeel 😂😂😂😂 Uitstekend gedoen!!!
LikeLiked by 1 person
Nou toe Kameel, ek wag vir jou storie. Ek het nou die ys gebreek. Arme Vuurvliegie begin dink ons het haar versaak met hierdie uitdaging!
LikeLiked by 2 people
My muse het rêgtig sy tas gepak. Niks wil in my gedagtes opkom noe…ek dink die skok toe ek al die C name en woorde sien was te groot. 😂😂😋😋
LikeLiked by 1 person
Ek het net een C woord gebruik. Die ander is ook Grieks vir my!
LikeLiked by 1 person
Mooi verhaal. Levendig geschreven.
LikeLiked by 1 person
Dankie Suske.
LikeLiked by 1 person
Bwahahaaaa!!
LikeLiked by 1 person
Bly jy het dit geniet, Frannie. Ek wag in spanning vir jou bydrae!
LikeLiked by 1 person
Onverbeterlik! Joe! Uitstekend!
LikeLiked by 1 person
Dankie Toortsie. Ek hou asem op vir jou bydrae!
LikeLiked by 1 person
Nee wat, dit sal nie eers halfpad hierby kom nie. Myne is altyd so straight forward.
LikeLiked by 1 person
Dit lees ik met veel plezier en de hulp vat Google translate 😉
LikeLiked by 1 person
Dankie dat jy kom lees het, Frans. Ek hoop die translate laat die stuk tot sy reg kom.
LikeLike
Hier (nu) moet ik wat beter mijn best doen om alles te verstaan.
LikeLiked by 1 person
Al verstaan jy net bietjie, is dit ook goed. Dankie vir inloer, Koen.
LikeLike
Hahaha dit is ‘n kostelike storie Bytjie. Ek het dit vreeslik geniet
LikeLiked by 1 person
Ek is bly ek kon jou laat glimlag, Bondeltjie.
LikeLike
Wou dis ‘n moeilike een! Jy kan nou woorde en prentjies doen. Welgedaan
LikeLiked by 1 person
Dankie Tina…was nogal moeilik.
LikeLiked by 1 person
Applous! Applous! 👏👏 Dis nou so ‘n lekker duimsuigstorie wat ‘n mens laat giggel vir ‘n lang tyd. Jy het ‘n ryke verbeelding. En Vuurvliegie hoef nie bang te wees dat ons haar sal versaak nie – ek is die afgelope maand al so ‘n week agterstallig met alles wat ek doen. Dit gaan nog gebeur.
LikeLiked by 1 person
Dankie vir die applous,Hester! Ek sien reikhalsend uit na jou bydrae.😄😄😄
LikeLiked by 1 person
Ik kom hier straks terug om alles nog eens rustig te lezen, met de leuke commentaren.
LikeLiked by 1 person
Ek hoop jy kon dit darem verstaan.😄
LikeLike
Het is steeds weer leuk te ontdekken hoe goed ik jou taal kan lezen en begrijpen.
Wat een leuk verhaal weer.
LikeLiked by 1 person
Ek is bly jy geniet dit so om my taal te lees. Ek waardeer dit geweldig, Harme.
LikeLiked by 1 person