Bome …

Dis verstommend dat daar soveel verskillende bome in die dorre Kaokoland voorkom!Hier is ‘n paar besonderes wat my aandag getrek het.

Ons het een nag onder hierdie boom gekamp.Dit was op die wal van die Khumibrivier…die aand voordat ek amper verdwaal het!

Dis ‘n hardekool,maar so oud,dat die stam wat gewoonlik maklik herkenbaar is,heeltemal misvormd is!Hierdie deel lê al op die grond en dele daarvan is reeds dood.

Die pragtige tekstuur van naby…terloops,hierdie foto’s is in goue lig geneem en die kleure is werklik so mooi.

Iewers tussen êrens en nêrens is hierdie misvormde bottelboom/Bottle tree(Pachypodium lealii).Die omgewing waar dit groei,is klipperig en dor.Let op die aalwyne wat oral hier groei.

Nader…die stam is heeltemal verstrengel met ‘n ander boom.

Net op sekere plekke word hierdie besondere bome aangetref.Dis die Kandelaarboom/Candelabra Euphorbia(Euphorbia verosa).

Hulle groei in klipperige arias teen die rante.

Die volgende boom staan bekend as ‘n witgat/Large-leaved sterculia.(Sterculia quinqueloba).Hulle is ook lief om in die klippe te groei op die mees onwaarskynlike plekke!

Dis droë wêreld,maar om elke draai is ‘n verstommende verrassing!